Бүлэг 49
Анхны ариун ёслол
Жил бүр Еврейчүүд Дээгүүр өнгөрөх баяр тэмдэглэдэг байв. Энэ баяр нь Еврейчүүдэд Мосегийн цаг үед амьдарч байсан өвөг дээдсийг нь Бурхан аварсаныг сануулдаг.
Есүс болон түүний Арванхоёр Төлөөлөгчдөд Дээгүүр өнгөрөх баярын зоог барих газар хэрэгтэй байлаа. Аврагч Петр, Иохан хоёрыг зоог барих өрөө олоод баяр тэмдэглэхэд бүх зүйл бэлэн эсэхийг үзээд ир гэж явуулав.
Тэд өрөө олоод баярт бэлтгэлээ.
Есүс болон бүх Төлөөлөгчид тийшээ явлаа. Тэд Дээгүүр өнгөрөх баярын зоог хамтдаа идэцгээв.
Есүс анх удаа Төлөөлөгчиддөө ариун ёслол хүртээв. Тэр талх гартаа бариад, жижиг хэсгүүд болгон хуваалаа. Талхыг ид гэж Төлөөлөгчиддөө хэлэв.
Есүс тэдэнд талхнаас идэж байхдаа миний биеийг төлөөлүүлэн дурсан санаж бай гэж хэлэв. Тэд Түүнийг өөрсдийнх нь төлөө нас барна гэдгийг санан дурсахыг хүсэв.
Есүс аяганд дарс хундагалав. Тэрээр дарсыг адислаад Төлөөлөгчиддөө “үүнийг уу” гэв.
Дарсыг уухдаа Түүний “цусыг төлөөлүүлэн санаж бай” гэж хэлэв. Есүс хүмүүсийн гэм нүглийг өөртөө авч зовж шаналан цусаа урсгах болно. Үүнийг санан дурсаж байхыгТэр хүсэв.
Есүс Төлөөлөгчиддөө хорон санаат хүмүүс удахгүй намайг ална гэж хэлжээ. Үүнийг сонссон Төлөөлөгчдийн арваннэг нь маш гунигтай байлаа. Тэд Аврагчид хайртай байсан тул Түүнийг үхүүлэхийг хүсэхгүй байв. Төлөөлөгчдийн нэг нь хорон санаат хүмүүст тусална гэдгийг Есүс мэдэж байлаа. Түүний нэрийг Искариотын Иудас гэдэг байв.