Vahe 11

Tokolahi Ange ‘a e Kau ‘a e Kakaí ki he Siasí

(‘Epeleli-Sune 1830)

Ne ‘osi atu ha ngaahi uike lahi. Pea na‘e a‘u ‘a e tokolahi ‘o e Siasí ki he toko uofulu-mā-fitu. Na‘e ‘ikai ke nau nofo fakataha ‘i ha kolo tatau pē. Ko ia na‘e kole ‘e Siosefa Sāmita ke nau ha‘u ki he konifelenisí. Ko e konifelenisí ko ha fakataha makehe ia ki he kāinga m ā‘oni‘oní kotoa. Ko e kāinga mā‘oni‘oní, ko e kau mēmipa kinautolu ‘o e Siasi.

Na‘e fai ha sākalamēniti ‘a e kāinga mā‘oni‘oní ‘i he konifelenisí. Na‘e ‘i ai ha kau tangata na‘e fakanofo ki he puletapú. Na‘e tāpuekina ‘e he Laumālie Mā‘oni‘oni ‘a e kāinga mā‘oni‘oní. Pea na‘a nau fu‘u fiefia.

Na‘e fai ha sākalamēniti ‘a e kāinga mā‘oni‘oní ‘i he konifelenisí. Na‘e ‘i ai ha kau tangata na‘e fakanofo ki he puletapú. Na‘e tāpuekina ‘e he Laumālie Mā‘oni‘oni ‘a e kāinga mā‘oni‘oní. Pea na‘a nau fu‘u fiefia.

Ko ia na‘e hanga ‘e he kakaí ‘o fa‘u ha tānaki‘anga vai he vaitafe. ‘O nau hanga ‘o teuteu ha ki‘i feitu‘u lelei ai ke fai ai ‘a e papitaisó. Ka ‘i he po‘uli hifo ‘a e ‘aho ko ‘ení. na‘e hanga ‘e ha kakai kovi ia ‘o faka‘auha ‘a e tānaki‘anga vai ko ‘eni na‘a nau hanqa ‘o fa‘ú.

Na‘e hanga pē ‘e he kakai leleí ‘o toe langa ha ki‘i tānaki‘anga vai ‘e taha. Na‘e toki kamata papitaiso ‘e ‘Ōliva Kautele ‘a e kakai. Na‘e vave ‘aupito ‘a e ha‘u ‘a e kau fakatangá. Ko e kau fakatangá, ko ha kakai kovi mo anga-kovi. Pea na‘e lea kovi ma‘u pē ‘a e kau fakatangá ki he kakai leleí. Na‘e feinga ‘a e kau fakatangá ke nau hanga ‘o fakamamahi‘i ‘akinautolu. Ka na‘e hanga ‘e he ‘Eiki ‘o tauhi mo malu‘i ‘a hono kakai lelei.

Na‘e loto ‘a Sētane ia ke hanga ‘e he kau fakatangá ‘o fakatupu kovi ki he Siasi ‘o Sīsū Kalaisi. Pea na‘e fai ‘e he kakai koví ni ha ngaahi talanoa loi ‘o kau kia Siosefa Sāmita. ‘O nau pehē ‘okú ne fai ‘a e ngaahi me‘a kovi. Ko ia na‘e fakahū ‘a Siosefa ki he fale fakapōpulá.

Na‘e feinga ‘a e kakai koví ke nau fakamamahi‘i ‘a Siosefa. Na‘a nau ‘a‘anu ki ai. Na‘e ‘ikai ke nau ‘oange ha‘ane me‘akai. Ko e ni‘ihi ‘iate kinautolu na‘a nau fai ‘a e ngaahi fakamatala loi kia Siosefa. Ka na‘e hanga ‘e he kakai leleí ia ‘o fai ‘a e ngaahi talanoa ‘oku mo‘oni ‘o kau kia Siosefa. ‘O nau pehē ko e tangata angatonu. Ko ia ne faifai pē pea tukuange ‘a Siosefa mei he fale fakapōpulá.