Kabanata 36
Si Hagot
Mga 55 taon bago isilang si Jesucristo, libu-libong kalalakihan, kababaihan, at mga batang Nephita ang umalis sa Zarahemla at naglakbay patungo sa hilaga.
Isa sa kanila, isang lalaking nagngangalang Hagot, ay gumawa ng isang malaking sasakyang-dagat at pinaglayag ito sa dagat kanluran.
Maraming Nephita ang nagdala ng pagkain at mga panustos at naglayag sa kanyang sasakyang-dagat.
Gumawa pa si Hagot ng iba pang sasakyang-dagat na nagdala sa mga tao sa isang lupain sa hilaga. Bumalik ang unang sasakyang-dagat at kumuha pa ng higit na maraming tao.
Isa pang sasakyang-dagat ang naglayag. Wala na sa mga sasakyang-dagat ang bumalik, at hindi kailanman nalaman ng mga Nephita ang nangyari sa mga tao.