Vahe 17
Ko e Ongo ‘Uluaki Pīsope ‘i he Siasí
(Fēpueli 1831)
Na‘e ‘i ai ha kakai kovi na‘a nau nofo ‘i Niu ‘loake. Na‘a nau anga-kovi ki he kau mēmipa ‘o e Siasí pea na‘a nau loto ke nau ‘alu. Ko ia na‘e talaange ‘e Sīsū kia Siosefa Sāmita ke ‘alu mei Niu ‘loake ki Ketilani, ‘Ōhaiō.
Pea na‘e ‘alu ‘a Siosefa Sāmita pea mo hono uaifi ko ‘Emá, Sitenei Likitoni, mo ‘Etuate Patilisi ki Ketilani. Na‘e nofo ‘a Siosefa mo ‘Ema mo ha mēmipa ‘o e Siasí. Ko hono hingoá ko Niueli K. Uitenī.
Na‘e toko 1,000 ‘a e kau mēmipa ‘o e Siasí ‘i Ketilaní. Na‘a nau feinga ke nau talangofua ki he Otuá. Ka na‘e ‘ikai ke mahino kiate kinautolu kotoa ‘a e ongoongoleleí.
T&F 41 : Talateu
Na‘e lotu ‘a Siosefa ki he Tamai Hēvaní. Pea na‘e foaki ‘e Sīsū kia Siosefa ha fakahā. Na‘e talaange ‘e Sīsū kia Siosefa ‘oku ‘aonga ke ma‘u ‘e he kāingalotu ‘i Ketilaní ha pīsope. Pea ‘oku totonu ke faka‘aonga‘i ‘e he pīsop é ‘a hono taimí ke ne ako‘i mo tokonii ‘a e kāingalotú. Ko e ‘uluaki pīsope ‘i he Siasi ko ‘Etuate Patilisí.
Na‘e fakamatala‘i ‘e Sīsū kia Siosefá ‘a e ngāue ko ia ‘a e pīsopé ‘oku totonu ke fai ‘i he Siasi. ‘Oku totonu ke tokanga‘i ‘e he pīsopé‘a e fale tuku‘anga koloá. Pea ‘oku totonu ke hanga ‘e he kāingalotú ‘o ‘ave ha me‘akai mo ha vala ki he fale tuku‘anga koloa ko ‘eni. Ka ‘i ai ha taha ‘i he kāingalotú ‘okú ne fiema‘u ha me‘akai pe vala, ‘oku totonu ke hanga ‘e he pīsopé‘o ange ia ki aí.
‘Oku totonu ke hanga ‘e he pīsopé‘o tokanga‘i ‘a e pa‘anga ‘a e Siasi. ‘Oku totonu ke hanga ‘e he kāingalotú ‘o foaki ha pa‘anga ki he pīsopé. Pea ‘e hanga ‘e he pīsopé‘o totongi ‘a e ngaahi mo‘ua ‘o e Siasi. ‘Oku totonu foki ke ne foaki ha konga ‘o e pa‘angá ki he kāingalotu masivá.
‘Oku totonu ke ‘ofa ‘a e pīsopé‘i he Kāingalotú, peá ne feinga ke tokoni kiate kinautolu. ‘Oku totonu ke ne fakataha pea mo e kau tangata ko ia ‘oku nau ma‘u ‘a e puletapú pea nau talanoa ki he me‘a ko ē te nau lava ke fai ke tokoni‘i ‘a e Kāingalotú.
Na‘e toe tokolahi ange ‘a e kakai na‘a nau kau ki he Siasí. Ko ia na‘e fiema‘u ‘e he Siasí ke toe tokolahi ange ‘a e kau pīsopé . Ko Niueli K. Uitenī ‘a e pīsope hono ua ‘o e Siasí.
Ko e pīsopé ko e taki ia ‘o e Kāingalotu ‘i he uooti taki taha. ‘Oku hangē pē ‘a e palesiteni fakakoló pea mo e pīsopé. Ko e palesiteni fakakoló, ko e taki ia ‘o e Kāingalotú ‘i he kolo takitaha.
‘Oku lauiafe ‘a e kau pīsope ‘i he Siasí ‘i he ngaahi ‘ahó ni.