Vahe 41

Ko e Palōpalema Na‘e Hoko ‘i Ketilani

(1837)

Na‘e fiefia ‘a e Kāingalotu ‘i Ketilani ‘Ōhaiō. Na‘e tāpuekina kinautolu ‘e he ‘Eikí.

Na‘e ‘i ai ha kaumātu‘a ne nau ‘alu kinautolu mei Ketilani. Na‘a nau ‘alu ke ako‘i ‘a e kakaí ki he ongoongolelei. Na‘e tokolahi ‘a e kakai na‘a nau fanongo ki he kaumātu‘a ko ‘eni pea nau kau ki he Siasí.

Ne kamata leva ke hoko ‘a e faingata‘a ‘i Ketilaní. Na‘e ‘i ai ha pangikē ‘a e Kāingalotú. Na‘a nau fakahū ‘a ‘enau pa‘anga ‘i he pangikeé.

Ne ‘i ai ha Kāingalotu ia ne nau loto ke ma‘u ha pa‘anga lahi, Na‘e ‘i ai ha tangata na‘e ngāue ‘i he pangikē na‘e ‘ikai ke ne faitotonu. Ko ia na ‘á ne hanga ‘o kaiha‘asi ha pa ‘anga.

Na ‘e tala ‘e Siosefa Sāmita ki he kau tangata kehe ke nau hanga ‘o tokanga‘i lelei ‘a e pa ‘angá. Ka na‘e ‘ikai ke talangofua ‘a e kau tangatá kia Siosefa. Na‘e pau ai ke tāpuni ‘a e pangikē. Kuo mole kotoa ‘a e pa‘angá. ‘E ‘ikai ke toe lava ke ma‘u ‘e he Kāingalotu ia ‘a ‘enau pa‘angá.

Na‘e ‘ita ‘a e Kāingalotu tokolahi. Na‘a nau tukuaki‘i ko e fo‘ui ‘o Siosefa Sāmita ne tupunga ai ‘a hono tāpuni ‘o e pangikeé. Na‘e a‘u ki he ni‘ihi ‘o e ngaahi kaume‘a lelei taha ‘o Siosefa Sāmitá na‘a nau lea kovi kiate ia. Pea na‘e ‘i ai ha ni‘ihi na‘a nau loto ke nau tamate‘i ‘a Siosefa.

Ne ‘ita ha ni‘ihi ‘o e kau taki ‘o e Siasí. Na‘e ‘ikai ke nau toe loto kinautolu ke nau toe hoko ko e kau mēmipa ‘o e Siasi. Na‘a nau hoko leva kinautolu ko e ngaahi fili ‘o e Siasí. Pea na‘a nau hoko ko e kakai kovi. Na‘e loto-mamahi ‘a Siosefa Sāmita.

Na ‘e ‘ofa ‘a e kau taki kehe ‘o e Siasí ‘ia Siosefa pea na‘a nau tokoni‘i ia. Na‘a nau ‘ilo ‘i ‘oku mo‘oni ‘a e Siasi ‘o Sīsū Kalaisí. Na‘e kau ‘a Pilikihami ‘longi ‘i he kau taki angatonu ko ‘eni. Na ‘e tala ‘e Pilikihami ‘longi ki he Kāingalotu ‘okú ne ‘ilo ‘i ko e palōfita ‘a e ‘Otua ‘a Siosefa.

Na ‘e toe ‘ita fokí ‘a e ngaahi filí ‘o e Siasí kia Pilíkihami ‘longi. Na‘e pau ai ke ne ‘alu mei Ketilani koe‘uhi ke ‘oua na‘a nau hanga ‘o fai ha kovi ki ai.

Na ‘e lahi ‘aupito ‘a e faingata‘a pea mo e kovi na‘e fai ‘e he ngaahi fili ko ‘eni ‘o e Siasí ‘i Ketilaní. Na‘a nau ‘alu ki he temipalé ‘o fai ha ngaahi me ‘a kovi ai.

Na ‘e ‘ikai ke toe toputapu ‘a e temipale ia. ‘E ‘ikai ke toe lava ke hoko ia ko ha fale ‘o e ‘Eiki. Na‘e loto-mamahí ‘a Siosefa koe‘uhi ko hono fai ‘e he kakaí ‘a e ngaahi me‘a kovi ko ‘ení. Pea na‘á ne ongo‘i mo‘oni a e fu‘u lahi pehē ‘a e faingata ‘á.