1 Ol arere bilong dispela ples graun bai askim bihainim nem bilong yu, na ol krangiman bai tok pilai long yu, na hel bai kros bikpela moa agensim yu;

2 Taim ol piua long bel, na ol gutpela save man, na ol bikman, na ol stretpela lain, bai painim kaunsel, na atoriti, na ol blesing olgeta taim long han bilong yu.

3 Na ol pipol bilong yu bai no inap tru long tanim agensim yu wantaim testimoni bilong ol lain husat i tanim baksait.

4 Na maski ol wok bilong ol bai tromoim yu i go insait long trabel, na long ol ba na banis, Bikpela bai tingting long yu wantaim ona; na tasol long wanpela liklik taim tru na nek bilong yu bai kamap samting bilong poretim moa long wel laion namel long ol birua bilong yu, bikos long stretpela pasin bilong yu; na God bilong yu bai sanap wantaim yu long oltaim na oltaim.

5 Sapos Bikpela i singautim yu long go thru long bikpela pen; sapos yu stap long birua namel long ol giaman brata; sapos yu stap long birua namel long ol stilman; sapos yu stap long birua long graun o long solwara;

6 Sapos ol man i kotim yu wantaim olgeta kainkain giaman toktok; sapos ol birua bilong yu pundaun antap long yu; sapos ol i pulim yu nogut tru kamaut long sosaiti bilong papa na mama na ol brata na ol susa bilong yu; na sapos wantaim wanpela bainat ol birua bilong yu i pulim yu nogut tru kamaut long bros bilong meri bilong yu, na long ol pikinini bilong yu, na bikpela pikinini man bilong yu, maski em i sikspela krismas tasol, bai i holimpas klos bilong yu, na tok, Papa bilong mi, papa bilong mi, wai na yu no inap long stap wantaim mipela? O, papa bilong mi, wanem samting bai ol dispela man bai mekim long yu? na sapos bihain ol i bai pulim em i go long yu wantaim bainat, na ol i pulim yu i go long kalabus, na ol birua bilong yu stil raunim yu olsem ol wel dog long blut bilong pikinini sipsip;

7 Na sapos ol bai tromoim yu i go daun long wanpela hul long graun, o long ol han bilong ol man husat i save kilim man, na dispela jasmen bilong dai i raun antap long yu; sapos ol bai tromoim yu i go insait long dip bilong bikpela wara; sapos solap bilong wara i wok long go agensim yu; sapos strongpela win i kamap birua bilong yu; sapos ol heven i bungim bilak, na olgeta samting bung wantaim long stopim wei bilong yu; na antap long olgeta, sapos dispela maus tru bilong hel bai opim maus bilong em bikpela tru bihainim yu, yu i mas save, pikinini man bilong mi, olsem olgeta dispela samting bai givim yu ekspiriens, na bai bilong gutpela stap bilong yu.

8 Pikinini Man bilong Man i bin go daun aninit long olgeta dispela samting. Yu bikpela moa long em?

9 Olsem na, holim dispela wei bilong yu, na dispela prishud bai stap bek wantaim yu; long wanem arere bilong ol i stap pinis, na ol i no inap long abrusim. Ol de bilong yu Bikpela i save long en, na ol yia bilong yu Bikpela bai no inap long katim sot; olsem na, noken poret long wanem samting man i ken wokim, long wanem God bai stap wantaim yu long oltaim na oltaim.