1 Tru, mi tokim yu, olsem em i laik bilong mi olsem wokman bilong mi Jared Carter bai i mas go gen insait long ol hap long is, long wanpela ples i go long narapela ples, na long wanpela siti i go long narapela siti, long dispela pawa bilong dispela odinesen wei we em i bin odein, tokaut long ol gut nius bilong bikpela hamamas tru, em dispela oltaim oltaim gospel.

2 Na bai mi salim i go long em dispela Spirit bilong Bel Isi, em bai tisim em long toktru na wei we em bai i go;

3 Na inap olsem em i stap wantaim feit, mi bai kraunim em gen wantaim ol mekpas.

4 Olsem na, larim bel bilong yu i hamamas, wokman bilong mi Jared Carter, na noken poret, Bikpela bilong yu i tok, em Jisas Krais. Amen.