1 Tru olsem Bikpela i tok long wokman bilong mi William Marks, na tu long wokman bilong mi Newel K. Whitney, larim ol stretim olgeta bisnis bilong ol hariap tru na raun long dispela ples Kirtland, pastaim long mi, Bikpela, salim gen ol sno antap long dispela ples graun.

2 Larim ol opim ai, na kirap, na kamaut, na noken isi isi, long wanem mi, Bikpela, i tok strong long en.

3 Olsem na, sapos ol i isi isi dispela bai no inap long gutpela wantaim ol.

4 Larim ol tanim bel long ol sin bilong ol, na long olgeta mangal laik bilong ol, long ai bilong mi, Bikpela i tok; long wanem, wanem samting em ol samting bilong graun long mi? Bikpela i tok.

5 Larim ol dispela samting long Kirtland yupela salim ol long stretim ol dinau, Bikpela i tok. Larim ol i go Bikpela i tok, na wanem i stap bek, larim i stap bek long ol han bilong yupela, Bikpela i tok.

6 Long wanem i no mi husat i holim ol pisin bilong heven, na tu ol pis bilong solwara, na ol animal bilong ol maunten? I no mi husat i mekim dispela ples graun? Na i no mi husat i holim ol destini bilong ol ami bilong ol nesen long dispela ples graun?

7 Olsem na, bai mi no inap long mekim ol hap i nogat man long redi long nupela flawa na bai i gat flawa, na long bringim i kam planti stret? Bikpela i tok.

8 I no gat inap rum long ol dispela maunten bilong Adam-ondi-Ahman, na long ol dispela kunai ples bilong Olaha Shinehah, o dispela ples we Adam bin stap, olsem yupela bai mangalim dispela we em i liklik tasol, na lusim ol dispela samting we i gat hevi bilong en?

9 Olsem na, kam antap long hia long ples bilong ol pipol bilong mi, em Zion.

10 Larim wokman bilong mi William Marks lukautim gut sampela samting, na em bai kamap wanpela bosman long planti. Larim em bosim namel long ol pipol bilong mi long dispela siti bilong Far West, na larim em kisim blesing wantaim ol dispela blesing bilong ol pipol bilong mi.

11 Larim wokman bilong mi Newel K. Whitney bai sem long dispela Nicolaitane lain na olgeta ol hait pasin nogut bilong ol, na long olgeta liklik samting bilong sol long ai bilong mi, Bikpela i tok, na kam antap long dispela ples bilong Adam-ondi-Ahman, na kamap wanpela bisop long ol pipol bilong mi, Bikpela i tok, i no long nem tasol long wok, Bikpela i tok.

12 Na gen, mi tokim yupela, mi tingim wokman bilong mi Oliver Granger; lukim, tru mi tokim em olsem nem bilong em bai stap holi long tingting bilong tumbuna lain i go long tumbuna lain, long oltaim na oltaim, Bikpela i tok.

13 Olsem na, larim em wok hat long baim dinau bilong dispela Nambawan Presidensi bilong Sios bilong mi, Bikpela i tok; na taim em i pundaun bai em i kirap gen, long wanem sakripais bilong em bai holi moa long mi moa long planti samting bilong em, Bikpela i tok.

14 Olsem na, larim em kam antap long hia kwiktaim, long dispela ples bilong Zion; na insait long dispela rait taim em bai kamap wanpela bisnis man long nem bilong mi, Bikpela i tok, long gutpela bilong ol pipol bilong mi.

15 Olsem na noken larim wanpela man i no laikim tru wokman bilong mi Oliver Granger, tasol larim ol blesing bilong ol pipol bilong mi stap antap long em long oltaim na oltaim.

16 Na gen, tru mi tokim yupela, larim olgeta wokman bilong mi long dispela ples long Kirtland tingim Bikpela God bilong ol, na haus bilong mi tu, long holimpas na lukautim gut long kamap holi, na long rausim ol man husat i wok long senisim mani long rait taim bilong mi, Bikpela i tok. Em tasol. Amen.