Kabanata 29
Nagturo si Alma Tungkol sa Pananampalataya at Salita ng Diyos
Itinuro ni Alma sa mga Zoramita ang tungkol sa pananampalataya. Sinabi niya na ang mga taong humihiling ng palatandaan bago sila maniwala ay walang pananampalataya.
Sinabi ni Alma na ang pananampalataya ay ang paniniwala na ang isang bagay ay totoo kahit na hindi ito nakikita.
Ipinaliwanag niya na lumalaki ang pananampalataya habang ang isang tao ay nagnanais na maniwala at nakikinig sa salita ng Diyos. Ang salita ay natatanim sa puso ng taong ito, at kagaya ng isang binhi ay nagsisimulang tumubo.
Habang nadaragdagan ang natututuhan ng isang tao tungkol sa ebanghelyo, umuusbong ang binhi at patuloy na lumalago. Alam ng tao na mabuti ang binhi, at ang kanyang pananampalataya ay higit na lumalakas.
Sinabi ni Alma na kagaya ng mabuting binhi na nagkakaroon ng mabuting bunga, ang salita ng Diyos ay nagdudulot ng mga biyaya sa mga tao na may pananampalataya.