Бүлэг 14
Никодем
Никодем бол Фарисайчууд хэмээх бүлгийн нэг гишүүн байв. Тэрээр мөн Еврейчүүдийн удирдагч байжээ. Олонх Фарисайчууд Есүс Христ Бурханаас илгээгдсэн гэдэгт итгэдэггүй байв. Харин Никодем Есүсийн үйлдсэн гайхамшгуудыг харсан тул итгэдэг болов.
Никодем нэгэн орой Аврагчтай ярилцахаар ирлээ. Дахин төрөхөөс нааш хэн ч Бурханы хаант улсад орж чадахгүй гэж Есүс түүнд хэлэв.
Никодем сайн ойлгосонгүй. Хүн яаж дахин төрж чадах юм бэ? Сүнслэг зүйлсийн талаар ярьж байгаагаа Аврагч түүнд тайлбарлав. Дахин төрөхийн тулд хүн баптисм хүртэж, Ариун Сүнсний бэлгийг хүлээн авах ёстой.
Бид бүгдийг Тэнгэрлэг Эцэгтээ эргэн очиход туслахын тулд Есүс энэ дэлхий рүү илгээгдсэн гэдгээ тайлбарлан хэлэв. Тэр бидэнд мөнхийн амьдралыг өгөхийн тулд нүглүүдийн маань төлөө зовон шаналж загалмай дээр үхэх болно гэж Есүс хэлэв.
Бид Түүнд итгэж, зөвийг сонгох хэрэгтэй гэв. Хэрэв бид зөвийг хийх юм бол Бурханы хаант улсад мөнхөд амьдарна.