Vahe 24
‘Oku Totonu ke Ako‘i ‘e he Mātu‘á ‘a ‘Enau Fānaú
(Nōvema 1831)
Na‘e ‘i ai ha ni‘ihi ‘o e Kāingalotu ‘i ‘Ōhaioó na‘a nau ‘alu kia Siosefa Sāmita. Na‘e hanga ‘e Sīsū ‘o foaki kia Siosefa Sāmita ha fakahā ma‘anautolu. Na‘e tala ange ‘e Sīsū ki he Kāingalotú ‘a e founga te nau lava ai ke nau hoko ko e mātu‘a lelei.
T&F 68: Talateú
Na‘e tala ange ‘e Sīsū ‘oku totonu ke papitaiso ‘a e fānaú ‘i he taimi te nau ta‘u valu aí. Pea na‘e fekau ‘e Sīsū ki he mātu‘á ke ako‘i ‘a enau fānaú ke nau ‘ilo ki he ongoongoleleí kimu‘a ‘oku te‘eki ai ke nau papitaiso.
‘Oku totonu ke ‘ilo ‘a e fānaú kia Sīsū. ‘Oku totonu foki ke nau ma‘u ha tui kiate la.
‘Oku totonu ke ‘ilo‘i ‘e he fānaú ‘a e founga te nau lava ai ke fakatomalá.
‘Oku totonu ke ‘ilo ‘a e fānaú ki he papitais ó. ‘Oku totonu ke nau ako ke nau hoko ko e kau mēmipa lelei ‘o e Siasí.
‘Oku totonu ke ‘ilo ‘a e fānaú ki he founga ‘o e lotú. ‘Oku totonu ke nau ‘ilo ki he founga te nau lava ai ke ongo‘i ‘a e Laumālie Mā‘oni‘oní.
‘Oku totonu ke ‘ilo ‘a e fānaú ki he ngaahi fekau ‘a e ‘Otuá. ‘Oku totonu ke nau talangofua ki he ngaahi fekau ‘a e ‘Otuá.
‘Oku totonu ke ako‘i ‘e he mātu‘á ‘a e fānaú ke nau ‘ilo ki he ngaahi me‘ á ni. Kapau ‘e ‘ikai ke ako‘i ‘e he mātu‘á ki he‘enau fānaú ‘a e ongoongolelei, ‘e hilifaki ‘a e ngaahi angahala ‘a e fānaú kiate kinautolu.