Seksen 71
Revelesen i go long Profet Joseph Smith na Sidney Rigdon, long Hiram, Ohio, 1Â Disemba 1831. Profet i bin wok long go het yet long tanim tok long Baibel wantaim Sidney Rigdon olsem man bilong rait inap ol i bin kisim dispela revelesen, long dispela taim ol i bin stopim dispela long liklik taim pastaim olsem bai ol i bihainim dispela strongpela toktok bilong dispela revelesen. Ol tupela i mas go na tokaut long kolim bel kaskas i bin kamap agensim Sios olsem wanpela bekim bilong ol leta Ezra Booth, husat i bin lusim sios i bin raitim.
1–4, Bikpela i salim Joseph Smith na Sidney Rigdon long go na tokaut long gospel; 5–11, Bai ol birua bilong ol Seint i paul long toktok.
1 Lukim, olsem Bikpela i tokim yutupela wokman bilong mi Joseph Smith Jnr., na Sidney Rigdon, olsem taim i tru tru kamap nau olsem em i impoten na gutpela long mi olsem yutupela bai opim maus bilong yutupela na tokaut long gospel bilong mi, ol samting bilong dispela kingdom, tok klia gut long ol trupela samting bilong God dispela i hait yet bilong en long ol skripsa, olsem long hap bilong Spirit na pawa dispela Bikpela bai givim i go long yutupela, olsem tasol mi bai givim yutupela.
2 Tru mi tokim yutupela, tokaut long gospel i go long ples graun long ol dispela hap ples nambaut, na long sios tu, long dispela taim, olsem inap Bikpela bai mekim klia long yu.
3 Tru dispela em i wok bilong dispela taim, dispela mi givim long yutupela.
4 Olsem na, yutupela wok long gaden wain bilong mi. Singaut long ol lain bilong dispela ples graun, na givim witnes, na redim rot bilong ol komanmen na ol revelesen we bai kam.
5 Nau, lukim dispela em gutpela save; na husat i ridim, larim em bai save gut na kisim tu;
6 Long wanem long em husat i kisim, em bai kisim moa yet, na tu pawa.
7 Olsem na, paulim ol birua bilong yutupela; askim ol long bungim yutupela long ples klia na tu long hait; na inap olsem yutupela bai stap wantaim feit na sem bilong ol bai kamap klia.
8 Olsem na, larim ol bringim i kam strongpela tingting bilong ol agensim Bikpela.
9 Tru, olsem Bikpela i tokim yutupela—i nogat wanpela samting bilong pait ol i wokim bilong birua long yutupela bai stap gutpela;
10 Na sapos wanpela man i litimapim nek bilong em agensim yutupela em bai kisim bagarap long taim mi makim.
11 Olsem na, holim pas ol komanmen bilong mi; ol i tru na i gat feit. Em tasol. Amen.