Vahe 28
Ko e Toe ‘Alu ‘a e Palōfita ko Siosefa Sāmitá ki Mīsuli
(M ā‘asi-Mē 1832)
Na‘e foaki ‘e Sīsū kia Siosefa Sāmita ha fakahā. Na‘á Ne tala ange ki ai ‘oku hangē ‘a e Kāingalotú ko ha‘ane fānau iikí. ‘Oku nau kei ako pē. Na‘e tala ange ‘e Sīsū ‘oku totonu ke nau fiefia. ‘Oku totonu ke nau fakamālō‘ia. ‘E hoko ‘a Sīsū ko honau taki.
Na‘e loto ‘a Sīsū ke fetokoni‘aki ‘a e Kāingalotú ‘iate kinautolu. Na‘á ne loto foki ke nau hanga ‘o tauhi ‘a e kakai masiva ‘iate kinautolú. Na‘e loto ‘a Sīsū ke fetokoni ‘aki ‘ a e Kāingalotú.
Hili ‘a e fakahā ko ‘ení na‘e toe ‘alu ‘a Siosefa ki Mīsuli. Na‘e ui ‘a Mīsuli ko e fonua ‘o Saione. Na‘e ‘alu ‘a Siosefa pea mo e ni‘ihi ‘o hono ngaahi kaume‘á. Na‘e fiefia ‘a e Kāingalotu ‘i Saioné he‘enau mamata kia Siosefá.
Na‘e kole ‘áe Siosefa ki he Kāingalotú ke nau ha‘u ki ha fakataha. Na‘á ne tala ange kiate kinautolu ‘o kau ki he fakahā. Na‘e ‘ilo‘i ‘e he Kāingalotú ko e palōfita ‘a e ‘Otuá ‘a Siosefa.
‘1 he lolotonga ‘a e fakatahá na‘e hanga ‘e he ‘Eikí ‘o foaki kia Siosefa ha toe fakahā ‘e taha ma‘á e Kāingalotú. Na‘e ‘fiefia ‘a Sīsū ko e lava ‘a e Kāingalotú ke nau fefakamolemole‘akí. Na‘e pehē ‘e Sīsū, ko Au ko e ‘Eikí, kuo U fakamolemole‘i ‘akimoutolu.
Na‘e foaki ‘e Sīsū ki he Kāingalotú ha fekau fo‘ou. Na‘á Ne pehē kuó Ne hanga ‘o foaki kiate kinautolu ‘a e fonua ‘o Saioné. ‘i he taimi ko ‘ení na‘a‘ Ne fekau ke nau vahevahe ‘iate kinautolu ‘a e fonuá. ‘Oku totonu ke ma‘u ‘e he toko taha kotoa pē ‘a e me‘a ‘okú ne fiema‘ú. ‘E tokoni‘eni ki he Siasi ‘o Sīsū Kalaisí.
Hili ‘a e fakatahá, na‘e ‘a‘ahi ‘a Siosefa ki ha Kāingalotu tokolahi ‘i ha kolo lahi kehekehe. Na‘e fiefia ‘a e Kāingalotú ke nau mamata kiate ia. Ko e taimi fakafiefia ‘eni kia Siosefa he na‘à ne ‘ofa ki he Kāingalotú.
Na‘e foaki ‘e Sīsū ha fakahā kia Siosefa ‘o kau ki ha kau fefine pea mo e fānaú. Na‘e tala ange ‘e Sīsū ‘oku totonu ke tokanga‘i ‘e he husepāniti kotoa pē ‘a honau ngaahi uaifí. ‘Oku totonu foki ke tokanga‘i ‘e he mātu ‘á ‘a ‘enau fānaú.
‘Oku totonu ke tokanga‘i ‘e he Kāingalotú ‘a e si‘i ha kau fefine ‘oku ‘ikai ke ‘i ai hanau husepānití. ‘Oku totonu foki ke tokanga‘i ‘e he Kāingalotú ‘a e fānau ko ia ‘oku ‘ikai ha‘anau ngaahi tamai pē fa‘eé.
Na‘e tala ange ‘e Sīsū ki he Kāingalotú ‘oku totonu ke nau tānaki ha me‘akai ‘i he fale tuku‘anga me‘akaí. ‘E lava leva ‘e he pīsopé ‘o foaki ki he kakai fiekaiá ha me‘akai mei he fale tuku‘anga me‘akai ko ‘ení.
Ko ia na‘e kamata ‘e Siosefa Sāmita mo Pīsope Uitenī ke na toe foki ki Ketilani. Na‘á na heka ‘i ha saliote.
‘1 ha ‘aho ‘e taha, na‘e ‘i ai ha me‘a na‘á ne fakailifia‘i ‘a na ongo hoosi tohó. Na‘á nau lele vave ‘aupito.
Na‘e puna ‘a Siosefa mei he salioté. Na‘e ‘ikai ke lavea. Na‘e toe puna mo Pīsope Uitenī. Na‘e fasi ai ‘a hono va‘é.
Na‘e nofo ‘a Siosefa Sāmita pea mo Pīsope Uitenī ‘i ha fale talifononga. Na‘e mālōlō ai ‘a Pīsope Uitenī ‘i ha uike ‘e fā. Na‘e nofo pē ‘a Siosefa mo ia ‘o a‘u ki he sai hono va‘é.
Na‘e ‘i ai ha taha ‘i he fale talifonongá na‘á ne fakakonahi ‘a e me‘akai ‘a Siosefa. Na‘e puke lahi ‘aupito ai ‘a Siosefa.
Na‘e kole leva ‘e Siosefa kia Pīsope Uitenī ke ne faingāue ki ai. Na‘e ngāue‘aki ‘e Pīsope Uitenī ‘a e mālohi ‘o e puletapú ke ne tāpuaki‘i ‘a Siosefa. Na‘e sai leva ‘a Siosefa.
Na‘e fakamālō ‘a Siosefa ki he ‘Otuá koe uhi ko hono fakamo‘oni iá. Ko ia na‘e toki lava ai ‘a Siosefa Sāmita mo Pīsope Ulitenī ‘o ‘alu. Na‘á na foki leva ki ‘api ki hona fāmilí.