Vahe 27
Ko e Ngāue ‘a e Palōfita ko Siosefa Sāmitá
(Mā‘asi 1832)
Na‘e i ai ha ongo ki‘i pēpē māhanga ‘a Siosefa Sāmita pea mo hono uaifi ko ‘Emá. Na‘e puke ‘a e ongo ki‘i pēpeé ‘o na mate. Na‘e ‘i ai foki mo ha pēpē māhanga ‘a e ongo kaume‘a ‘o Siosefa. Na‘e mate ‘a ‘ena fa‘eé. Ko ia na‘e hanga ‘e Siosefa pea mo ‘Ema ‘o ohi ‘a e ongo ki‘I pēpeé mo tokanga‘I ‘akinaua.
Na‘e tala ange ‘e Sīsū kia Siosrfa ke ne lau ‘a e Tohi Tapú. Kuo hanga ‘e ha kakai ‘o liliu ‘a e ngaahi fakalea ‘i he Tohi Tapú. Na‘e hanga ‘e Sīsū ‘o tala kia Siosefa ‘a e fakalea totonu ko ia ‘o e Tohi Tapú. Na‘e tokoni ‘a Sitenei Likitoni kia Siosefa ke hiki ‘a e ngaahi fakalea ko ia na‘e loto ‘a Sīsū ke fakalea‘aki‘a e Tohi Tapú.
Na‘e ikai ke mahino kia Siosefa ha ni‘ihi ‘o e ngaahi konga ko ia ‘o e Tohi Tapú. Ko ia na‘á ne fai ha fehu‘I ki he ‘Otuá. Na‘e hanga ‘e he ‘Eiki ko Sīsū Kalaisi ‘o tali ‘a e ngaahi fehu‘I ko ‘eni. Na‘e hanga ‘e Siosefa ‘o hiki ‘a e ngaahi talí, ke lau mei ai ‘a e Kāingalotū.
Na‘e fiefia ‘a Sīsū ‘i he ngāue ‘a Siosefá. Ko e palōfita lelei mo tu‘u-ki-mu‘a ‘a Siosefa. Ka na‘e ‘ikai ke fiefia ‘a Sētane ke ne ta‘ofi ‘a e ngāue ‘a Siosefá. Na‘e loto ‘a Sētane ke ‘ita ‘a e kakaí kia Siosefa.
Na‘e ‘I ai ha pō ‘e taha, na’e ha‘u ai ‘a e kau fakatanga ki he ‘api ‘o Siosefá kuo nau ‘ita. Na‘a nau holoki ‘a e matapaá. Na‘e nau hū ki loto. Na‘e lolotonga fuofua ‘e Siosefa ‘a e taha ‘o e ongo ki‘i pēpeé. Na‘e fu’u puke lahi ‘a e ki’i pēpē ko iá.
Na‘e Puke ‘e he kau tangata koví ‘a Siosefa, kae li’aki ‘a e ki‘i pēpeé. Na’e iku ‘o mate ‘a e ki’i pēpeé. Na‘e toho ‘e he kau tangatá ‘a Siosefa ki tu‘a ‘i ha pō momoko ‘i he fa‘ahita‘u momoko ‘o ‘Ameliká. Na‘e hanga ‘e he kau tangata koví ni ‘o fakasisina‘a Siosefa.
Na‘e loto ‘a e kau tangatá ni ken au hanga ‘ofakalavea’i ‘a Siosefa. Na‘e loto ‘a e kau tangata ia ′e ni’ihi ken au tamate’i Na‘a nau feinga ke hua’i hifo ha me’a kona ki hono kiá. Pea na′a nau hanga ai’o motuhi hano fo’i nofo ‘e taha. Na’e vela ‘a Siosefa ‘i he me’a kona ko ia na’a nau feinga ke fakainu ‘aki iá.
Na‘e hae ′e he kau tangatá ni ‘a e vala ′o Siosefá pea na’a nau hanga ′o vali ia ‘aki ‘a e valitā. Pea nau toki hanga leva ‘o ‘ai ki ai ‘a e fulufulu’i moa. Na‘e pipiki ‘a e fulufulu’i moá ki he valitaá.
Na‘e toki hola leva ‘a e kau fakatangá. Na‘a nau fakakaukau kuo mate ‘a Siosefa. Na‘e feinga ‘a Siosefa ke tu‘u ki ‘olunga, ka na‘e ‘ikai ke ne lava. Na‘á ne ki‘i mālōlō, pea na‘á ne toki totolo ki honau falé.
Na‘e hanga ‘e he ngaahi kaume‘a o Siosefà‘o to‘o a e valitā mei hono sinó. Na‘e faingata‘a ‘aupito ‘a hono to‘o ‘o e valitaá. Na‘e vela hono kilí pea na‘e mamahi ‘aupito. Na‘e fu‘u mamahi lahi.
Na‘e ‘ikai loto ‘a Siosefa ke hanga ‘e he kau fakatangá o ta‘ofi ‘a‘ene ngāue. ‘i he ‘aho ‘a e ‘aho Sāpate hono hokó. Na‘e ‘alu ‘a Siosefa ki he lotú. Na‘e h‘au ha ni‘lhi ‘o e kau tangata ko ia na‘a nau kau ki he fakatangá ki he lotu Na‘a nau ‘ohovale ‘i he‘enau sio kia Siosefá. Na‘e lea ‘a Siosefa ‘i he fakataha ko ‘eni na‘e fai. Na‘e ‘ikai ke lava ‘a Sētane ke ne ta‘ofi ‘a e ngāue ‘a e palōfitá.