Бүлэг 33
Алдар суунд үзэгдсэн нь: хувиралт
Есүс Петр, Иаков, Иохан гуравтай хамт өндөр уулын оргил дээр залбирахаар явав.
Есүсийг залбирч эхлэхэд Бурханы алдар суу Түүн дээр ирэв. Түүний нүүр царай яг л нар шиг тод гэрэлтэж байв. Хуучин Гэрээний бошиглогч Мосе, Елиа хоёр Түүнд үзэгдэв. Тэд удахгүй болох Түүний үхэл болоод амилуулалтын талаар ярив.
Есүсийг залбирч байхад Төлөөлөгчид нойрондоо дийлдэн унтчихсан байв.
Тэд сэрээд Есүс Христ, Мосе, Елиа нарын алдар сууг харав. “Энэ бол миний хайртай Хүү, түүнийг сонс” хэмээн гэрчлэх Тэнгэрлэг Эцэгийн дуу хоолойг сонслоо.
Төлөөлөгчид айсандаа газар унацгаав. Есүс тэдэнд хүрээд “бүү ай” гэв. Тэднийг дээшээ харахад тэнгэрлэг элч нар явсан байв. Харсан зүйлээ Түүнийг үхээд амилтал нь хэнд ч хэлэхгүй байхыг Есүс Төлөөлөгчиддөө захиж хэлэв.