Vahe 50
Ko e Ngaahi ‘Uluaki ‘Enitaumení
(Mē 1842)
Na‘e palōmesi ‘a Sīsū kia Siosefa Sāmita te Ne hanga ‘o foaki ha tāpuaki makehe ma‘á e kakaí. ‘Oku ui ‘a e tāpuaki ko ‘ení ko e ‘enitaumeni. Ko e temipalé pē ‘oku foaki ai ‘a e ‘enitaumeni. ‘E lava ke ma‘u ‘a e ‘enitaumeni ‘o e kau tangata mo e kau fefine ‘oku talangofua ki he ngaahi fekau ‘a e ‘Otuá.
Na‘e fai ai ‘e Siosefa Sāmita ‘i he konga mai kimuí, ha fakataha mo ha ni‘ihi ‘o e kau tangatá pea mo honau ngaahi maií. Na‘e hanga ai ‘e Siosefa ‘o ako‘i kiate kinautolu ‘a e ngaahi me‘a ko ia te nau fai ‘i he temipalé. Pea na‘e toki fai leva ‘a e ‘enitaumení ki he tokotaha kotoa pē ‘okinautolu.
Kuo lava ‘eni ‘a e kakai kotoa pē ‘oku nau talangofua ki he ngaahi fekau ‘a e ‘Otuá, ke ‘alu ki he temipalé. Te nau lava ke ma‘u ‘a e tāpuaki makehe ko ia ‘o e ‘enitaumení. ‘Oku nau ako ai ki he ngaahi me‘a ‘oku fiema‘u ke nau ‘ilo kae lava ke nau foki ki hēvani. ‘Oku nau fai ha ngaahi fuakava pea mo e ‘Otuá. ‘Oku fai ‘e he ‘Otuá ha ngaahi fuakava mo kinautolu.