Niadtong Disyembre 27, 1832, atol sa komperensya sa mga lider sa priesthood sa kwarto nga naa sa taas sa tindahan ni Newel K. Whitney, kadtong mga nanambong nagtinguha nga mahibalo sa kabubut-on sa Ginoo bahin kanila ug sa pagtukod sa Zion. Si Propeta Joseph Smith nakadawat og pagpadayag nga narekord sa Doktrina ug mga Pakigsaad 88:1–126 niadtong Disyembre 27 ug 28, 1832. (Ang pagpadayag nga narekord diha sa Doktrina ug Pakigsaad 88:127–37 nadawat sa wala madugay niadtong Enero 3, 1833.) Gitawag sa Propeta kini nga pagpadayag isip “‘dahon sa oliba’ … gikutlo gikan sa Kahoy sa Paraiso” (D&P 88, sa ulohan sa seksyon), tingali tungod kay mensahe kini sa kalinaw uban ang potensyal aron moayo sa dili maayong mga pagbati sa pipila ka mga Santos sa Missouri ngadto sa mga lider sa Simbahan sa Kirtland, Ohio (tan-awa sa D&P 84:76). Upat ka dugang nga mga bersikulo (D&P 88:138–41) ang gidugang atol sa publikasyon sa 1835 nga edisyon sa Doktrina ug mga Pakigsaad.
Enero 5, 1833Frederick G. Williams gitawag pinaagi sa pagpadayag nga mopuli ni Jesse Gause isip magtatambag sa Kapangulohan sa Halangdon nga Pagkapari.
Gipamahayag ni Jesukristo nga Siya ang kahayag ug kinabuhi sa tanang butang
Idrowing sa pisara ang mosunod nga timeline:
Imahe
gilay-on gikan sa mga timeline sa Ginoo
Pagpalayo gikan sa Ginoo
Pagpaduol sa Ginoo
Hangyoa ang mga estudyante sa hilum nga pagkonsiderar kon asa na sila niana nga timeline. Samtang magtuon karong adlawa ang mga estudyante sa Doktrina ug mga Pakigsaad 88, dapita sila sa pagpangita sa doktrina ug mga baruganan nga makatabang nila sa pagsabut nganong importante ang pagpaduol ngadto sa Dios ug kon unsaon sa pagpaduol ngadto Kaniya.
Dapita ang usa ka estudyante sa pagbasa og kusog sa mosunod nga historikal nga impormasyon:
Pagka Disyembre 27–28, 1832, si Joseph Smith ug ang pipila ka high priest nag-abut sa usa ka komperensya sa kwarto nga naa sa taas sa tindahan ni Newel K. Tindahan sa Whitney sa Kirtland, Ohio. Sumala sa minutes [rekord] sa komperensya, sa unang adlaw, gisultihan ni Joseph Smith ang nagkapundok nga mga high priest nga “aron makadawat og pagpadayag ug mga panalangin sa langit, gikinahanglan nga ang atong mga hunahuna anaa sa Dios ug mogamit sa hugot nga pagtuo ug mahimong usa sa kasingkasing ug usa sa hunahuna. Mao nga [ang Propeta] mirekomendar [nga] ang tanang mitambong … mag-ampo sa tagsa-tagsa ug isulti gayud sa Ginoo nga … mopadayag sa Iyang kabubut-on kabahin sa pagtukod sa Zion, ug alang sa kaayohan sa mga Santos, ug alang sa katungdanan … sa mga elder. Sa mao nga paagi miyukbo kami atubangan sa Ginoo, pagkahuman ang matag usa mibarug ug misulti sa iyang mga pagbati ug determinasyon sa pagtuman sa mga sugo sa Dios” (naa sa “Minute Book 1,” 3–4, josephsmithpapers.org). Agig tubag sa ilang pangutana, mihatag ang Ginoo sa pagpadayag nga narekord karon sa Doktrina ug mga Pakigsaad 88. Sa wala madugay kini nga pagpadayag gitawag ni Joseph Smith isip “dahon sa oliba…gikutlo gikan sa Kahoy sa Paraiso, ang mensahe sa Ginoo sa kalinaw alang kanato” (D&P 88, sa ulohan nga seksyon).
Dapita ang usa ka estudyante sa pagbasa og kusog sa Doktrina ug mga Pakigsaad 88:1–5. Hangyoa ang klase sa pagpangita kon unsay gisulti sa Ginoo ngadto sa mga high priest kinsa nagtinguha sa Iyang kabubut-on.
Sumala sa bersikulo 2, unsay reaksyon sa Ginoo bahin sa gibuhat sa mga high priest sa pagtinguha sa Iyang kabubut-on? (Ipasabut nga ang pulong nga limosnagpasabut sa pagkamatarung ug sa debosyon a relihiyon [tan-awa sa D&P 59:12].)
Unsa ang gisaad sa Ginoo niini nga mga high priest diha sa mga bersikulo 3–5?
Ipasabut nga ang mga pulong nga “lain nga Maghuhupay” ug ang “Balaang Espiritu sa saad” diha sa bersikulo 3 ug ang mga pulong nga “kini nga Maghuhupay mao ang saad nga Ako mihatag nganha kaninyo sa kinabuhi nga dayon” diha sa bersikulo 4 naghulagway sa pipila ka tahas sa Espiritu Santo.
Aron matabangan ang mga estudyante sa pagsabut niini nga mga bersikulo, i-display ang mosunod nga mga pamahayag, ug dapita ang usa ka estudyante sa pagbasa niini og kusog:
Imahe
Elder D. Todd Christofferson
“Mao usab kini … ang Espiritu Santo, sa Iyang kinaiya isip ang Balaang Espiritu sa Saad, nga mopamatuod sa katinuod ug sa kaepektibo sa inyong mga pakigsaad ug nagsilyo sa mga saad sa Dios nganha kaninyo” (D. Todd Christofferson, “Ang Gahum sa mga Pakigsaad,”Liahona, Mayo 2009, 22).
Imahe
Elder D. Todd Christofferson
“Ang ‘kahingpitan sa Espiritu Santo’ (D&P 109:14–15) naglakip sa unsay gihulagway ni Jesus isip ‘ang saad nga Ako mihatag nganha kaninyo sa kinabuhi nga dayon, gani ang himaya sa celestial nga gingharian’… (D&P 88:4-5)” (D. Todd Christofferson, “Ang Gahum sa Pakigsaad,” 23, mubo nga sulat 5).
“Ang hingpit nga pagtagamtam sa gasa sa Espiritu Santo naglakip sa pagdawat og pinadayag ug kahupayan … ug ginahinloan gikan sa sala ug gihimong angayan alang sa kahimayaan didto sa celestial nga gingharian” (Matinud-anon sa Tinuhoan: Usa ka Pakisayran sa Ebanghelyo [2004], 32–33).
Ipasabut nga ang saad sa pagkahimong haum alang sa kahimayaan ug pagdawat sa himaya sa Amahan gihimong posible pinaagi ni Jesukristo (tan-awa sa bersikulo 5). Ang bersikulo 6–13 nagpadayag og daghan pa mahitungod sa gahum ug impluwensya ni Jesukristo. Dapita ang usa ka estudyante sa pagbasa og kusog sa Doktrina ug mga Pakigsaad 88:6–7, ug hangyoa ang klase sa pagsunod, nga mangita sa pipila niining dugang nga mga pagtulun-an.
Sumala sa mga bersikulo 6–7, unsa ang “kahayag ni Kristo”? (Kon motubag na ang mga estudyante, posibling makatabang ang pagpasabut nga ang Kahayag ni Kristo mao ang “balaan nga kusog, gahum, o impluwensya nga nagagikan sa Dios pinaagi ni Kristo” [Ang Giya ngadto sa mga Kasulatan, “Kahayag, Kahayag ni Kristo,”scriptures.lds.org].)
Sumala sa bersikulo 6, unsay gihimo sa Manluluwas aron Siya maanaa ug lapas pa sa tanang butang?
Dapita ang pipila ka estudyante nga magpuli-puli sa pagbasa og kusog gikan sa Doktrina ug mga Pakigsaad 88:7–13. Hangyoa ang klase sa pagsunod, nga mangita sa dugang pa nga mga kamatuoran nga atong makat-unan bahin ni Jesukristo ug sa Iyang Kahayag.
Dapita ang mga estudyante nga isulat sa pirasong papel ang usa ka doktrina mahitungod sa Kahayag ni Kristo base sa unsay ilang nakat-unan gikan sa mga bersikulo 7–13. Human sa igong panahon, dapita ang pipila ka estudyante sa pagbasa sa ilang gisulat. (Posibling mosugyot ang mga estudyante og pipila ka mga kamatuoran, apan tabangi sila sa pag-ila nga: pinaagi sa Kahayag ni Kristo, ang Dios naghatag og kahayag, kinabuhi, ug balaod sa tanan Niyang mga linalang. Isulat sa pisara kini nga kamatuoran.)
Aron matabangan ang mga estudyante nga makasabut niini nga doktrina, ipakita ang mosunod nga pamahayag ni Elder Richard G. Scott (1928–2015) sa Korum sa Napulog Duha ka mga Apostoles, ug dapita ang usa ka estudyante sa pagbasa niini og kusog:
Imahe
Elder Richard G. Scott
“Ang Kahayag ni Kristo mao ang balaanon nga gahum o impluwensya nga gikan sa Dios pinaagi ni Jesukristo. Naghatag kini og kahayag ug kinabuhi sa tanang mga butang. Nag-aghat kini sa tanang mga makatarunganon nga mga tawo sa tibuok yuta aron sa pag-ila sa kamatuoran gikan sa kasaypanan, sa husto gikan sa sayop. Mopalihok kini sa inyong konsensya [tan-awa sa Moroni 7:16]. Mohinay ang impluwensya niini pinaagi sa kalapasan ug pagkaadik ug mapahiuli pinaagi sa tukmang paghinulsol. Ang Kahayag ni Kristo dili usa ka tawo. Gahum ug impluwensya kini nga gikan sa Dios ug kon sundon modala sa usa ka tawo nga mahimong takus sa giya ug inspirasyon sa Espiritu Santo [tan-awa sa Juan 1:9D&P 84:46–47]” (Richard G. Scott, “Kalinaw sa Tanlag ug Kalinaw sa Hunahuna,”Liahona, Nob. 2004, 15).
Unsa kaha ang mahitabo kon wala kitay Kahayag ni Kristo?
Ipaambit ang imong pagpamatuod bahin sa gahum ug impluwensya ni Jesukristo ug sa kahayag, kinabuhi, ug balaod nga Iyang gidala alang sa tanang butang.
Mipasabut ang Ginoo nga ang tanan nga gingharian sa Dios idumala pinaagi sa balaod
Ipasabut nga agig dugang sa paghatag og kahayag, kinabuhi, ug balaod sa tanang butang, ang Ginoo mihimo usab sa katubsanan nga posible. Dapita ang usa ka estudyante sa pagbasa og kusog sa Doktrina ug mga Pakigsaad 88:14–17. Hangyoa ang klase sa pagsunod, nga mangita kon unsay gitudlo sa Ginoo mahitungod sa katubsanan.
Sumala sa bersikulo 16, unsa ang katubsanan sa kalag?
I-summarize ang Doktrina ug mga Pakigsaad 88:18–20 pinaagi sa pagpasabut nga niini nga mga bersikulo mipadayag ang Ginoo nga ang yuta mamahimong celestial nga gingharian ug kadtong nabanhaw nga adunay mga celestial nga lawas makaangkon niini hangtud sa hangtud.
Dapita ang usa ka estudyante sa pagbasa og kusog sa Doktrina ug mga Pakigsaad 88:21–24. Hangyoa ang klase sa pagsunod, nga mangita kon unsaon sa pagdeterminar sa gingharian sa himaya nga atong mapanunod human sa Pagkabanhaw.
Base niini nga mga bersikulo, unsaon sa pagdeterminar kon asa nga gingharian sa himaya ang atong maangkon human sa Pagkabanhaw? (Human makatubag ang mga estudyante, isulat sa pisara ang mosunod nga baruganan: Ang balaod nga atong gipili nga puy-an niining kinabuhia maoy modeterminar sa gingharian sa himaya nga atong mapanunod human sa Pagkabanhaw.)
Ngano kaha nga dili man kita makasulod sa celestial nga himaya kon dili kita andam nga motuman sa celestial nga pamalaod sa Dios, nga naglakip sa mga ordinansa, mga pakigsaad, ug mga sugo sa ebanghelyo ni Jesukristo?
I-summarize ang Doktrina ug mga Pakigsaad 88:25–31 pinaagi sa pagpasabut nga kini nga mga bersikulo nagtudlo nga human kita mamatay, mabuhi kita pag-usab sa mao gihapon nga lawas nga atong gibatunan sa mortalidad, sa usa ka hingpit, imortal nga kahimtang lamang. Ang Ginoo mipadayag nga ang himaya sa atong nabanhaw nga lawas motugma sa matang sa espiritu nga kita mamahimo base sa balaod nga atong gipili nga sundon—celestial man, terrestrial, o telestial.
Pahinumdumi ang mga estudyante nga ang tanan nga matawo dinhi sa yuta mabanhaw, apan dili ang tanan makadawat sa sama nga ang-ang sa himaya.
Dapita ang usa ka estudyante sa pagbasa og kusog sa Doktrina ug mga Pakigsaad 88:32–35. Hangyoa ang klase sa pagsunod, nga mangita kon unsay gisulti sa Ginoo mahitungod niadtong mga mabanhaw apan dili makapanunod sa usa sa mga ang-ang sa himaya.
Sumala sa bersikulo 32 ug sa 35, nganong dili man makapanunod sa gingharian sa himaya kining mga tawhana?
Ipasabut ang mga pulong nga “tungod kay dili sila andam nga motagamtam kon unsa man unya ang ilang madawat” diha sa bersikulo 32.
Sa unsang paagi kini nga mga pulong may kalabutan sa kaugalingon natong kinabuhi?
Unsay atong makat-unan gikan sa bersikulo 34 mahitungod sa unsay mahitabo sa uban kanato kinsa andam nga idumala sa balaod sa Dios? (Kon gikinahanglan, ipasabut nga samtang pilion nato nga kita idumala pinaagi sa balaod sa Dios, Si Jesukristo mopreserba, mohingpit, ug mobalaan kanato.)
I-summarize ang Doktrina ug mga Pakigsaad 88:36–39 pinaagi sa pagpasabut nga ang tanang gingharian dunay balaod nga gihatag ug nga adunay daghan pa nga gingharian. Kadtong mga tawo lamang nga mosunod sa balaod sa Dios ang mahatagan sa kaangayan, o “pasayloon gikan sa silot” (Giya ngadto sa mga Kasulatan, “Kapaangayan, Paghatag og Kaangayan,” scriptures.lds.org).
Dapita ang mga estudyante sa pagbasa og hilum sa Doktrina ug mga Pakigsaad 88:39–40, nga mangita kon nganong kadtong mipili sa dili pagsunod sa balaod sa Dios wala mahatagi og kaangayan. Dapita ang mga estudyante sa pagreport sa unsay ilang nakit-an.
Dapita ang mga estudyante sa pagbana-bana unsa kamaayo ang ilang pagsunod sa balaod sa Dios. Awhaga sila nga ipadayon ang pagsunod sa balaod sa Dios ug sa paghimo og bisan unsang gikinahanglan nga mga pagkorihir nga maghimo kanila nga makapanunod sa celestial nga gingharian.
Gipadayag sa Ginoo nga Siya ang nagdumala ug makasabut sa tanang butang, ug modapit Siya sa mga indibidwal sa pagpaduol ngadto Kaniya
Imahe
Ang Ginoo Milalang sa Tanang Butang
Pag-display og litrato sa mga bitoon, sama sa Ang Ginoo Milalang sa Tanan nga mga Butang (Libro sa mga Hulagway sa Ebanghelyo [2009], nu. 2; tan-awa usab sa lds.org/media-library), o pangutan-a ang mga estudyante kon nakasulay na ba silang motan-aw sa mga bitoon ug naghunahuna sa mga nilalang sa Dios.
Unsa nga mga hunahuna o mga pangutana ang inyong mahinuktukan samtang magtutok ka sa mga bitoon?
Dapita ang usa ka estudyante sa pagbasa og kusog sa Doktrina ug mga Pakigsaad 88:41–47. Hangyoa ang klase sa pagsunod, nga mangita unsay gisulti sa Ginoo mahitungod sa Iyang Kaugalingon ug sa Iyang mga nilalang.
Unsaon pagdumala sa Dios ang Iyang mga nilalang?
Sumala sa mga bersikulo 46–47, unsa man ang atong makita kon tan-awon nato bisan ang pinakagamay sa mga nilalang sa Dios?
I-summarize ang Doktrina ug mga Pakigsaad 88:51–61 pinaagi sa pagpasabut nga ang Manluluwas misugilon og usa ka sambingay sa tawo nga naghago sa usa ka umahan, ang matag usa kanila gibisitahan sa ilang agalon. Gikan niini nga sambingay, atong makat-unan nga ang Ginoo mobisita sa matag usa sa Iyang mga kalibutan ug sa mga nanagpuyo niini. Ipasabut nga ang Ginoo nakaanhi na sa Iyang gingharian dinhi sa yuta ug nga Siya moanhi pag-usab ug maghari dinhi panahon sa Milenyum.
Dapita ang mga estudyante sa pagbasa og hilum sa Doktrina ug mga Pakigsaad 88:62–63,nga mangita sa mga butang nga atong mahimo aron madapit ang Manluluwas nga mopaduol kanato.
Unsa nga baruganan ang gitudlo niini nga mga bersikulo mahitungod sa pagpaduol ngadto sa Ginoo? (Human makatubag ang mga estudyante, isulat sa pisara ang mosunod nga baruganan: Kon magpaduol kita sa Ginoo, mopaduol Siya kanato. Dapita ang mga estudyante sa pagkonsiderar nga markahan kini nga baruganan diha sa bersikulo 63.)
Unsa nga mga pulong sa bersikulo 63 ang nagtudlo kon unsaon nato nga mapaduol kita sa Manluluwas?
Unsa ang pipila ka mga buhat nga nakatabang ninyo sa pagpangita, pagpangayo, ug pagpanuktok aron mas mapaduol sa Ginoo?
Hangyoa ang mga estudyante sa pagpamalandong unsay nasinati nila sa ilang kinabuhi nga mipamatuod kanila nga kini nga baruganan tinuod. Dapita ang usa o duha ka estudyante sa pagpaambit sa ilang kasinatian ug pagpamatuod bahin niini nga baruganan.
Dapita ang pipila ka mga estudyante nga magpuli-puli sa pagbasa og kusog sa Doktrina ug mga Pakigsaad 88:66–69. Hangyoa ang klase sa pagsunod, nga mangita og dugang nga mga paagi nga kita makapaduol sa Amahan ug sa Anak.
Sumala sa bersikulo 67, unsa nga panalangin ang moabut niadtong kansang katuyoan usa ngadto sa himaya sa Dios? (Tabangi ang mga estudyante sa pag-ila sa mosunod nga baruganan: Kon ang akong katuyoan usa ngadto sa himaya sa Dios, niana kita mapuno sa kahayag.)
Unsa kaha ang gipasabut sa inyong katuyoan “usa ngadto sa himaya [sa Dios]”?
Sumala sa bersikulo 68, unsay kinahanglan natong buhaton aron ang atong mga hunahuna usa ang katuyoan ngadto sa Dios? (Ipasabut nga ang mga pulong nga “ibalaan ang inyong mga kaugalingon” nagpasabut sa pagkahimong lunsay ug limpyo sa sala pinaagi sa Pag-ula ni Jesukristo ug sa impluwensya sa Espiritu Santo samtang maghinulsol kita ug magtuman sa atong mga pakigsaad.)
Tapusa pinaagi sa pagpamatuod sa mga kamatuoran nga gitudlo niini nga leksyon. I-refer ngadto sa timeline sa Ginoo diha sa pisara, ug dapita ang mga estudyante sa paghunahuna mahitungod sa unsay ilang mahimo aron mas mahiduol sa Ginoo ug kon nganong buhaton man nila kini. Awhaga sila sa pagbuhat sa bisan unsang mga pag-aghat nga ilang madawat.