Mga Taong Dapat Malaman

Mga Kuwento sa mga Banal na Kasulatan

Aaron: anak na lalaki ni Haring Mosias at isang misyonero sa mga Lamanita
Abinadi: isang propetang isinugo upang turuan si Haring Noe, na nagpasunog kay Abinadi
Adan: ang unang lalaki sa mundo
Alma: isang saserdote ni Haring Noe na naniwala sa mga turo ni Abinadi at pagkatapos ay naging pinuno ng Simbahan
Nakababatang Alma: anak na lalaki ni Alma na naghimagsik at nagtangkang sirain ang Simbahan ngunit nagbago ng puso at nagsimulang mangaral ng ebanghelyo. Siya ay naging pinuno ng Simbahan at unang punong hukom.
Amalikeo: isang masamang taong nagnais na maging hari ng mga Nephita, ngunit aalisan ng kalayaan ang mga tao. Nang hindi siya naging hari, umalis siya upang sumapi sa mga Lamanita.
Amlici: isang masamang taong nagnais na maging hari ng mga Nephita. Nang hindi siya naging hari, siya at ang kanyang mga tagasunod ay umalis, sinalakay ang mga Nephita, at pagkatapos ay sumapi sa mga Lamanita.
Amlicita: mga tagasunod ni Amlici. Naglagay sila ng pulang tanda sa kanilang mga noo at sumapi sa mga Lamanita.
Amaron: isang mabuting lalaki na nagbigay kay Mormon ng mga talaan upang ang mga ito ay maging ligtas.
Ammon: ang pinuno ng isang grupo ng mga Nephita sa Zarahemla na nagtungo sa lupain ni Nephi at tumulong sa mga Nephitang tumakas.
Ammon: isa sa mga anak na lalaki ni Mosias na nagprotekta sa mga kawan ni Haring Lamoni mula sa mga magnanakaw. Marami siyang tinuruan at pinagbalik-loob na mga Lamanita sa kanyang pagmimisyon.
Ammon, mga tao ni: mga Lamanitang napagbalik-loob ng mga anak na lalaki ni Mosias. Ibinaon ng mga taong ito ang kanilang mga sandata at nakipagtipang hindi na muling makikipaglaban pa.
Amulek: ang kasamang misyonero ng nakababatang Alma. Ikinulong sila sa bilangguan ngunit gumamit ng kapangyarihan ng Diyos upang paguhuin ang mga pader ng bilangguan.
Amulon: isang masamang saserdote ni Haring Noe na ginawang pinuno ng mga tao ni Alma. Pinagtrabaho niya sila nang mabigat at nagbantang papatayin ang sinuman mahuhuling nagdarasal.
Anti-Nephi-Lehi: (tingnan sa Ammon, mga tao ni)
Benjamin, Haring: isang mabuting hari na tumayo sa isang tore upang turuan ang kanyang mga tao tungkol kay Jesucristo
Kapatid na lalaki ni Jared: isang propeta na humiling kay Jesus na hipuin ang 16 na bato nang sa gayon ay magbigay liwanag ang mga ito sa mga gabara na gagamitin ng mga Jaredita sa kanilang paglalakbay sa lupang pangako
Corianton: anak na lalaki ng nakababatang Alma na hindi matapat at mabuting misyonero
Coriantumer: isang masamang hari na siyang huling nabuhay na Jaredita
Enos: anak na lalaki ni Jacob na nanalangin sa loob ng buong araw at buong magdamag. Nanalangin siya para sa mga Nephita at Lamanita.
Eter: isang propeta na nagbabala sa mga Jaredita na magsisi at nagsulat tungkol sa kanilang pagkalipol
Eva: ang unang babae sa mundo
freemen: mga Nephita na naghangad ng kalayaang mamuhay at sumamba ayon sa kanilang sariling kalooban. Pinamunuan sila ng mga hukom, at hindi ng hari.
Gedeon: isang mabuting Nephita na nagtanggol sa Simbahan nang magsimulang magturo si Nehor ng kasinungalingan sa mga tao. Pinatay siya ni Nehor.
Hagot: isang Nephitang gumagawa ng mga sasakyangdagat na nagdala sa maraming Nephita sa isang lupain sa hilaga
Helaman: ang pinakamatandang anak na lalaki ng Nakababatang Alma. Ibinigay sa kanya ang mga lamina at sinabihang isulat ang kasaysayan ng kanyang mga tao. Pinuno rin siya ng 2,000 kabataang mandirigma.
Himni: anak na lalaki ni Haring Mosias at misyonero sa mga Lamanita
Ismael: isang lalaki na mula sa Jerusalem na naglakbay patungo sa lupang pangako kasama ng mag-anak ni Lehi. Pinakasalan ng mga anak niyang babae ang mga anak na lalaki ni Lehi.
Jacob: anak na lalaki nina Lehi at Saria. Hinarap niya si Serem, na nagsabing walang Cristo.
Jaredita, mga: mga tagasunod ni Jared at ng kanyang kapatid na lalaki na lumisan sa Babel at naglakbay patungo sa lupang pangako na lulan ng mga gabara
Jose: isang mabuting anak na lalaki nina Lehi at Saria na isinilang sa ilang
Joseph Smith, Jr.: isang propeta sa mga huling araw na nagsalin ng Aklat ni Mormon mula sa mga laminang ginto
king-men: mga Nephita na nagnais na pamunuan sila ng isang hari, at hindi ng mga hukom. Nang hindi sila magkaroon ng hari, sumapi sila sa mga Lamanita at nilusob nila ang mga Nephita.
Korihor: isang masamang lalaki na nagnais na makakita ng isang palatandaan na magpapatotoo na buhay ang Diyos. Binigyan ng Diyos si Korihor ng palatandaan sa pamamagitan ng pag-alis ng kanyang tinig.
Laban: isang masamang lalaki sa Jerusalem na ayaw magbigay ng mga laminang tanso sa mga anak na lalaki ni Lehi
Laman: ang pinakamatandang anak na lalaki nina Lehi at Saria. Masama siya at naghimagsik siya laban sa Diyos.
Laman, Haring: isang masamang haring Lamanita na nagbigay kina Zenif at sa kanyang mga tagasunod na Nephita ng dalawang lungsod ngunit pagkatapos ay nilusob din sila
Lamanita, mga: mga inapo o tagasunod nina Laman at Lemuel o mga taong tumanggi sa ebanghelyo
Lamoni, Ama ng Haring: isang haring Lamanita na tinuruan ng ebanghelyo at naniwala. Sinabi niya na tatalikuran niyang lahat ng kanyang mga kasalanan makilala lamang ang Diyos.
Lamoni, Haring: isang haring Lamanita na tinuruan ng ebanghelyo at naniwala. Pinangalagaan ni Ammon² ang mga kawan ng hari mula sa mga magnanakaw.
Lehi: isang propeta na nagbabala na ang Jerusalem ay wawasakin. Nakinig siya nang sabihin sa kanya ng Diyos na dalhin niya ang kanyang mag-anak sa ilang.
Lehi²: anak na lalaki ni Helaman. Siya at ang kanyang kapatid na si Nephi ay itinapon sa bilangguan at pinalibutan ng apoy.
Lemuel: isang masamang anak na lalaki nina Lehi at Saria
Limhi, Haring: mabuting anak na lalaki ng masamang Haring Noe. Siya at ang kanyang mga tao ay alipin ng mga Lamanita ngunit sila ay nakatakas.
Maria: ang ina ni Jesus
Mormon: isang pinuno ng hukbo ng mga Nephita at isa sa mga huling propetang Nephita. Tinipon niya ang Aklat ni Mormon.
Moroni: anak na lalaki ni Mormon at ang huling propetang Nephita. Ibinaon niya ang mga laminang ginto at di nagtagal ay nagpakita kay Joseph Smith bilang isang anghel.
Moroni, Kapitan: isang matwid na pinuno ng hukbo ng mga Nephita. Ginawa niya ang bandila ng kalayaan at sinabihan ang kanyang hukbo na ipaglaban ang kanilang kalayaan.
Mosias, Haring: ang huling haring Nephita. Nagkaroon siya ng apat na anak na lalaki.
Nehor: masamang lalaki na lantarang nakipag-away sa Simbahan ng Diyos. Pinaslang niya si Gedeon at siya ay pinatay rin.
Nephi¹: mabuting anak nina Lehi at Saria. Kinuha niya ang mga laminang tanso kay Laban at ginawa ang sasakyang-dagat na nagdala sa kanyang mag-anak sa lupang pangako.
Nephi²: mabuting anak na lalaki ni Helaman. Siya at ang kanyang kapatid na lalaking si Lehi ay itinapon sa bilangguan at pinalibutan ng apoy. Pinapangyari ni Nephi na magkaroon ng taggutom upang turuan ang mga taong magsisi.
Nephi³: isang mabuting lalaki na pinili ni Jesucristo na maging disipulo at pinuno ng Simbahan
Nephita, mga: mga tagasunod ni Nephi o mga taong tumanggap ng ebanghelyo
Noe, Haring: isang masamang haring Nephita na nagmahal sa kayamanan at nagturo sa kanyang mga taong maging masama. Sinunog siya ng kanyang sariling mga tao.
Omner: anak na lalaki ni Haring Mosias at misyonero sa mga Lamanita
Pahoran: isang punong hukom ng mga Nephita na tumulong kay Kapitan Moroni na talunin ang mga masamang Nephita
Sam: isang mabuting anak na lalaki nina Lehi at Saria
Samuel na Lamanita: isang propetang nagpropesiya sa mga Nephita tungkol sa mga palatandaan ng pagsilang at kamatayan ni Jesucristo
Saria: asawa ni Lehi¹
Seantum: kapatid na lalaki ni Sisoram at siyang pumatay sa kanya
Sisoram: isang punong hukom na pinatay ng kanyang sariling kapatid na lalaki
Serem: isang masamang Nephita na nagnais na makakita muna ng palatandaan bago siya maniniwala kay Jesucristo
Shiz: isang masamang Jaredita na namuno sa isang hukbo laban kay Coriantumer at isa sa mga huling Jareditang nabuhay
mga anak na lalaki ni Mosias: mga anak na lalaki ni Haring Mosias: Aaron, Ammon2, Himni, at Omner, na mga magigiting na misyonero sa mga Lamanita
dalawang libong kabataang mandirigma: isang hukbo ng mga kabataang lalaking Ammonita na pinamunuan ni Helaman. Nakipaglaban sila upang ang kanilang mga magulang na nakipagtipang hindi na muling makikidigma ay hindi na makipaglaban
Zisrom: isang manananggol na nag-alok kay Amulek ng salapi upang sabihin na walang Diyos. Tinuruan siya ng Nakababatang Alma ng ebanghelyo, at nagsisi siya.
Zenif: isang mabuting pinuno na nagdala sa isang grupo ng Nephita mula sa Zarahemla patungo sa lupain ni Nephi, na kung saan sila ay naging mga alipin ng masamang Haring Laman
Zerahemnas: isang pinunong Lamanita na nakipaglaban sa mga Nephita at nagnasang gawin silang kanyang mga alipin. Siya ay naanitan sa isang pakikipaglaban sa hukbo ni Kapitan Moroni.
Zoram: isang tagapaglingkod ni Laban na naglakbay kasama ng mag-anak ni Lehi sa lupang pangako
Zoramita: masasamang tao na dating kasapi ng simbahan ng Diyos. Nanalangin sila sa loob ng sinagoga sa isang tuntungang tinawag na Ramiumptom.