Seksen 23
Ol dispela grup long dispela faivpela revelesen Bikpela i givim long Profet Joseph Smith, bilong Oliver Cowdery, Hyrum Smith, Samuel H. Smith, Joseph Smith Snr., na Joseph Knight Snr., long Manchester, New York, long Epril 1830. Dispela revelesen i bekim bilong wanpela strongpela laik bilong ol dispela faivpela man long save long ol wanwan wok bilong ol stret, Profet i bin askim Bikpela na kisim wanpela revelesen bilong wanwan man.
1–7, Ol disaipol bilong stat bilong sios long dispela taim Bikpela i singautim ol long autim tok, tok strong liklik, na strongim Sios.
1 Lukim, mi tokim yu, Oliver, sampela toktok. Lukim, yu gat blesing i kam long antap, na yu i no stap aninit long wanpela bikpela kot. Tasol lukaut gut long bik het pasin, nogut yu bai go insait long temtesen.
2 Autim toktok long wok bilong yu insait long dispela sios, na long ai bilong wol, na bel bilong yu bai op long autim dispela toktru long nau i go oltaim oltaim. Amen.
3 Lukim, mi tokim yu, Hyrum, sampela toktok; long wanem yu tu i no stap long wanpela bikpela kot, na bel bilong yu i op, na tang bilong yu i lus; na wok bilong yu em long tokaut long strongim bel, na long strongim sios olgeta taim. Olsem na wok bilong yu em bilong dispela sios oltaim oltaim, na dispela em bikos long famili bilong yu. Amen.
4 Lukim, mi givim liklik toktok long yu, Samuel; long wanem yu tu i no stap long wanpela bikpela kot, na wok bilong yu em long tokaut long strongim bel, na long strongim sios; na Bikpela i no singautim yu yet long autim toktok long pes bilong wol. Amen.
5 Lukim, mi givim sampela hap toktok long yu, Joseph; long wanem yu tu i no stap long wanpela bikpela kot, na wok bilong yu em long tokaut long strongim bel, na long strongim sios; na dispela em i wok bilong yu stat long nau na long oltaim oltaim. Amen.
6 Lukim, mi soim aut long yu, Joseph Knight, wantaim ol dispela toktok, olsem yu i mas kisim diwai kros bilong yu, long dispela olsem yu bai beten bikpela long ai dispela wol, beten hait, na insait long famili, na namel long ol pren bilong yu, na long olgeta hap long dispela graun.
7 Na, lukim, em i wok bilong yu long join wantaim dispela trupela sios, na tokaut long strongim bel olgeta taim, olsem bai yu kisim pe bilong yu long wok bilong yu. Amen.