Бүлэг 34
Муу ёрын сүнстэй хүү
Нэгэн өдөр нэг залуу Аврагч дээр ирээд хүүдээ туслахыг хүсэв. Хүүд нь муу ёрын сүнс шингэсэн байв. Есүсийн шавь нар түүний хүүг эмчлэхээр оролдсон боловч чадсангүй.
Есүс хүүг өөр дээрээ авчруулав. Хүүг ирэхэд муу ёрын сүнс түүнийг газар унагав.
Муу ёрын сүнс хэр удаан хүүгийн биед байгааг Аврагч асуув. Муу ёрын сүнс хүүг балчир байхаас нь хойш байсан гэж аав нь хэлэв.
Түүний аав нь итгэлтэй байвал хүүг эдгээж чадна гэж Есүс хэлэв. Аав нь уйлж эхэллээ. Тэр итгэлтэй байна гэж хэлэв. Гэвч тэр илүү их итгэлтэй байхад нь туслахыг Есүсээс хүсэв.
Есүс муу ёрын сүнсийг хүүгийн биеэс гарч ахин хэзээ ч түүний биед орохгүй байхыг тушаав. Муу ёрын сүнс ууртай байлаа. Тэр хүүг дахин өвтгөж зовоов. Тэгээд тэр Есүсийн үгсийг дуулгавартай дагаж хүүг орхин гарлаа.
Хүү чимээгүй хэвтэж байсан тул хүмүүс түүнийг үхчихлээ хэмээн ярилцаж байв. Харин Есүс түүний гарыг бариад босоход нь туслав. Хүү эдгэрсэн байлаа. Муу ёрын сүнс хүүгийн биеийг орхисон байв.
Дараа нь шавь нар хүүгийн биеэс муу ёрын сүнсийг яагаад гаргаж чадахгүй байсан тухайгаа асуув. Зарим үед хүнийг эдгээхийн тулд тэд мацаг барин залбирах хэрэгтэйг Есүс тэдэнд хэлж өгөв.