Хоёр дахь сургаалт зүйрлэл
Гээгдсэн зоос
Арван мөнгөн зоостой нэгэн эмэгтэй байжээ. Эмэгтэй нэг зоосоо гээжээ. Тэр зоосоо газар сайгүй хайв.
Эцэст нь эмэгтэй зоосоо олжээ. Эмэгтэй маш их баяртай байв. Найз нөхөд, хөршүүддээ хэлэхээр тэр тэднийг дуудав. Гээгдсэн зоосоо олсонд нь тэд ч бас их баяртай байлаа.
Сүмийн удирдагчид, гишүүд энэ түүхэнд гарч байгаа эмэгтэй шиг билээ. Гээгдсэн зоос бол Сүмдээ явахаа больсон, эсвэл зарлигуудыг дагахыг хичээхээ больсон Сүмийн гишүүн гэсэн үг. Энэ нь яг тэд Сүмээс гээгдсэнтэй адил юм. Алдагдсан ах, эгч нарыг олж тэднийг Түүнд эргэн ирэхэд нь туслахыг Есүс Христ Сүмийн гишүүдээс хүсдэг. Ингэсэн үед Есүс маш их баяртай байдаг.
Есүс бол Христ, 455–56
Түүхэнд гарч буй найз нөхөд, хөршүүдээр Бурханы тэнгэр элчүүдийг зүйрлүүлжээ. Хэн нэгэн хүн наманчлахад тэнгэр элч нар маш их баяртай байдаг.