ជំពូក ២១
ព្រះយេស៊ូវត្រាស់បញ្ជាខ្យល់ និង រលក
ព្រះយេស៊ូវ និង ពួកសិស្សរបស់ទ្រង់កំពុងនៅលើទូកនៅឯសមុទ្រកាលីឡេ ។ ព្រះយេស៊ូវបានផ្ទំលក់ ។ ខ្យល់បានចាប់ផ្ដើមបោកបក់មកយ៉ាងខ្លាំង រីឯរលកបានធ្វើឲ្យទូកពេញដោយទឹក ។ ពួកសិស្សបានភិតភ័យថាទូកនឹងលិច ។ ពួកគេបានដាស់ព្រះយេស៊ូវឲ្យតើនឡើង ហើយបានសូមជំនួយពីទ្រង់ ។
ព្រះអង្គសង្គ្រោះបានត្រាស់បង្គាប់ឲ្យខ្យល់ និង រលកឈប់ទៅ ។ ខ្យល់បានឈប់ ហើយសមុទ្រក៏បានស្ងប់ទៅ ។
ព្រះយេស៊ូវបានសួរពួកសិស្ស អំពីមូលហេតុដែលពួកគេបានភិតភ័យ ។ ទ្រង់បានមានព្រះបន្ទូលថា ពួកគេគួរតែមានសេចក្ដីជំនឿឲ្យបានកាន់តែច្រើន ។ ពួកគេបានឆ្ងល់ថាតើបុរសនេះជានរណា ដែលអាចបញ្ជាសូម្បីតែខ្យល់ និងសមុទ្រយ៉ាងនេះ ។