Бүлэг 18

Есүс Төлөөлөгчдөө сонгосон нь

Нэгэн өдөр Есүс Галил Тэнгисийн эрэг дээр завьтай хүмүүст зааж байлаа. Тэрхүү завины эзнийг Петр гэдэг байв.

Лук 5:1–3

Петр найзуудтайгаа шөнөжин загасчилсан боловч нэг ч загас барьсангүй. Есүс хүмүүст зааж дуусав. Тэр Петрт завиа усны гүн уруу аваач гэв. Тэгээд Тэр Петр болон түүний найзуудад тороо усанд хая гэв.

Лук 5:4–5

Маш их загас баригдсан тул тор нь урагдаж эхлэв.

Лук 5:6

Өөр завин дээр байсан найзуудыгаа ирж туслахыг Петр хүсэв. Тэдний барьсан загас хоёр завийг хоёуланг нь дүүргэсэн тул живж эхэллээ.

Лук 5:7

Петр ба түүний нөхөд ихэд гайхаж байв. Есүс Христ энэ бүхнийг хийсэн гэдгийг тэд мэдэж байлаа.

Лук 5:8–9

Петр Аврагчийн хөлд сөхрөн суулаа. Тэр өөрийгөө Есүсийн ойр байх ч зохисгүй хүн гэв. Есүс Петрийг бүү ай гэлээ.

Лук 5:8–10

Петрийн нөхдийн хоёр нь ах дүү Иаков, Иохан хоёр байв. Есүс Петр, Иаков, Иохан нарт Түүнийг дага, тэгээд “ хүмүүсийн загасчид” болцгоо хэмээн хэлэв. Эрчүүд өөрсөддөө байсан бүхнээ орхиод Есүстэй хамт явлаа. Аврагч өөр эрчүүдийг ч Өөрийг нь дага гэж хэлэв.

Матай 4:18–22; 9:9; Лук 5:10–11; Иохан 1:35–51

Өөрийнх нь Сүмийг удирдах Төлөөлөгчдийг Есүс сонголоо. Тэр зөвт эрчүүдийг сонгохын тулд шөнөжин залбирчээ. Дараагийн өдөр нь Тэр арванхоёр эрийг сонгон, тэдэнд Төлөөлөгч байх эрх мэдэл буюу санваарыг өгч томилов.

Марк 3:14 ; Лук 6:12–16; Иохан 15:16

Төлөөлөгчид олон хотуудаар явлаа. Тэд сайн мэдээг зааж, хүмүүсийг эдгээж байсан юм. Тэд юу хийснээ Есүст хэлэхээр буцаж ирдэг байлаа.

Марк 6:30 ; Лук 9:1–6, 10