Бүлэг 42
Баян залуу эр
Нэгэн өдөр баян залуу Есүс дээр иржээ. Тэр Есүсээс тэнгэрт амьдрахын тулд юу хийх хэрэгтэйг асуулаа.
Аврагч түүнд “хүн бүү ал, бүү худал хэл, бүү хулгайл, эцэг эхээ хүндлэн хайрла” гэж хэлэв. Баян залуу эр үргэлж Бурханы зарлигуудыг дуулгавартай дагасаар ирсэн гэв.
Залуу эр ахин нэг зүйл хийх хэрэгтэй гэж Есүс хэлэв. Тэр өөрт байгаа бүхий л зүйлсийг зарж ядууст өгөх хэрэгтэй гэв. Тэгээд залуу эр Түүнийг дагах ёстой байв.
Баян залуу эр өөрт байгаа бүхнийг өгөхийг хүссэнгүй. Тэр өөрийн эд хөрөнгөнд Бурханаас илүү хайртай байлаа. Залуу эр гунигтайгаар явж одов.
Эд баялагийг хайрлагч хүмүүс тэнгэрт очиход хэцүү гэж Есүс шавь нартаа хэлэв. Шавь нар нь сайн ойлгосонгүй. Тэд хэн Бурхантай амьдарч болох тухай асуув. Бурханд итгэж найддаг, Түүнийг юунаас ч илүү ихээр хайрладаг хүмүүс л Түүнтэй хамт тэнгэрт амьдарч чадна гэж Есүс хэлэв.