Seksen 118
Revelesen i go long Profet Joseph Smith, long Far West, Missouri, 8 Julai, 1838, long bekim long dispela askim wantaim daunpasin, “Soim mipela laik bilong yu, O Bikpela, long ol dispela Twelpela.”
1–3, Bikpela bai lukautim ol famili bilong ol Twelpela; 4–6, We i nogat ol man long ol Twelpela, Bikpela bai makim.
1 Tru, olsem Bikpela i tok: Larim yupela holim wanpela konferens nau tasol; larim ol sios lida i ogenaisim ol dispela Twelpela; na larim ol makim ol dispela man long kisim ples bilong ol dispela lain husat i pundaun.
2 Larim wokman bilong mi Thomas long stap liklik taim long dispela ples Zion, long soim tok bilong mi.
3 Larim ol dispela lain husat i stap bihain long go het long dispela taim long autim toktok, na sapos ol i wokim wantaim daunpasin bilong bel, long pasin bilong daunim ol yet na pasin bilong karim pen longpela taim, mi, Bikpela, givim long yupela wanpela promis olsem mi bai lukautim ol famili bilong ol; na wanpela dua i gat pawa bai op long ol, long nau na i go bihain.
4 Na long neks spring larim ol i lusim dispela hap na go antap long ol bikpela solwara, na long hap tokaut long gospel bilong mi, dispela em i pulap olgeta, na givim witnes long nem bilong mi.
5 Larim ol i lusim ol seint bilong mi long dispela siti bilong Far West, long dispela 26 de bilong Epril i kam, long hap we ol i bai mekim haus bilong mi, Bikpela i tok.
6 Larim wokman bilong mi John Taylor, na tu wokman bilong mi John E. Page, na tu wokman bilong mi Wilford Woodruff, na tu wokman bilong mi Willard Richards, ol Sios lida bai makim ol long kisim ples bilong ol dispela lain husat i bin pundaun, na kisim toksave long wok bilong ol long ol lida bilong sios.