Vahe 6
Ko Hono Foaki ‘a e Puletapú kia Siosefa mo ‘Ōlivá’
(Mē 1829)
Lolotonga hono liliu ‘e Siosefa pea mo ‘Ōliva Kautele ‘a e Tohi ‘a Molomoná Na ‘á na lau ai ‘o fekau ‘aki pea mo e papitaisó, Ko ia na ‘á na fiema ‘u ke na ‘ilo ‘o lahi ange ki he papitaisó.
Ko ia ne fakakaukau ‘a Siosefa pea mo ‘Ōliva ke na kole ki he ‘Otuá Na‘á na ma‘u ha tui ‘e tokoni‘i kinaua ‘e he ‘Otuá ke na ‘ilo ‘a e mo‘oni. Ko ia ‘i he ‘aho 15 ‘o Mē 1829. na ‘á na ‘alu ai Ki ha vao‘akau ‘o lotu.
Na‘e ha‘u leva hā ‘āngelo kia Siosefa mo ‘Ōliva. Na‘e ‘i ai ha fu ‘u maama lahi ‘aupito na‘á ne takatakai ‘i ‘a e ‘āngeló Pea ko e ‘āngeló, ko Sione Papitaiso, Ko ia na‘á ne papitaiso ‘a Sīsū ‘i he taimi fuoloá.
Ko e ha‘u ‘a Sione Papitaisó ke ne hanga ‘o foaki kia Siosefa mo ‘Ōliva ‘a e puletapú, Ko e puletapú, ko e mālohi ia ‘o e ‘Otuá. Na á ne foaki kia Siosefa pea mo ‘Ōliva ‘a e Puletapu ‘Ēloné. ‘Oku ma‘u ‘e he kau taula ‘eiki ‘i he Puletapu ‘Ēloné ‘a e mālohi ke naupapitaiso ‘a e kakaí.
Na‘e tala ange ‘e Sione Papitaiso kia Siosefa mo ‘Oliva ke na fepapitaiso ‘aki. Na‘e hanga ‘e Siosefa ‘o papitaiso ‘a ‘Ōliva. Pea toki papitaiso ‘e ‘Ōliva ‘a Siosefa. Na‘e tanu hifo kinaua ki lalo ‘i he vaí ‘i he taimi na‘e papitaiso ai. ‘I he taimi fuoloá, na‘e hanga ai ‘e Sione Papitaiso ‘o papitaiso ‘a Sīsū ‘i he founga tatau. Na‘e ‘alu hifo ‘a Sīsū ‘o puli ki lalo he vaí ‘i he taimi na‘e papitaiso ai.
Na‘e fonu ‘a Siosefa pea mo ‘Ōliva ‘i he Laumālie Mā‘oni‘oní ‘i he hili hono papitaiso kinauá. Na‘e tala ange ‘e he Laumālie Mā ‘oni‘oní kiate kinaua ‘e vave pē ‘a hono toe fakafoki mai ‘a e Siasi ‘Sīsū Kalaisí ki he māmaní.
Na‘e tala leva ‘e Siosefa mo ‘Ōliva ki hona ngaahi kaume ‘a leleí kuo ‘osi papitaiso kinaua. Na‘á na tala foki kiate kinautolu ‘o kau ki he puletapú. Ka na‘e ‘ikai ke tala ia ‘e Siosefa mo ‘Ōliva ki he kakai kehé. He na‘á na ‘ilo‘i ‘e ‘ikai ke tui ‘a e kakai koví kiate kinaua. Pea ‘e fakatupu kovi ‘a e kakai kovi kiate kinaua.
Hili ha ngaahi ‘aho si ‘i mei heni, na‘e toe foki mai ha kau āngelo ‘e toko tolu ‘A ia ko Pita, Sēmisi mo Sione. Na‘á nau hoko ko e kau ‘Apōsetolo ‘a Sīsū ‘i he taimi fuoloá. Na‘e hanga ‘e Pita, Sēmisi mo Sione, ‘o foaki kia Siosefa Sāmita pea mo ‘Ōliva Kautele ‘a e Puletapu Melekisēteki.
Kuo toe ‘i he māmaní ‘a e puletapu ‘o e ‘Otuá. Ko ia ‘e lava ‘e he kau tangata angatonú ke ma‘u ‘a e mālohi ‘o e puletapú. ‘E lava ‘a e kau tangata ‘oku nau ma‘u ‘a e Puletapu Melekisētekí ke hoko ko e kau taki ‘i he Siasi. Te nau lava ke tāpuekina ‘a e kakaí. Te nau lava ke foaki ki he kakaí ‘a e foaki ‘o e Laumālie Mā‘oni‘oní.