Vahe 52
Ko e Faingata‘a ‘i Nāvū
(Mē — ‘Aokosi 1842)
Na‘e tokolahi ‘a e kakai na‘a nau ‘alu ke nofo ‘i Nāvū. Na‘a nau langa ha fu‘u kolo faka‘ofo‘ofa. Na‘a nau kamata ke langa ‘a e temipalé. Na‘e loto ‘a e Kaingalotu ‘i Nāvū ke ‘i ai ha pule kolo ki he koló.
Ko ia na‘e fili ‘e he Kāingalotu ‘a Sione C. Pēneti ke ne hoko ia ko e pule kolo ‘o Nāvū. ‘I he‘enau kamata maí na‘e hoko ia ko ha pule kolo lelei. Ka na‘e kamata ke ne fai ha ngaahi me‘a kovi. Na‘e ‘ikai ke ne sai‘ia ‘ia Siosefa Sāmita.
Na‘e loto ‘a e kakai ‘i Nāvū ke fakahoko ha ‘aho mālōlō makehe. Na‘a nau loto ke laka fakatē ‘a e kau sōtiá.
Na‘e taki foki ‘a Sione Pēneti ‘i he kau sōtiá. Na‘á ne tu‘utu‘uni ke fai ha tau ‘a e kau sōtiá. Na‘e ‘ikai ko ha tau mo‘oni. Ko e ‘ai pe ke nau tau fakakata.
Na‘e kole leva ‘e Pēneti kia Siosefa Sāmita ke ne hanga ‘o taki ‘a e kau sōtiá ‘i he taú. Nae ‘ilo‘i ‘e Siosefa Sāmita ‘oku ‘ikai ke sai‘ia ai ‘a Sione Pēneti. Pea na‘á ne fakakaukau ‘oku feinga ‘a Pēneti ke ne hanga ‘o fakapoongi ia. Na‘e tala ange ‘e he ‘Eiki kia Siosefa ke ‘oua na‘a kau ‘i he taú.
Na‘e ‘ita ‘a Sione Pēneti. Na‘e ‘ikai te ne toe loto ke ne hoko ko e pule kolo ‘o Navu. Na‘e hanga leva ‘e he kakai ‘o fili ‘a Siosefa Sāmita ke hoko ko e pule kolo.
Na‘e ‘ikai leva ke toe loto ‘a Sione Pēneti ia mo ha kau tangata kehe ke nau toe hoko ko e kau mēmipa ‘o e Siasí. Ko ia na‘a nau lea kovi ki he Palōfita ko Siosefa Sāmitá.
Na‘e lea ‘a Siosefa Sāmita ki ha ni‘ihi ‘o e kau tangata na‘a nau mēmipa ‘i he Siasí Na‘á ne tala ange ‘e toe fakautuutu pē ‘a e hoko ‘a e kovi he kāingalotú. Pea ‘e ‘I ai ha ‘aho te nau toe hiki ai mei Nāvū. Pea te nau ‘alu ki he ngaahi ‘Otu Mo‘unga Maká ‘i he tafa‘aki fakahihifo ‘o ‘Ameliká. ‘E langa ai ‘e he Kāingalotu ha ngaahi kolo. Te nau talangofua ai ki he ‘Otuá pea te nau hoko ko e kakai mālohi.