Seksen 4
Revelesen i go long Profet Joseph Smith bilong papa bilong em, Joseph Smith Snr., long Harmony, Pennsylvania, long Februari 1829.
1–4, Ol wokman bilong Bikpela husat i strong long givim sevis bai kisim salvesen bilong ol; 5–6, Ol gutpela pasin bilong ol olsem pasin God yet i soim yumi bai mekim ol fit long dispela wok bilong God; 7, Yumi i mas laik long painim ol gutpela samting bilong God.
1 Nau lukim, wanpela wok i mekim ol tingting planti na em i winim tingting i bai kamap klostu namel long ol pikinini manmeri bilong dispela graun.
2 Olsem na, O olgeta yupela dispela lain husat i go aut na mekim sevis wok bilong God, lukaut gut olsem yu bai sevim em wantaim olgeta bel bilong yu, pawa bilong yu, tingting na strong bilong yu, olsem bai yu ken sanap fri long sin long ai bilong God long las de.
3 Olsem na, sapos yupela gat laik long sevim God, God i singautim yupela long wokim wok bilong em;
4 Long wanem dispela graun i mau na ol manmeri redi long harim tok bilong God; na lukim, yupela husat i wok hat wantaim olgeta strong bilong yupela, yupela putim gut ol samting bilong bihain taim yupela bai i no inap painim bagarap, tasol yupela bringim salvesen long sol bilong yupela;
5 Na feit, hop, siariti na lav, wantaim olgeta samting long bringim glori long God, na mekim yupela kamap fit long wokim dispela wok.
6 Tingim long yu mas gat feit, gutpela pasin, save, pasin bilong kontrolim ol filings bilong yu, pasin bel isi, pasin bilong laikim, gutpela klinpela pasin, siariti, daun pasin, wok hat.
7 Askim, na yu bai kisim; nok long dua na em bai i op long yu. Amen.