1 Na gen, tru mi tokim yupela, ol poroman bilong mi, wanpela komanmen mi givim long yupela, olsem yupela bai statim wanpela wok bilong wokim ol plen na redim statim na as bilong dispela siti bilong stek bilong Saion, long hia long graun long Kirtland, statim long haus bilong mi.

2 Na lukim, dispela mas i kamap olsem long dispela eksampol em mi bin givim long yupela.

3 Na larim dispela nambawan blok long saut bai givim kam long mi bilong mekim wanpela haus bilong dispela presidensi, long wok bilong dispela presidensi, long kisim ol revelesen; na long wok bilong dispela presidensi, long olgeta samting bilong dispela sios na kingdom.

4 Tru, mi tokim yupela, olsem yupela bai bildim dispela faivpela ten faiv wantaim sikspela ten faiv fit long namel bilong en na long longpela bilong en, long insait rum bilong en.

5 Na i bai gat wanpela ples bung daunbilo na wanpela ples bung antap, olsem long eksampol em Bikpela bai autim long yupela bihain taim.

6 Na dispela yupela bai dediketim i go long Bikpela long daunbilo stret, olsem long oda bilong dispela prishud, olsem long eksampol em Bikpela bai autim long yupela bihain taim.

7 Na dispela olgeta yupela bai dediketim i go long Bikpela bilong wok bilong dispela presidensi.

8 Na yupela bai no inap long larim wanpela samting i no klin i kam insait long en; na glori bilong mi bai stap long hap, na mi bai stap long hap.

9 Tasol sapos bai wanpela samting i no klin i kam insait long en, glori bilong mi bai no inap long stap long hap; na mi bai no inap long kam insait long en.

10 Na gen, tru mi tokim yupela, dispela nambatu blok long saut bai yupela dediketim kam long mi bilong mekim wanpela haus long mi, bilong dispela wok bilong printim ol tanim tok wok bilong ol skripsa bilong mi, na olgeta wanem samting mi bai tok strong long yupela.

11 Na em bai faivpela ten faiv wantaim sikspela ten faiv fit long namel bilong en na long longpela bilong en, long insait long rum bilong en; na bai gat wanpela ples bung daunbilo na wanpela ples bung antap.

12 Na dispela haus bai yupela dediketim olgeta i go long Bikpela long daunbilo stret, long dispela wok bilong printim ol samting, long olgeta wanem samting mi bai tok strong long yupela, long stap holi, i no doti, olsem long eksampol long olgeta samting olsem Bikpela bai autim long yupela.

13 Na long dispela nambatri blok bai wokman bilong mi Hyrum Smith kisim hap graun na samting.

14 Na long dispela nambawan na nambatu blok long not bai tupela wokman bilong mi Reynolds Cahoon na Jared Carter bai kisim hap graun na samting bilong tupela—

15 Olsem bai ol inap long wokim dispela wok mi makim long ol, long kamap wanpela komiti long mekim ol haus bilong mi, olsem long dispela komanmen, em mi, Bikpela God, bin givim long yupela.

16 Na dispela tupela haus yupela no inap long mekim inap mi givim yupela wanpela tok strong long ol.

17 Na nau mi no givim yupela moa long dispela taim. Amen.