Kabanata 53
Si Moroni at ang Kanyang mga Turo
Pagkamatay ni Mormon, nag-iisa na si Moroni. Tinapos niya ang mga talaan na ibinigay sa kanya ng kanyang ama.
Alam ni Moroni na mahuhukay ang mga laminang ginto pagdating ng araw.
Ang mga salita sa mga laminang ginto ay nagkukuwento tungkol kay Jesucristo. Nagpapatotoo ang mga ito tungkol sa kanya at nagtuturo sa mga tao kung paano mabuhay nang tama.
Pinatay ng masasamang Lamanita ang lahat ng Nephita na hindi nagtatatwa kay Jesucristo.
Hindi kailanman itatatwa ni Moroni si Jesucristo. Kung saan-saan siya pumunta, sa pagtatago sa mga Lamanita.
Marami pang isinulat si Moroni sa mga laminang ginto, lalo na sa mga Lamanita sa mga huling araw.
Maraming mahahalagang bagay ang isinulat niya, kabilang ang mga salita ng panalangin para sa sakramento.
Isinulat ni Moroni na ang maaari lamang mabinyagan ay ang mga tao na nakahandang magsisi sa kanilang mga kasalanan at maglingkod kay Jesucristo.
Nais ni Moroni na maniwala ang bawat isa kay Jesucristo at makilala siya. Sinabi niya na ang lahat ng bagay na mabuti ay nagmumula kay Cristo.
Isinulat ni Moroni na kung mamahalin ng mga tao ang Diyos at susundin siya, maaari silang maging ganap.
Alam ni Moroni na pagkamatay niya, mabubuhay siyang mag-uli at mamumuhay kasama ng Ama sa Langit at ni Jesucristo.