Бүлэг 19
Уулан дээрх номлол
Нэгэн өдөр Есүс Галил тэнгисийн хажуу уулын энгэр дээр шавь нартаа сайн мэдээг зааж байлаа.
Есүс тэдэнд аз жаргалтай байхын тулд хэрхэн амьдрах талаар болон Тэнгэрлэг Эцэгтэйгээ яаж дахин амьдрах талаар ярьж байв. Түүний заасан зүйлс биднийг ч гэсэн аз жаргалтай болгоно.
Есүс хэлэхдээ бид дөлгөөн, тэвчээртэй мөн Тэнгэрлэг Эцэгийг дуулгавартай дагах хүсэлтэй байх хэрэгтэй гэв.
Зөв шударга байхын тулд бид бүхий л чадлаараа хичээх хэрэгтэй.
Биднийг гомдоож, сэтгэлээр унагаадаг хүмүүсийг бид уучлах хэрэгтэй. Хэрэв бид тэднийг уучилвал Тэнгэрлэг Эцэг ч мөн биднийг уучлах болно.
Бид энхийг бий болгогчид байж, бусдыг хайрлаж, бие биенээ хайрлахад нь хүмүүст тусалж байх ёстой.
Бид бусдад сайн мэдээний талаар ярих болон өөрсдийн Тэнгэрлэг Эцэгийг хайрлах хайраа үзүүлэхээс айх ёсгүй. Биднийг сайн зүйлс хийхийг харах нь тэднийг Бурханд итгэхэд тус болно.
Бид амлалтуудаа үргэлж сахих хэрэгтэй.
Бид бусдыг өөрсдөдөө найрсаг хандаасай гэж хүсдэг тул бид ч тэдэнд найрсаг байх ёстой.
Хэрэв бид эдгээр зүйлсийг хийвэл бид аз жаргалтай байж, Тэнгэрлэг Эцэг биднийг адисалж, бид Түүнтэй дахин хамт амьдрах болно хэмээн Есүс хэлэв.