1 Harim gut, na lukim, nek bilong wanpela i kam daun long antap, husat i gat strong na pawa, husat i go aut long olgeta hap longgraun, tru, husat nek bilong em i go long ol manmeri—Redim rot bilong Bikpela, stretim rot bilong em.

2 Bikpela i promisim ol ki bilong kingdom bilong God long ol manmeri bilong dispela ples graun, na long hap bai gospel i go aut i go long olgeta hap bilong dispela ples graun, olsem ston ol i no bin katim long han em i kamaut long maunten na muv go het, inap em i pulumapim olgeta dispela ples graun.

3 Na tu, wanpela nek em i krai—Yupela i redim rot bilong Bikpela, yupela i redim kaikai bilong Bikpela, mekim redim ol samting bilong Man bilong Marit.

4 Beten long Bikpela, singaut long holi nem bilong em, tokaut long ol gutpela wok bilong em namel long ol pipol.

5 Singaut long Bikpela, olsem bai kingdom bilong em bai inap go aut long antap long dispela ples graun, olsem ol lain bilong dispela ples graun bai kisim, na bai ol i redi long ol taim long kam, long dispela taim em Pikinini bilong Man bai kam daun long heven, pasim olsem klos long lait bilong glori bilong em, long bungim kingdom bilong God dispela em i stap antap long dispela graun.

6 Na nau, kingdom bilong God bai go aut, olsem kingdom bilong heven bai kam, olsem yu, O God, bai inap long kisim glori long heven na tu long dispela ples graun, olsem bai em i gat pawa antap long ol birua bilong em; long wanem ona, pawa na glori, i bilong yu, oltaim oltaim na oltaim. Amen.