ជំពូក ១៦
កូនប្រុសរបស់នាម៉ឺន
នាម៉ឺនរបស់ពួកសាសន៍យូដាម្នាក់ មានកូនប្រុសមួយឈឺធ្ងន់ ។ មនុស្សគ្រប់គ្នាបានគិតថា មិនយូរប៉ុន្មានកូនប្រុសរបស់គាត់នឹងស្លាប់ ។
បុរសនោះបានទុកកូនប្រុសរបស់គាត់នៅផ្ទះ រួចធ្វើដំណើរយ៉ាងឆ្ងាយទៅកាន់ក្រុងកាណា ។ គាត់បានឃើញព្រះយេស៊ូវគង់នៅទីនោះ ។
បុរសរូបនោះបានទូលសូមព្រះយេស៊ូវ ឲ្យយាងទៅព្យាបាលកូនប្រុសរបស់គាត់ ។ ព្រះយេស៊ូវបានមានបន្ទូលប្រាប់គាត់ថា កូនប្រុសគាត់នឹងបានជាសះស្បើយ ។ បុរសរូបនោះបានជឿព្រះយេស៊ូវ ហើយបានចាប់ផ្ដើមចេញដំណើរទៅផ្ទះវិញ ។
ពួកអ្នកបម្រើគាត់បានមកជួបគាត់ ។ ពួកគេបានប្រាប់ថា កូនប្រុសគាត់មានសុខភាពប្រសើរជាងមុន ហើយនឹងបន្តមានជីវិត ។ គាត់បានសួរថាតើកូនប្រុសគាត់បានចាប់ផ្ដើមមានសុខភាពល្អវិញនៅពេលណា ។ ពួកគេបានប្រាប់គាត់នូវអ្វីដែលបានកើតឡើង ។ វាបានកើតឡើងនៅពេលដំណាលគ្នា ដែលព្រះយេស៊ូវបានមានបន្ទូលថា កូនប្រុសគាត់នឹងបានជាសះស្បើយ ។
បុរសរូបនោះបានដឹងថា ព្រះយេស៊ូវគ្រីស្ទប្រោសកូនប្រុសគាត់ឲ្យបានជា ។ គាត់ និង ក្រុមគ្រួសារបានជឿលើព្រះអង្គសង្គ្រោះ ។