Бүлэг 37
Уяман өвчтэй арван хүн
Есүс нэг жижигхэн хотод очив. Тэнд өвчтэй арван хүнийг харав. Тэд уяман өвчтэй байв. Тэдний бүх бие нь маш муухай яр шархтай болсон байв.
Эмч нар уяман өвчтэй хүнд тусалж чадахгүй байв. Хүмүүс дэргэдүүр нь явахаас ч эмээдэг байв. Тэд уяман өвчин тусахыг хүсэхгүй байлаа.
Тэд Есүсээс өвчнөөс эдгээж өгөхийг хүсэв. Тэд Тэр л эдгээж чадна гэдгийг мэдэж байв.
Есүс тэднийг эдгээхийг мөн хүсэж байлаа. Тахилч нарт очиж биеэ үзүүл гэж Есүс хэлэв.
Тахилч уруу очих замдаа тэдний өвчин нь эдгэрчээ. Тэдний яр шарх арилсан байв.
Уяман өвчтэй хүмүүсийн нэг нь Есүс тэднийг эдгээсэн гэдгийг мэдэж байлаа. Тэрээр буцаж ирэн Түүнд талархсанаа хэлэв. Бусад есөн хүн хаана байгааг Есүс асуув. Тэд буцаж ирсэнгүй. Талархал илэрхийлэхээр эргэж ирсэн уяман өвчтэй хүнд өөрийнх нь итгэл түүнийг эдгээсэн юм хэмээн Есүс хэлэв.