Kabanata 8

Pagtawid sa Dagat

Sinabi ng Panginoon kay Lehi na isakay ang kanyang mag-anak sa sasakyang-dagat na kanilang ginawa. Kinargahan nila ito ng mga bungang kahoy, karne, at pulot at ng mga binhi ng mga halaman upang itanim sa lupang pangako.

1 Nephi 18:5–6

Hinipan ng malalakas na hangin ang sasakyang-dagat patungo sa lupang pangako.

1 Nephi 18:8

Sina Laman, Lemuel, at ang ilan pa ay nagsimulang maging masama. Nang sabihin sa kanila ni Nephi na tumigil, nagalit sila at iginapos siya sa pamamagitan ng lubid.

1 Nephi 18:9–11

Dahil sa kanilang kasamaan, ang Liahona ay tumigil sa pag-andar. Hindi nila malaman kung saang dako papupuntahin ang sasakyang-dagat. Isang malakas na bagyo ang umihip na pabalik sa sasakyang-dagat sa loob ng tatlong araw.

Nephi 18:12–13

Sinabi ni Lehi kina Laman at Lemuel na kalagan si Nephi, ngunit ayaw nilang makinig. Labis na sumama ang loob nina Lehi at Saria kung kaya’t sila ay nagkasakit.

1 Nephi 18:17

Umiyak ang asawa at mga anak ni Nephi. Nagmakaawa sila kina Laman at Lemuel na kalagan si Nephi, ngunit hindi sila pumayag.

1 Nephi 18:19

Sa ikaapat na araw, lalong lumakas ang bagyo. Malapit nang lumubog ang sasakyang-dagat.

1 Nephi 18:14–15

Alam nina Laman at Lemuel na ipinadala ng Diyos ang bagyo. Natakot sila na baka sila malunod.

1 Nephi 18:15

Sa wakas, nagsisi sina Laman at Lemuel at kinalagan si Nephi. Bagamat ang kanyang mga bukung-bukong at galang-galangan ay namaga at mahapdi sa pagkakatali, hindi dumaing si Nephi.

1 Nephi 18:15–16

Pagkaraan ay pinulot ni Nephi ang Liahona, at ito ay muling gumana. Nanalangin si Nephi at tumigil ang hangin. Naging mapayapa ang dagat.

1 Nephi 18:21

Si Nephi ang nagpatakbo sa sasakyang-dagat, at muli itong naglayag patungo sa lupang pangako.

1 Nephi 18:22