1 Tru, olsem Bikpela i tokim yupela husat mi lavim, na husat mi lavim mi bai korosim tu olsem ol sin bilong ol mi inap long fogivim, long wanem wantaim dispela pasin bilong korosim mi redim wei bilong ol long kamap fri long olgeta samting bilong temtesen, na mi bin lavim yupela—

2 Olsem na, i mas kamap olsem Bikpela bai korosim yupela na yupela kisim hatpela toktok long ai bilong mi;

3 Long wanem yupela bin sin agensim mi wanpela sin i bringim pen nogut tru, long olsem yupela i no tingim dispela bikpela tru komanmen long olgeta samting, dispela mi bin givim long yupela long taim yupela mekim haus bilong mi.

4 Long dispela wokim redi ol samting we wantaim dispela mi wokim plen long redim ol aposol bilong mi long katim gaden wain bilong mi long dispela laspela taim, olsem mi inap long mekim kamap narakain samting bilong mi, olsem mi inap long kapsaitim Spirit bilong mi antap long olgeta bodi—

5 Tasol lukim, tru mi tokim yupela, olsem i gat planti husat mi bin odenim namel long yupela, husat mi bin singautim tasol liklik lain bilong ol mi bai makim.

6 Ol dispela husat mi no makim ol i wokim sin, wanpela sin i bringim pen nogut tru, long olsem ol i wokabaut long tudak long bikpela san.

7 Na long dispela as mi bin givim yupela wanpela komanmen olsem yupela i mas singautim ol man long bung bilong lotu, olsem ol lusim kaikai bilong yupela na ol sori bilong yupela i ken go antap insait long ol yau bilong Bikpela bilong Sabaoth, dispela long tanim tok, dispela man i wokim olgeta samting bilong dispela nambawan de, dispela stat na dispela pinis.

8 Tru, tru mi tokim yupela, mi bin givim yupela wanpela komanmen olsem yupela i mas mekim wanpela haus, insait long dispela haus mi wokim plen long givim blesing bilong Spirit long ol dispela lain husat mi makim wantaim pawa i kam long antap;

9 Long wanem dispela em i promis bilong Papa i go long yupela; olsem na mi tok strong long yupela long stap yet, tu olsem ol aposol bilong mi long Jerusalem.

10 Tasol, ol wokman bilong mi bin sin wantaim wanpela sin i bringim pen nogut tru; na ol tok pait i kamap insait long dispela skul bilong ol profet; em i bin pen nogut tru long mi, Bikpela i tok; olsem na mi salim ol i go ausait long korosim ol.

11 Tru mi tokim yupela, em i laik bilong mi olsem yupela i mas mekim wanpela haus, Sapos yupela holim pas ol komanmen bilong mi yupela i bai gat pawa long mekim dispela.

12 Sapos yupela i no holimpasim ol komanmen bilong mi, dispela lav bilong Papa bai no inap long go het yet wantaim yupela, olsem yupela bai wokabaut long tudak.

13 Na hia em gutpela save, na dispela tingting bilong Bikpela—larim yupela i mekim dispela haus, i no olsem dispela wei bilong dispela wol, long wanem mi no givim long yupela olsem yupela i bai stap olsem wei bilong dispela wol;

14 Olsem na, larim yupela i mekim olsem wei dispela mi bai soim i go long yupela tripela, husat yupela bai makim na odenim i go dispela pawa.

15 Na dispela sais bilong dispela bai olsem faivpela ten na faiv fit long namel bilong en, na larim dispela bai sikspela ten na faiv fit long longpela bilong en, insait long dispela ples bung long en.

16 Na larim dispela ples daunbilo bilong dispela ples bilong bung insait bai yupela i dediketim long mi bilong sakramen ofa bilong yupela, na bilong autim toktok bilong yupela, na pasin lusim kaikai bilong yupela, na dispela ofa bilong ol holi moa laik bilong yupela long mi, Bikpela i tok.

17 Na larim dispela ples antap bilong ples bilong bung insait, yupela bai dediketim long mi bilong dispela skul bilong ol aposol bilong mi, Pikinini Man Aman i tok; o, long narapela wei, Alfas; o, long narapela wei, Omigas; mi Jisas Krais Bikpela bilong yupela. Amen.