Seksen 57
Revelesen i go long Profet Joseph Smith, long Zion, Jackson County, Missouri, 20 Julai 1831. Long harim tok bilong em long tok bilong Bikpela long raun i go long Missouri, we Em bai soim “graun bilong yupela” (seksen 52), ol elda bin raun long Ohio i go long arere bilong hap wes long Missouri. Joseph Smith i bin lukluk gut tru long stap bilong ol lain bilong Leiman and bin laik save: “Wanem taim bai dispela ples i nogat man bai kamap gutpela moa yet olsem wanpela rose? Wanem taim bai yumi kamapim Saion i go long glori bilong em, na temple bilong Yu bai sanap long we, long en bai olgeta nesen bai kam long ol las de?” Bihainim dispela em i kisim dispela revelesen.
1–3, Independence, Missouri, em ples bilong Siti bilong Saion na dispela temple; 4–7, Ol Seints bai baim ol graun na kisim gutpela samting long dispela hap; 8–16, Sidney Gilbert bai kamapim wanpela stoa, William W. Phelps bai kamap olsem wanpela printa, na Oliver Cowdery i bai stretim ol samting bilong raitim na autim.
1 Harim gut, O yupela elda bilong sios bilong mi, Bikpela God i tok, husat yupela i bungim yupela yet, olsem long komanmen bilong mi, long dispela graun, em dispela graun long Missouri, em i graun em mi bin makim na mekim kamap holi long bung bilong ol seints.
2 Olsem na, dispela em i graun bilong promis, na ples bilong siti bilong Zion.
3 Na olsem Bikpela God bilong yupela i tok, sapos yupela i laik long kisim dispela gutpela save em hia gutpela save. Lukim, dispela ples em nau ol i kolim Independence em i namel ples; na i wanpela hap bilong temple i slip olsem long wes, antap long wanpela hap em i no longwe long kothaus.
4 Olsem na, em i gutpela save olsem ol seints i mas baim dispela graun na tu olgeta hap ples slip olsem long wes, olsem i go long arere bilong ol lain Ju na ol lain bilong Jentail;
5 Na olgeta hap graun arere wantaim ples kunai, inap olsem ol disaipol bilong mi bai inap long baim graun. Lukim, dispela em gutpela save, olsem ol inap long kisim ol dispela long gutpela samting bilong oltaim oltaim.
6 Na larim wokman bilong mi Sidney Gilbert bai wokim wok long hap em mi bin makim em long wokim, long kisim ol mani, long kamap mausman bilong sios, long baim graun long olgeta hap ples nambaut, inap olsem ol manmeri inap wokim insait long raitpela pasin, na olsem gutpela save i soim ol long wokim.
7 Na larim wokman bilong mi Edward Partridge bai wokim wok long hap em mi bin makim em long wokim, na tilim i go long Seint ol samting bilong ol, olsem mi bin tokim em; a tu ol dispela lain em i makim ol long halivim em.
8 Na gen, tru mi tokim yupela, larim wokman bilong mi Sidney Gilbert putim em yet long dispela ples, na kamapim wanpela stoa, olsem em bai inap salim ol samting long stretpela wei, olsem em bai kisim mani long baim ol graun bilong gutpela bilong ol Seints, na olsem em bai inap kisim ol wanem samting ol disaipol bai inap nidim long putim ol long hap graun bilong ol.
9 Na tu larim wokman bilong mi Sidney Gilbert bai kisim laisens—lukim hia em gutpela save, na husat i ridim dispela larim bai save gut—olsem bai em bai salim ol samting tu i go long dispela lain, olsem tu long ol husat em bai kisim olsem ol kuskus long sevis bilong em;
10 Na olsem em inap long givim ol samting long ol seint, olsem bai ol elda autim toktok bilong gospel bilong mi long ol lain husat i stap long tudak na long hap graun na tewel bilong bilong dai.
11 Na gen, tru mi tokim yupela, larim wokman bilong mi William W. Phelps bai stap long dispela ples, na bai kamap olsem wanpela printa bilong sios.
12 Na lukim, sapos dispela wol kisim ol samting em i raitim—lukim hia em i gutpela save—larim em kisim wanem samting em inap kisim wantaim stretpela pasin, long gutpela bilong ol seint.
13 Na larim wokman bilong mi Oliver Cowdery halivim em, olsem tasol mi bin tok, long wanem ples mi bai makim i go long em, long bihainim, na long stretim, na kisim, olsem olgeta samting bai stret long ai bilong mi, olsem bai Spirit i soim em olsem dispela em i stret.
14 Na olsem larim ol dispela lain mi toktok pinis long ol bai stap long dispela graun bilong Zion, kwiktaim olsem ol inap long wokim, wantaim ol famili bilong ol, long wokim ol dispela samting mi toktok pinis long ol.
15 Na nau long dispela samting long bungim ol seint—larim bisop na wokman bilong em long redim ol samting long ol dispela famili husat Bikpela i tokim ol long kam long dispela graun, kwiktaim olsem ol inap long wokim, na putim ol long hap bilong ol.
16 Na long ol dispela narapela long ol elda na ol memba Bikpela bai givim toksave long ol bihain. Em tasol. Amen.