Бүлэг 44
Аврагч Иерусалимыг зорьсон нь
Лазарыг амьдралд дахин авчирсан тухай зарим хүмүүс Тахилчид болон Фарисайчуудад хэлсэн байв. Фарисайчууд бүх хүмүүс Есүст итгэж, хэн ч тэднийг сонсохгүй болох нь гэж айцгаав.
Фарисайчууд Есүсийг алах арга төлөвлөсөн байв. Дээгүүр Өнгөрөх баярын найранд Есүсийн ирэхийг тэд хүлээж байв.
Есүс Иерусалим уруу явав. Олон хүн Түүний ирж байгааг сонсоод уулзахаар очив. Есүс залуу илжиг унасаар хотод орж ирэв. Бурханы Хүү ингэх болно гэдгийг бошиглогч бичсэн байдаг. Есүс бол Бурханы Хүү гэдэгт олон хүн итгэсэн байв. Тэд дал модны навч, зарим нь бүр хувцсаа Түүний зам дээр дэвсэж байв. Тэд Хосанна хэмээн хашгирч Есүс бол тэдний хаан хэмээн хэлж байв.
Иерусалимчууд юу болоод байгааг харахаар ирсэн байлаа. Тэд Есүс гэж хэн болохыг асууж байв. Олны дунд байсан хүмүүс Тэр бол Назараас ирсэн бошиглогч гэж хэлэв.
Фарисайчууд уурлажээ. Тэд хүмүүсийг Есүс бол Аврагч гэдэгт итгүүлэхийг хүсэхгүй байв. Фарисайчууд Түүнийг алахыг хүсэж байгааг Есүс мэдэж байлаа.
Удахгүй үхэх болно гэж Есүс шавь нартаа хэлсэн байв. Тэр бүх хүмүүсийн гэм нүглийн төлөө шаналан зовж загалмай дээр нас барна. Тэр бол дэлхийн Аврагч байсан юм. Ийм ч учраас Тэр дэлхий дээр ирсэн билээ.