Seksen 69
Revelesen i go long Profet Joseph Smith, long Hiram, Ohio, 11 Novemba 1831. Ol dispela revelesen ol i bungim wantaim bilong buk bilong pastaim tru, ol i tok orait long en long dispela spesol konferens bilong 1–2 Novemba. Long 3 Novemba, dispela revelesen em i stap long olsem seksen 133, bihain bai ol kolim Apendiks, ol i bin putim i go insait. Ol lida bilong sios pastaim i bin makim Oliver Cowdery long karim dispela manuskrip bilong ol revelesen and komanmen ol i bin bungim long Independence, Missouri, bilong printim. Em i mas kisim go wantaim em tu mani em ol memba bilong sios i bin givim bilong kamapim sios long Missouri. Dispela revelesen i givim oda long John Whitmer long go wantaim Oliver Cowdery na tu i soim Whitmer long go na bungim ol samting bilong histori bilong sios long singaut bilong em olsem man bilong lukluk long histori and man bilong mekim rekot.
1–2, John Whitmer i mas go wantaim Oliver Cowdery long Missouri; 3–8, Tu em i mas autim toktok bilong gospel na long bungim, rekotim, na raitim ol samting bilong histori.
1 Harim gut long mi, Bikpela God bilong yu i tok, long gutpela bilong wokman bilong mi Oliver Cowdery. Em i no gutpela long tingting bilong mi olsem ol lida bai givim em ol komanmen wantaim ol mani, dispela em bai kisim i go long ples Zion, inap olsem wanpela husat i tru na stap wantaim feit bai go wantaim em.
2 Olsem na, mi, Bikpela, i laik olsem wokman bilong mi, John Whitmer, i mas go wantaim wokman bilong mi Oliver Cowdery;
3 Na tu olsem em bai go het yet long raitim na mekim histori bilong olgeta impoten samting we em bai lukim na save long en long sios bilong mi;
4 Na tu olsem em bai kisim kaunsel na halivim i kam long wokman bilong mi Oliver Cowdery na ol narapela.
5 Na tu, ol wokman bilong mi husat i stap nambaut long dispela ples graun i mas salim ol ripot bilong ol wok ol i lukautim i kam long ples Zion;
6 Long wanem graun long Zion bai kamap olsem wanpela nambawan ples long dispela ples graun long kisim na wokim olgeta long ol dispela samting.
7 Tasol, larim wokman bilong mi John Whitmer long raun planti taim long wanpela ples i go long narapela ples, na long wanpela brens bilong sios i go long narapela brens bilong sios, olsem em bai isi long em long kisim toksave—
8 Autim toktok bilong gospel na tok klia gut, raitim, bihainim, makim, na kisim olgeta samting em bai bilong gutpela bilong sios, na bilong ol tumbuna lain husat bai kam bihain na ol bai kamap bikpela long ples Zion, long stap long en long tumbuna lain i go long tumbuna lain, oltaim oltaim na nogat pinis bilong en. Amen.