Vahe 64

Ko e Siasi ‘o Sīsū Kalaisí ‘i he ‘Ahó Ni

Kuo ‘osi atu ‘eni ha ngaahi ta‘u lahi talu hono fokotu‘u ‘o e Siasí ‘i Feieti, Niu loaké. Kuo tupu ‘o fu‘u lahi ange ‘a e Siasí ‘i he ngaahi ta‘u ko ‘ení. Ko e kau tangata pē ‘e toko ono na‘a nau fokotu‘u ‘a e Siasí ‘i he 1830, kae mamata pē ha ni‘ihi kehe.

Kuo ‘alu atu ‘a e kau faifekaú ki he ngaahi fonua lahi ke ako‘i ‘a e ongoongolelei. Na‘e fanongo ‘a e kakaí ki he kau faifekaú. Na‘a nau tui ki he ongoongoleleí pea nau kau ki he Siasí. ‘Oku laka hake ‘i he ‘ahó ni ‘a e tokolahi ‘o e kau mēmipa ‘i he Siasí ‘i he toko nima milioná. ‘Oku kehe ‘aupito ‘a e kakai. ‘Oku nau nofo ‘i he ngaahi feitu‘u kehekehe ‘o e māmaní. ‘Oku nau lea ‘i he ngaahi lea kehekehe. ‘Oku nau fiefia ke nau hoko ko e kau mēmipa ‘o e Siasí.

Na‘e fakamanatu ‘i he aho 6 ‘o ‘Epeleli ‘o e 1980 ‘a e ‘aho na‘e fokotu‘u ai ‘a e Siasí. Na‘e lava ai ‘a e ta‘u ‘e 150 hono fokotu‘u ‘o e Siasí. Na‘e fai ha konifelenisi makehe ‘a e Siasí ‘i he ‘aho ko ‘ení Na‘e fai ha ongo fakataha ‘e ua ‘i he taimi pē ‘e taha. Na‘e fai ‘a e fakataha ‘e taha ‘i Feieti, Niu ‘loake, pea na‘e ‘i ai ‘a e palōfita ko Sipenisās W. Kimipoló ([Kimipale] Spencer W. Kimball)‘i ha fale tatau pē mo e fale ko ia ‘o Pita Uitemaá.

Na‘e fai ‘a e fakataha ‘e tahá ‘i he tāpanekalé ‘i Sōleki Siti. Na‘e lauiafe ‘a e kakai na‘a nau ‘i he fakatahá. Na‘e fai ‘e Palesiteni Kimball ha‘ane lea ki he Kāingalotu ‘i he televīsoné. Na‘á ne hanga ai ‘o fakatapui ‘a e fale ‘o Pita Uitemaá. Na‘e fiefia ‘a e Kāingalotú kotoa ‘i he‘enau mamata pea fanongo ki he palōfitá. ‘Oku monū‘ia lahi ‘a e kau mēmipa ‘o e Siasí. ‘Oku totonu ke tau fakamālō ‘i he‘etau hoko ko e kau mēmipa ‘o e Siasi ‘o Slsū Kalaisi ‘o e Kau Mā‘oni‘oni ‘i he Ngaahi ‘Aho Kimuí Ni. ‘Oku tau ma‘u ha palōfita ke ne tataki kitautolu.