Vahe 54
To e Fakahā Kau ki he Malí
(Siulai 1843)
Na‘e fai ‘e Siosefa Sāmita ha ngaahi fehu‘i ki he ‘Eikí ‘o kau ki he malí. Na‘e tala ange ‘e Sīsū ki ai ‘oku totonu ke mali ‘a e tangatá pea mo e fefiné pea ke fakahoko ia ‘e ha tangata ‘okú ne ma‘u ‘a e puletapú. ‘Oku totonu ke fai ‘a e malí ‘i he temipalé. ‘Oku totonu ke na talangofua ki he ngaahi fekau ‘a e ‘Otuá. Pea ‘e lava leva ke na nofo mali ‘o ta‘engata.
Ko e kakai angatonu ko ē ‘oku nau mali ki he ta‘engatá, te nau lava ke nofo ‘i he nāunau fakasilesitíale ‘o hēvaní. Ko ‘enau fānau ko ē ‘oku nau talangofua ki he ‘Otuá te nau hoko ko ‘enau fānaú. Pea te nau hoko ko ha fāmili pea te nau nofo fakataha pea mo e ‘Otuá. Pea te nau hoko ‘o hangē ko Iá.
Na‘e pehē ‘e Sīsū ‘oku ‘i ai ‘a e taimi ‘e ni‘ihi ‘oku tala ‘e he ‘Otuá ki he ‘Ene kau palōfitá ‘e leleí pē ke toe lahi ange ‘a e uaifi ‘o e kau tangatá ‘i he toko tahá. Ka ‘oku totonu ke fai pe ‘e he tangata ‘a e me‘a ko ia ‘oku fekau‘i ‘e he ‘Otuá ke nau faí.