Vahe 59
Ko e ‘Osi ‘o e Temipale ‘i Nāvuú
(‘Okatopa 1845 — Sepitema 1846)
Na‘e ‘i ai ha ni‘ihi ‘i he Kāingalotú na‘e ‘ikai ke nau ‘alu mei Nāvū. Na‘e fekau foki ‘e he ‘Eikí ki he Kāingalotú ke langa ha temipale ‘i Nāvū. Na‘a nau loto ke nau talangofua kiate la. Ko e kakai ko ia na‘a nau nofo ‘i Nāvuú na‘a nau ngāue mālohi ki hono langa ‘o e temipalé.
Na‘e puke ‘a e tokolahi ‘o e Kāingalotú. Ko e tokolahi ‘iate kinautolu na‘a nau masiva, Na‘a nau ‘ilo‘i kuo pau ke nau mavahe mei Nāvū. Ka na‘a nau kei loto pē ke faka‘osi ‘a e temipalé.
Ne faifai pē pea ‘osi ‘a e temipalé. Ko ia na‘e ngāue fakatemipale ‘a e Kāingalotú ‘i he ‘aho mo e pō kotoa. Pea na‘e foaki kiate kinautolu ‘a honau ‘enitaumení. Pea na‘a nau fiefia ke ma‘u ha temipale.
Na‘e faifai pē pea na‘e a‘u ki he taimi ke ‘alu atu ai hono toenga ‘o e Kāingalotú mei Nāvū. Ne nau fakaheka kotoa ‘a ‘enau ngaahi me‘á ‘i he ngaahi salioté. Na‘a nau kolosi atu ‘i he vaitafe Misisipí ki he kauvai ‘e tahá.
Na‘a nau sio mai kimui ‘o nau mamata atu ki Nāvū. Na‘a nau sio ki he temipalé ‘oku tu‘u mai ‘i he funga mo‘ungá. Na‘a nau loto-mamahi ke mavahe mei Nāvū. Ka na‘a nau fiefia kuo nau faka‘osi ‘a e temipale ‘o e ‘Eikí.
Na‘e nofo ‘a e Kāingalotú ‘i he ve‘e vaitafé ‘i he ngaahi ‘aho si‘i, Ka na‘e ‘ikai ke fe‘unga ‘a ‘enau me‘akai ke nau kai, Na‘e tokoni‘i kinautolu ‘e he ‘Eikí, Ko ia na‘á Ne hanga ‘o tuku mai ha fanga manupuna ‘oku ui ko e kueili. Na‘e hanga ‘e he Kāingalotu ‘o tamate‘i pea nau kai ‘a e kueilí.
Pea na‘e fekau ‘e Pilikihami ‘longi ha kau tangata ke nau ‘alu ‘o tokoni ki he Kāingalotu. Na‘e ‘omi ‘e he kau tangata ko ‘ení ‘a e Kāingalotú ki ha feitu‘u na‘e nofo ai ‘a e Kāingalotu kehé.