Vahe 15
Ko e Ngāue Fakafaifekau ki he Kau Leimaná
(Sepitema 1830)
Na‘e loto ‘a Sīsū ke toe tokolahi ange ‘a e kakai te nau fanongo ki he ongoongolelei. Ko ia na‘á Ne loto ke ‘alu ha ni‘ihi ‘o e kāingalotú ‘o ngāue fakafaifekau. Na‘á Ne talaange kia ‘Ōliva Kautele ke ‘alu ‘o ngāue fakafaifekau ki he kau ‘Initiá.
‘Oku ui ‘a e kau ‘lnitiá ko e kau Leimana ‘i he Tohi ‘a Molomoná. Na‘e loto ‘a Sīsū ke lau ‘e he kau Leimaná ‘a e Tohi ‘a Molomoná. Na‘á Ne ‘osi tala‘ofa ki he kau palōfita tokolahi ‘e ma‘u ‘e he kau Leimaná ‘a e Tohi ‘a Molomoná. Pea ko ‘eni kuo hokosia ‘a e taimi ke fakahoko ai ‘a e tala‘ofa ko ‘eni.
‘E hanga ‘e he Tohi ‘a Molomoná ‘o tala ki he kau Leimaná kau ki he‘enau fanga kui na‘a nau mo‘ui ‘i he ta‘u ‘e 2,000 kuo hili. Te ne fakamatala foki ki he kau Leimaná ‘a e ngaahi tala‘ofa na‘e fai ‘e Sīsū kiate kinautolú. Pea ‘e tokoni ke nau tui kia Sīsū pea mo e ongoongolelei. Te ne ako‘i ‘akinautolu ke nau fakatomala pea nau papitaiso.
Na‘e toe ‘i ai mo ha kau tangata kehe na‘a nau loto ke nau ‘alu mo ‘Ōliva Kautele. He na‘a nau loto ke nau malanga‘i ‘a e ongoongoleleí ki he kau Leimaná. Na‘a nau loto ke nau foaki ki he Na‘e toe ‘i ai mo ha kau tangata kehe na‘a nau loto ke nau ‘alu mo ‘Ōliva Kautele. He na‘a nau loto ke nau malanga‘i ‘a e ongoongoleleí ki he kau Leimaná. Na‘a nau loto ke nau foaki ki he
Na‘e mu‘omu‘a ‘a e kau faifekau ki he kau ‘Initia ‘i Niu ‘Ioaké. Pea na‘a nau ‘ilo‘i ai ko e tokosi‘i pē ‘o e kau ‘Initiá ‘oku nau lava ke lau tohí. Ko ia na‘e hanga ‘e he kau faifekaú ‘o foaki ha Tohi ‘a Molomona ki he fa‘ahinga ko iá.
Pea na‘e hoko atu ‘a e malanga ‘a e kau faifekaú ki ha kau ‘Initia ‘i ‘Ōhaiō. Na‘e fiefia ‘a e kau Leimaná ke nau fanongo kau ki he Tohi ‘a Molomoná. Na‘a nau fiefia ‘i he‘enau ‘ilo ‘o kau ki he‘enau fanga kui.
Pea na‘e hoko atu ‘a e malanga ‘a e kau faifekaú ki ha kau ‘Initia ‘i ‘Ōhaiō. Na‘e fiefia ‘a e kau Leimaná ke nau fanongo kau ki he Tohi ‘a Molomoná. Na‘a nau fiefia ‘i he‘enau ‘ilo ‘o kau ki he‘enau fanga kui.
Na‘e malanga‘i ‘e he kau faifekaú ‘a e ongoongoleleí kiate kinautolu. Na‘a nau foaki ki he kau ‘initiá ha Tohi ‘a Molomona. Na‘e fiefia ai ‘a e kau ‘Initiá. Pea na‘a nau fakamālō ki he kau faifekaú koe‘uhi ko e Tohi ‘a Molomoná.
Na‘e ‘i ai pē foki ‘a e kakai ia ‘i Mīsuli na‘e ‘ikai te nau tui ki he ongoongoleleí. Na‘e ‘ikai te nau tui ki he Tohi ‘a Molomoná. Ko ia na‘a nau tala ki he kau faifekaú ke nau fakamama‘o mei he kau ‘Initiá.
Na‘e talaange ‘e he kakai ko ‘ení ‘e hanga ‘e he kau sōtiá ‘o tuli ‘a e kau faifekaú kapau he ‘ikai te nau ‘alu. Na‘e ongo‘i loto-mamahi ‘a e kau faifekaú ‘i he‘enau fanongo ki he fakamatala ko ‘ení. Ko ia na‘a nau ‘alu ‘o ako‘i ‘a e ongoongoleleí ki ha kakai kehe ‘i Mīsuli.
Pea ko e taha ‘o e kau faifekau ko ‘ení ko Pa‘ale P. Palati. Na‘á ne ‘alu ke tala kia Siosefa ‘a e me‘a kuo nau faí. Na‘e talaange ‘e Pa‘ale P. Palati ‘oku faka‘ofo‘ofa ‘a ‘enau ngāue fakafaifekaú. He kuo nau ako‘i ‘a e ongoongolelei ki he kakai tokolahi.