ជំពូក ៤
យ៉ូសែប និង ទេវតា
យ៉ូសែបគឺជាបុរសល្អ និង ចិត្តល្អម្នាក់ ។ គាត់ និង ម៉ារា បានបម្រុងនឹងរៀបការជាមួយគ្នា ។ នៅពេលគាត់បានដឹងថា ម៉ារានឹងមានកូន គាត់ពុំដឹងថាត្រូវធ្វើយ៉ាងណានោះទេ ។ ដោយសារតែទារកនោះមិនមែនជាកូនរបស់គាត់ គាត់បានគិតថាមិនគួររៀបការជាមួយនាងឡើយ ។
នារាត្រីមួយ ទេវតាមួយអង្គបានយាងមកជួបយ៉ូសែបក្នុងសុបិន ហើយបានមានបន្ទូលប្រាប់គាត់ថា ទារករបស់ម៉ារាគឺជាព្រះរាជបុត្រារបស់ព្រះ ។ ទេវតាបានមានបន្ទូលប្រាប់ឲ្យយ៉ូសែបរៀបការនឹងម៉ារា ហើយថ្វាយព្រះនាមព្រះឱរស្ឋថា យេស៊ូវ ។ ព្រះយេស៊ូវគឺជាព្រះអង្គសង្គ្រោះនៃពិភពលោក ។
យ៉ូសែបបានធ្វើតាមសេចក្ដីបង្គាប់របស់ទេវតា ហើយបានរៀបការនឹងម៉ារា ។