Kabanata 26

Ang mga Tao ni Ammon

Itinuro ng mga anak na lalaki ni Mosias ang ebanghelyo sa mga Lamanita. Libu-libong Lamanita ang nagsisi at sumapi sa Simbahan.

Alma 23:4–5

Tinawag ng mga Lamanita na sumapi sa Simbahan ang kanilang sarili na Anti-Nephi-Lehi, o ang mga tao ni Ammon. Sila ay mabubuti at masisipag na mga tao.

Alma 23:17–18; Alma 27:26

Ang mga Lamanita na hindi nagsisi ay nagalit sa mga tao ni Ammon at naghanda na makipaglaban sa kanila.

Alma 24:1–2

Alam ng mga tao ni Ammon na ang masasamang Lamanita ay darating at papatayin sila ngunit nagpasiya silang huwag lumaban. Napagsisihan na nila ang pagpatay ng tao.

Alma 24:5–6

Ibinaon nila nang malalim sa lupa ang kanilang mga sandata at nangako sa Diyos na hindi na sila kailanman muling papatay ng tao.

Alma 24:17–18

Nang dumating ang masasamang Lamanita at nagsimulang pagpapatayin sila, nagpatirapa sila sa lupa at nanalangin.

Alma 24:21

Nang makita nilang hindi lumalaban ang mga tao ni Ammon, marami sa masasamang Lamanita ang tumigil sa pagpatay sa kanila.

Alma 24:23–24

Nalungkot ang mga Lamanita na pumatay sila. Itinapon nila ang kanilang mga sandata at sumama sa mga tao ni Ammon. Hindi na sila muling makikipagdigma.

Alma 24:24–27

Marami pang Lamanita ang dumating upang patayin ang mga tao ni Ammon. Hindi pa rin sila nakipaglaban, at marami ang napatay.

Alma 27:2–3

Dahil hindi niya nais na malipol ang mga taong minamahal niya, nanalangin si Ammon upang sila ay matulungan. Sinabi ng Panginoon sa kanya na dalhin ang kanyang mga tao at lisanin ang lupain.

Alma 27:4–5, 10–12

Ibinigay ng mga Nephita sa Zarahemla kay Ammon at sa kanyang mga tao ang lupain ng Jerson at pinangalagaan sila. Naging magkakaibigan sila.

Alma 27:22–23