Seksen 96
Revelesen i go long Profet Joseph Smith, soim oda bilong dispela siti o stek bilong Zion long Kirtland, Ohio, 4Â Jun, 1833, olsem wanpela eksampol i go long ol Seint long Kirtland. Dispela taim i bin wanpela konferens bilong ol hai pris, na dispela impoten tru toktok bilong tingim em bin dispela senisim i go bilong ol dispela hap graun, ol i kolim olsem Frens fam, Sios i bin kisim klostu long Kirtland. Bikos dispela konferens i no bin inap long agri husat i bai mas lukautim dispela fam, olgeta bin agri long askim Bikpela long dispela samting.
1, Dispela Kirtland Stek bilong Zion ol memba bilong Sios i mas mekim kamap strong; 2–5, Bisop i bai tilim ol dispela samting bilong ol Seint; 6–9, John Johnson i mas kamap wanpela memba bilong dispela yunaitet oda.
1 Lukim, mi tokim yupela, long hia em gutpela save, we yupela inap long save long wokim samting long dispela samting, long wanem em i gutpela long mi olsem dispela stek em mi bin putim long strong bilong Zion ol Sios memba i mas mekim strong.
2 Olsem na, larim wokman bilong mi Newel K. Whitney bai kisim risponsibiliti bilong dispela ples em i givim nem namel long yupela, antap long dispela mi plen long mekim holi haus bilong mi.
3 Na gen, larim yupela brukim i go long ol blok, olsem long gutpela save, long gutpela bilong ol dispela lain husat wok long painim hap graun na samting, olsem bai yupela stretim insait long kaunsol namel long yupela.
4 Olsem na, harim gut olsem yupela bai wokim dispela samting, na dispela hap olsem i nid long wokim long gutpela bilong oda bilong mi, long dispela as bilong bringim i go tok bilong mi long ol pikinini bilong ol man.
5 Long wanem lukim, tru mi tokim yupela, dispela em i gutpela moa long mi, olsem tok bilong mi bai go long ol pikinini bilong ol man, long wanem dispela as bilong pulim bel bilong ol pikinini bilong ol man long gutpela bilong yupela. Em tasol. Amen.
6 Na gen, tru mi tokim yupela, em i gutpela save na gutpela long mi, olsem wokman bilong mi John Johnson husat ofa bilong em mi kisim pinis, na husat beten bilong em mi harim pinis, long husat mi givim wanpela promis bilong laip oltaim oltaim inap olsem em i holimpas ol komanmen bilong mi long dispela taim i go—
7 Long wanem em i tumbuna pikinini bilong Joseph na i wanpela tu husat bai kisim blesing bilong dispela promis i go long ol papa bilong em—
8 Tru mi tokim yupela, em i gutpela long mi olsem em i mas kamap wanpela memba bilong dispela oda, olsem em inap long halivim long bringim i go tok bilong mi i go long ol pikinini bilong ol man.
9 Olsem na yupela i bai odenim em long dispela blesing, na em bai painim gut long rausim i go ol dinau dispela i stap antap long dispela haus em i givim nem namel long yupela, olsem em bai stap insait long en. Em tasol. Amen.