ជំពូក ១៣
ព្រះយេស៊ូវ និង ព្រះដំណាក់របស់ព្រះវរបិតាសួគ៌ទ្រង់
ព្រះយេស៊ូវបានយាងទៅព្រះវិហារបរិសុទ្ធនៅក្រុងយេរ៉ូសាឡិម ។ មនុស្សជាច្រើនបានទៅទីនោះ ដើម្បីថ្វាយដង្វាយយញ្ញបូជាដោយការសម្លាប់សត្វ ហើយដុតនៅលើអាសនា ។ ដង្វាយយញ្ញបូជាបានជួយមនុស្សឲ្យគិតអំពីព្រះអង្គសង្គ្រោះ ដែលបានលះបង់ព្រះអង្គទ្រង់ដើម្បីរងទុក្ខ ហើយសុគតជំនួសពួកគេ ។
មនុស្សខ្លះគ្មានសត្វដើម្បីធ្វើជាដង្វាយយញ្ញបូជានោះទេ ។ មានមនុស្សលក់សត្វឲ្យពួកគេនៅក្នុងព្រះវិហារបរិសុទ្ធ ។ អ្នកលក់ចង់បានប្រាក់ចំណេញច្រើន ។ ពួកគេពុំបានគិតដល់ព្រះឡើយ ។
ព្រះយេស៊ូវបានទតឃើញមនុស្សលក់ដូរសត្វនៅឯព្រះវិហារបរិសុទ្ធ ។ ទ្រង់បានមានបន្ទូលថា ព្រះវិហារបរិសុទ្ធគឺជាដំណាក់របស់ព្រះវរបិតាសួគ៌ ជាទីដ៏បរិសុទ្ធ ។ ទ្រង់បានមានបន្ទូលថា យើងមិនគួរលក់ដូរនៅទីនោះទេ ។
ព្រះយេស៊ូវបានវាយ ហើយរុញច្រានតុលក់ដូរ គ្រវែងប្រាក់ទៅលើដី ហើយបានបណ្ដេញអ្នកលក់ដូរចេញពីព្រះវិហារបរិសុទ្ធ ។ ទ្រង់ពុំអនុញ្ញាតឲ្យពួកគេធ្វើអំពើទុច្ចរិត នៅក្នុងដំណាក់របស់ព្រះវរបិតាសួគ៌ឡើយ ។