Samweli Nabii

Kufundisha kuhusu kuzaliwa na kifo cha Yesu

Wanefi wanamfukuza Samweli kutoka kwenye mji

Nabii Mlamani aliyeitwa Samweli alikwenda kuwafundisha Wanefi huko Zarahemla. Alifundisha kuhusu toba. Wanefi hawakumsikiliza na walimfukuza atoke nje ya mji.

Helamani 13:1-2

Samweli alikuwa karibu kurudi kwa watu wake. Lakini Bwana alimwambia arudi kuwafundisha Wanefi.

Helamani 13:2-3

Samweli anasimama nje ya mji na kuutazama

Bwana alimwambia Samweli Yeye angemwambia nini cha kusema. Samweli alimtii Bwana. Alirudi Zarahemla. Lakini Wanefi hawakumruhusu kuingia mjini.

Helamani 13:3–4

Samweli anasimama kwenye ukuta wa mji na anazungumza na kundi kubwa la watu

Samweli alipanda ukuta wa mji. Alisema vitu Ambavyo Bwana aliweka moyoni mwake. Aliwaonya watu wangeangamizwa kwa sababu walikuwa wanafanya mambo mabaya. Alisema kwamba toba na imani tu katika Yesu Kristo ingeweza kuwaokoa. Alisema Yesu, Mwana wa Mungu, angezaliwa ndani ya miaka mitano.

Helamani 13:4–11; 14:2, 8, 12–18

Samweli anasimama kwenye ukuta wa mji na anazungumza, na picha iko karibu naye ya Yesu kama mtoto, Mariamu, na Yusufu

Samweli alisema kutakuwa na ishara za kuzaliwa kwa Yesu. Aliwaambia watu kutazamia ishara. Ishara moja itakuwa usiku bila giza. Ishara zingine zingekuwa kwamba nyota mpya na vitu vingi vya ajabu vingetokea angani.

Helamani 14:3–7

Samweli anazungumza, na picha iko karibu naye ya Mwokozi Aliyefufuka akiwa nje ya kaburi Lake akizungumza na Mariamu Magdalena

Samweli alitaka watu wawe na imani katika Yesu. Alisema Yesu angekufa na kufufuka ili kwamba watu wote waweze kuokolewa kama watatubu.

Helamani 14:8, 12–18

Samweli anazungumza, na picha iko nyuma yake ya mji wenye giza

Samweli alisema kutakuwa na ishara za kifo cha Yesu. Watu wasingeweza kuona jua, mwezi, au nyota. Hakungekuwa na nuru kwa siku tatu.

Helamani 14:20, 27

Samweli anazungumza, kukiwa na picha karibu naye ya mji ukiungua na radi ikipiga

Kungekuwa na muungurumo na mwanga wa radi. Matetemeko ya ardhi yangekuja, na miji ingeharibiwa.

Helamani 14:21–27

Samweli anasimama juu ya ukuta wa mji, na kundi la watu wenye hasira chini wanajaribu kumpiga kwa mishale na mawe, lakini hakuna kinachompata Samweli

Baadhi ya watu walimwamini Samweli, lakini Wanefi wengi walimkasirikia. Walimrushia mawe na kumlenga kwa mishale. Bwana alimlinda Samweli alipokuwa amesimama ukutani. Hakuna hata mawe na mishale iliyoweza kumpiga.

Helamani 16:1–2

baadhi ya watu wakisali na kuonekana wenye wasiwasi, wengine wakiwa na hasira, na Samweli anaondoka

Wakati hakuna mtu aliyeweza kumpiga Samweli, watu wengi zaidi waliamini maneno yake. Lakini watu wengi bado walikuwa na hasira. Walijaribu kumchukua Samweli na kumfunga. Samweli alitoroka na kwenda nyumbani. Aliendelea kuwafundisha watu wake.

Helamani 16:3, 6-8

Nabii aitwaye Nefi anazungumza na watu karibu na kijito

Wanefi ambao walimwamini Samweli walitubu na kubatizwa na nabii Nefi. Walimwamini Yesu na kutazamia ishara za kuzaliwa kwa Yesu ambazo Samweli alikuwa amewaambia kuzihusu.

Helamani 16:1, 3–5; 3 Nefi 1:8