Бүлэг 29
Есүс усан дээр алхсан нь
5000 хүнийг хооллосныхоо дараа Есүс залбирахаар уул уруу гарлаа. Түүний шавь нар Галил Тэнгисийг завиар гатлах гэж байв. Орой болоход салхи салхилж давалгаа хүчтэй болсон байв.
Шөнө нь Есүс шавь нар дээрээ ирлээ. Завинд хүрэхийн тулд Тэрээр усан дээр алхаж байлаа.
Шавь нар нь Түүнийг усанд дээр явж байхыг харав. Тэд айсан байв. Тэд Түүнийг Сүнс гэж бодож байлаа. “Энэ би байна, бүү ай” гэж Есүс хашгирав.
Петр ч мөн усан дээр явахыг хүсэж байлаа. Петрийг “хүрээд ир” гэж Есүс хэлэв. Петр завинаас гарлаа. Тэрээр Аврагчийг зүглэн усан дээр алхаж эхлэв.
Салхи хүчтэй салхилж байсан тул Петр айж эхэллээ. Тэрээр усанд живж эхэлмэгцээ Есүсээс аврал эрэн хашгирав.
Аврагч Петрийн гараас барьж авлаа. Тэрээр Петрээс яагаад илүү итгэлтэй байгаагүй талаар асуув.
Есүс Петр хоёр завин дээр ирэхэд шуурга зогсов. Бүх шавь нар Аврагчийг бишрэн шүтлээ. Тэд Түүнийг Бурханы Хүү гэдгийг мэдсэн юм.