Ol Seksen

Ol Skripsa

Doktrin na ol Kavanen

Ol Konten
Het tok Pes
Ol Toktok I Go Pas
Oda long taim ol samting i kamap long Ol Samting i Stap Insait
Ol Seksen

Ol Seksen

Seksen 1
1–7, Tok lukaut i go long olgeta manmeri; 8–16, Tanim bel long lusim Bikpela God na pasin nogut bai kam bipo long Namba tu Kam bilong Bikpela; 17–23, Bikpela i singautim Joseph Smith long bringim kambek long graun ol toktru na pawa bilong Bikpela; 24–33, Joseph Smith i bringim Buk bilong Momon i kamaut na trupela Sios i kamap; 34–36, Bel isi i bai go aut long dispela graun; 37–39, Wok painim insait long ol dispela komanmen.
Seksen 2
1, Elaija em i bai soim dispela prishud; 2–3, Ol bai planim ol promis bilong ol tumbuna insait long ol bel bilong ol tumbuna pikinini.
Seksen 3
1–4, Rot bilong Bikpela em i wanpela rot tasol bilong oltaim oltaim; 5–15, Joseph Smith i mas tanim bel sapos nogat bai em i bai lusim dispela save bilong tanim tok; 16–20, Dispela Buk bilong Momon i kamaut long seivim ol pikinini bilong Lihai.
Seksen 4
1–4, Ol wokman bilong Bikpela husat i strong long givim sevis bai kisim salvesen bilong ol; 5–6, Ol gutpela pasin bilong ol olsem pasin God yet i soim yumi bai mekim ol fit long dispela wok bilong God; 7, Yumi i mas laik long painim ol gutpela samting bilong God.
Seksen 5
1–10, Ol lain bilong dispela taim bai kisim toktok bilong Bikpela i kam long Joseph Smith; 11–18, Tripela witnes bai tokaut long Buk bilong Momon; 19–20, Tok bilong Bikpela bai kamap ples klia olsem em i tru olsem long taim bipo; 21–35, Martin Harris inap tanim bel na kamap olsem wanpela long ol witnes.
Seksen 6
1–6, Ol wokman long gaden bilong Bikpela, bai kisim salvesen; 7–13, I nogat wanpela spesol pawa i bikpela moa long dispela spesol pawa bilong salvesen; 14–27, Witnes bilong dispela tok tru i bai kam wantaim pawa bilong Spirit; 28–37, Lukluk i go long Krais, na wokim ol gutpela samting olgeta taim.
Seksen 7
1–3, Jon Bilaved, bai i stap laip inap Bikpela i kam gen; 4–8, Pita, Jems, na Jon ol i holim ol ki bilong gospel.
Seksen 8
1–5, Revelesen i save kam wantaim pawa bilong Holi Gos; 6–12, Save bilong ol trupela samting bilong God dispela is hait yet na pawa bilong tanim tok bilong ol olpela rekot i save kam wantaim feit.
Seksen 9
1–6, Ol narapela rekot bilong bipo taim i stap yet bilong ol lain long tanim tokples long ol; 7–14, Long stadi na spirit wok long strongim tok, ol wok long tanim tok long Buk bilong Momon.
Seksen 10
1–26, Satan i sutim bel bilong ol man nogut long go agensim wok bilong Bikpela; 27–33, Em i painim wei long bagarapim ol sol bilong ol man; 34–52, Dispela gospel i bai go long ol lain bilong Leiman na olgeta nesen long Buk bilong Momon; 53–63, Bikpela bai statim Sios bilong Em na gospel bilong Em namel long ol man; 64–70, Em i bai bungim ol lain i tanim bel i kam insait long Sios bilong Em na bai seivim ol lain i harim tok.
Seksen 11
1–6, Ol wokman long gaden wain bai kisim salvesen; 7–14, Traim hat long painim bikpela save, tokaut long ol manmeri long tanim bel, tras long Spirit; 15–22, Holim pas ol komanmen, na lainim toktok bilong Bikpela; 23–27, Noken tanim baksait long spirit bilong revelesen na spirit bilong profesi; 28–30, Ol dispela lain husat i harim na bihainim tok bilong Krais bai kamap ol pikinini man bilong God.
Seksen 12
1–6, Ol wokman long gaden wain bai kisim salvesen; 7–9, Olgeta husat i gat laik long wok na husat i fit na inap long wok ken halivim long dispela wok bilong Bikpela.
Seksen 13
Ol ki na pawa bilong dispela Aronik Prishud Jon bilong Baptais i givim i kam.
Seksen 14
1–6, Ol wokman long gaden wain bai kisim salvesen; 7–8, Laip oltaim oltaim em i nambawan long ol blesing bilong God; 9–11, Krais i bin mekim ol heven na dispela graun.
Seksen 15
1–2, Han bilong Bikpela i karamapim olgeta graun; 3–6, Long autim toktok long gospel na kisim ol sol kambek em i samting em i bikpela moa yet.
Seksen 16
1–2, Han bilong Bikpela i karamapim olgeta graun; 3–6, Long autim toktok long gospel na kisim ol sol kambek em i samting em i bikpela moa yet.
Seksen 17
1–4, Long feit dispela Tripela Witnes bai lukim ol dispela plet na ol narapela tambu samting; 5–9, Krais i givim strongpela testimoni olsem Buk bilong Momon em i santu wok i kam long God.
Seksen 18
1–5, Ol skripsa i soim wei long kamapim dispela Sios; 6–8, Dispela ples graun i wok long kamap mau wantaim pasin nogut; 9–16, Pe bilong ol sol em i bikpela tru long ai bilong God; 17–25, Long kisim salvesen, ol manmeri mas kisim nem bilong Krais antap long ol yet; 26–36, Bikpela i soim ol wok na misin bilong ol Twelpela Aposol; 37–39, Oliver Cowdery na David Whitmer bai lukluk na painim ol dispela Twelpela; 40–47, Long kisim salvesen, ol manmeri i mas tanim bel, baptais, na holim pas ol komanmen.
Seksen 19
1–3, Krais i gat olgeta pawa; 4–5, Olgeta manmeri mas tanim bel o pilim pen; 6–12, Mekimsave bilong oltaim oltaim em i mekimsave bilong God; 13–20, Krais i pilim pen bilong olgeta manmeri, olsem bai ol i no inap pilim pen sapos ol i bai tanim bel; 21–28, Tokaut long dispela gospel bilong tanim bel; 29–41, Autim toktok long gutpela nius.
Seksen 20
1–16, Buk bilong Momon i soim olsem dispela wok bilong las de em i wok bilong God; 17–28, Bikpela i tokaut long ol doktrin bilong mekim kamap ol samting, taim yumi pundaun long sin, atonmen bilong Jisas Krais, na baptisim; 29–37, Bikpela i putim kamaut ol lo bilong bosim pasin bilong tanim bel, pasin bilong kot, pasin na rot bilong kamap holi na fri long sin, na wok bilong baptisim; 38–67, Bikpela i pasim tok long ol wok bilong ol elda, ol pris, ol tisa, na ol dikon; 68–74, Wok bilong ol memba, wok bilong blesim ol pikinini, na Bikpela i mekim klia wei bilong baptais; 75–84, Bikpela i givim ol beten bilong sakramen na ol lo bilong lukautim ol memba bilong Sios.
Seksen 21
1–3, Bikpela i singautim Joseph Smith long kamap olsem glasman, man bilong tanim tok, profet, aposol, na elda; 4–8, Tok bilong em bai soim rot long pasin bilong Saion; 9–12, Ol seint bai bilip long tok bilong em taim em i toktok aninit long direksen bilong Spirit bilong Bel Isi.
Seksen 22
1, Baptisim em i nupela na kavanen bilong oltaim oltaim; 2–4, Baptisim aninit long atoriti em i impoten.
Seksen 23
1–7, Ol disaipol bilong stat bilong sios long dispela taim Bikpela i singautim ol long autim tok, tok strong liklik, na strongim Sios.
Seksen 24
1–9, Bikpela i singautim Joseph Smith long tanim tok, autim toktok, na tok klia gut long ol skripsa; 10–12, Bikpela i singautim Oliver Cowdery long autim tok bilong gospel; 13–19, Bikpela i soim aut lo long sait bilong ol mirakel, wei long kotim ol man, wei bilong rausim pipia graun i stap long lek bilong yupela, na taim yupela i go yupela i no ken karim hanpaus na bek wantaim moa klos.
Seksen 25
1–6, Emma Smith, dispela bikmeri, Bikpela i singautim long halivim na givim bel isi long man bilong em; 7–11, Bikpela i singautim tu em long rait, long tok klia gut long ol skripsa, na long makim ol singsing lotu; 12–14, Ol singsing bilong ol gutpela lain em i beten bilong ol i go long Bikpela; 15–16, Ol tok tru bilong pasin bilong harim tok insait long dispela revelesen em i bilong olgeta lain.
Seksen 26
1, Ol i kisim toksave long stadim skripsa na long autim toktok bilong God; 2, Bikpela i sapotim dispela lo wantaim tok orait bilong ol memba long ol samting i tru.
Seksen 27
1–4, Ol mak Sios bai yusim long kisim sakramen Bikpela i givim tok klia long ol long hia; 5–14, Krais wantaim ol wokman bilong Em long olgeta dispensesen bai kisim tu dispela sakramen; 15–18, Putim olgeta klos pait bilong God.
Seksen 28
1–7, Joseph Smith i holim ol ki bilong ol trupela samting bilong God dispela i hait yet, na em tasol i save kisim ol revelesen bilong Sios; 8–10, Oliver Cowdery bai autim toktok bilong God long ol lain bilong Leiman; 11–16, Satan i bin paulim tingting bilong Hiram Page na givim em ol giaman revelesen.
Seksen 29
1–8, Krais i bungim ol manmeri bilong Em yet; 9–11, Kam bilong Em bai bringim kam dispela milenium; 12–13, Ol Twelpela Aposol bai jasim olgeta Isrel; 14–21, Ol sain, ol bikpela sik, na ol bikpela bagarap bai kam pastaim long Nambatu Kam bilong Bikpela; 22–28, Laspela kirap bek na laspela jasmen bai bihainim milenium; 29–35, Olgeta samting i bilong spirit long ai bilong Bikpela; 36–39, God i bin rausim Satan wantaim ol lain bilong em long heven long traim ol manmeri long dispela graun; 40–45, Pasin long pundaun long Sin na Atonmen bai bringim i kam salvesen; 46–50, Bikpela i kisim bek ol liklik pikinini long Atonmen.
Seksen 30
1–4, Bikpela i korosim David Whitmer long taim em i no sevim em gut wantaim olgeta bel bilong em; 5–8, Peter Whitmer Jnr., bai poromanim Oliver Cowdery long wanpela misin wok i go long ol lain bilong Leiman; 9–11, Bikpela i singautim John Whitmer long go na autim toktok bilong gospel.
Seksen 31
1–6, Singaut bilong Thomas B. Marsh em long autim toktok long dispela gospel na em i kisim promis long stap orait bilong famili bilong em; 7–13, Bikpela i kaunselim em long em i mas wet isi, beten olgeta taim, na harim tok bilong Spirit bilong Bel Isi.
Seksen 32
1–3, Bikpela i singautim Parley P. Pratt na Ziba Peterson long go autim toktok long lotu long ol lain bilong Leiman na long go wantaim Oliver Cowdery na Peter Whitmer Jnr.; 4–5, Ol i mas beten long save long ol skripsa.
Seksen 33
1–4, Bikpela i singautim ol wokman bilong em long tokaut long gospel bilong Em long dispela ol las de bilong dispela dispensesen; 5–6, Bikpela i kamapim Sios bilong em, na bungim ol lain bilong em; 7–10, Tanim bel, long wanem kingdom bilong heven i stap klostu; 11–15, Dispela Sios i sanap antap long gospel ston; 16–18, Mekim redi yupela yet long kam bilong Man bilong Marit.
Seksen 34
1–4, Ol lain stap wantaim feit bai kamap olsem ol pikinini manmeri bilong God long Atonmen; 5–9, Autim toktok bilong gospel bai redim rot bilong Nambatu Kam bilong Bikpela; 10–12, Profesi bai kam long pawa bilong Holi Gos.
Seksen 35
1–2, Hau ol man inap kamap ol pikinini man bilong God; 3–7, Bikpela i singautim Sidney Rigdon long baptais and givim Holi Gos; 8–12, Feit bai mekim kamap ol sain na mirakel; 13–16, Ol wokman bilong Bikpela bai tilimaut ol nesen wantaim pawa bilong Spirit; 17–19, Joseph Smith i holim ol ki bilong ol trupela samting bilong God dispela i hait yet; 20–21, Ol lain bilong mi bai stap strong long de Bikpela bai kam; 22–27, Bikpela bai seivim Isrel.
Seksen 36
1–3, Bikpela i putim han bilong em antap long Edward Partridge wantaim han bilong Sidney Rigdon; 4–8, Olgeta wanwan man husat i kisim dispela gospel na prishud Bikpela bai singautim ol long go aut na autim toktok long gospel.
Seksen 37
1–4, Bikpela i singautim ol Seint long bung long Ohio.
Seksen 38
1–6, Krais bin mekim kamap olgeta samting; 7–8, Em i stap namel long olgeta Seint bilong Em, husat bai lukim Em klostu taim; 9–12, Olgeta bodi i bagarap long ai bilong Em; 13–22, Em i holim i stap wanpela graun bilong promis bilong ol Seint bilong Em long dispela taim na long taim oltaim oltaim; 23–27, Em i tok strong long ol Seint long kamap wan na soim rispek bilong wanpela narapela olsem brata; 28–29, Tokaut bilong pait i kamap pinis; 30–33, Ol Seint bai kisim pawa long antap na go aut long olgeta nesen; 34–42, Sios i kisim tok strong long lukautim ol turangu lain na ol lain husat i gat nid na long painim ol gutpela samting bilong oltaim oltaim.
Seksen 39
1–4, Ol Seint i gat pawa long kamap olsem ol pikinini man bilong God; 5–6, Long harim na bihainim gospel em i wankain long harim na bihainim Krais; 7–14, James Covel i kisim strongpela tok long baptais na wok long gaden wain bilong Bikpela; 15–21, Ol wokman bilong Bikpela i mas autim toktok long gospel bipo long Nambatu Kam bilong Em; 22–24, Ol dispela lain husat i harim na bihainim gospel bai bung long dispela taim na long oltaim oltaim.
Seksen 40
1–3, Poret bilong hevi ol narapela lain inap givim man na ol wari bilong dispela wol inap mekim ol man long no laikim gospel.
Seksen 41
1–3, Ol elda bai ronim Sios wantaim spirit bilong revelesen; 4–6, Ol trupela disaipol bai kisim na holim pas lo bilong Bikpela; 7–12, Bikpela i makim Edward Partridge olsem bisop bilong Sios.
Seksen 42
1–10, Bikpela i singautim ol elda long autim toktok bilong gospel, baptaisim ol nupela memba, na kamapim Sios; 11–12, Ol lain husat i gat atoriti bilong God bai singautim na odenim ol long tisim ol tok tru bilong gospel em i stap insait long ol skripsa; 13–17, Ol bai tis na profesai wantaim pawa bilong Spirit; 18–29, Bikpela i tok strong long ol seint long noken kilim man, noken stil, noken giaman, noken gat laik, noken bagarapim marit, o noken tok nogut long ol narapela lain; 30–39, Bikpela i tokaut long ol lo lukautim pasin bilong givim wantaim bel ol samting bilong sios; 40–42, Bikpela i daunim pasin bilong apim nem na pasin bilong les; 43–52, Ol sikman bai kamap orait long blesing ol i kisim na long feit bilong ol; 53–60, Ol skripsa i gat ol lo bilong ronim Sios na ol eldas bilong Sios i mas tokaut long olgeta wol; 61–69, Bikpela bai soim aut hap bilong Nupela Jerusalem na ol trupela samting bilong God dispela i hait yet bilong kingdom; 70–73, Sios bai yusim ol samting holi bilong Sios long sapotim ol wokman bilong Sios; 74–93, Bikpela i tokaut long ol lo bilong lukautim pamuk pasin, pasin bilong bagarapim marit, pasin bilong kilim man, pasin bilong stil, na lo bilong tok sori long ol sin.
Seksen 43
1–7, Ol revelesen na ol komanmen i kam tasol long man husat God i makim; 8–14, Ol Seint bai kamap holi taim ol i wokim ol samting wantaim pasin holi long ai bilong Bikpela; 15–22, Bikpela i salim ol elda i kamaut long tokaut long ol manmeri long tanim bel na redim ol manmeri long dispela traipela de bilong Bikpela; 23–28, Bikpela i singautim ol man long nek bilong em yet na long pawa bilong ol samting bilong dispela ples graun; 29–35, Dispela milenium na taim bilong pasim Satan bai kamap.
Seksen 44
1–3, Ol Elda bai bung long konferens; 4–6, Ol i mas ogenaisim ol samting long ol lo bilong dispela graun na long lukaut bilong ol turangu lain.
Seksen 45
1–5, Krais em i namelman bilong yumi wantaim Papa; 6–10, Dispela gospel em bilong karim toktok long redim rot i go pas long Bikpela; 11–15, Enoch wantaim ol lain bilong em bin kam insait long stap bilong Bikpela; 16–23, Krais i soim ol sain bilong kam bilong Em olsem Em bin givim long Maunten bilong Oliv; 24–38, Bikpela bai bringim kambek gospel, ol taim bilong ol Jentail bai pinis, na wanpela sik dispela bai kilim idai olgeta samting bai karamapim olgeta hap long graun; 39–47, Ol sain, ol bikpela wok i save winim tinging, na tu Kirap bek bai kam wantaim dispela Nambatu Kam bilong Em; 48–53, Krais bai sanap antap long Maunten Oliv, na ol Ju bai lukim ol sua long han na lek bilong Em; 54–59, Bikpela bai bos long dispela Milenium; 60–62, Bikpela i givim skul long Profet long statim dispela tanim tok bilong Nupela Testamen, long dispela Bikpela bai soim ol impoten samting; 63–75, Bikpela i tok strong long ol Seint long bung na wokim Nuplea Jerusalem, long em olgeta pipol bilong olgeta nesen bai kam.
Seksen 46
1–2, Ol Elda i mas ronim ol miting olsem Holi Spirit i soim; 3–6, Ol memba bilong sios i mas noken rausim ol lain husat i wok long painim toktru long ol sakramen sevis; 7–12, Ol memba i mas askim God na painim ol presen bilong Spirit; 13–26, Bikpela i givim sampela lis bilong ol dispela presen; 27–33, Bikpela i givim pawa long ol Sios lida long save gut long ol dispela presen bilong Spirit.
Seksen 47
1–4, Bikpela i makim John Whitmer long lukautim ol histori bilong Sios na long raitim ol samting Profet i tokim em long raitim.
Seksen 48
1–3, Ol Seint long Ohio i mas tilim ol graun bilong ol wantaim ol brata bilong ol long sios; 4–6, Ol Seint i mas baim ol dispela hap graun, wokim wanpela siti, na bihainim kaunsel bilong ol hetman bilong ol.
Seksen 49
1–7, Dispela de na aua bilong kam bilong Krais nogat man i save inap em i kam; 8–14, Ol manmeri i mas tanim bel, bilip long gospel, na harim tok long ol odinens long kisim salvesen; 15–16, Marit God yet i odenim; 17–21, God i oraitim ol long kaikai abus; 22–28, Saion bai kamap gut moa yet na ol lain bilong Leiman bai kamap olsem wanpela ros bipo long Nambatu Kam bilong Krais.
Seksen 50
1–5, Planti ol kainkain spirit wok long kamap nambaut long dispela ples graun; 6–9, Tok lukaut i go long ol man bilong tupela maus na ol dispela lain husat ol lain i rausim long sios; 10–14, Ol elda i mas go na autim toktok long dispela gospel wantaim pawa bilong Spirit; 15–22, Tingting bilong ol lain husat i autim toktok long gospel na tu ol lain husat i harim gospel bai mas kisim lait bilong Spirit; 23–25, Dispela em i no kisim strong long pasin, long tingting na long spirit i no kam long God; 26–28, Ol lain husat i stap wantaim feit em ol i holim olgeta samting; 29–36, Bikpela i harim beten bilong ol puia lain; 37–46, Krais em i Gutpela Man bilong Was long Sipsip na Ston bilong Isrel.
Seksen 51
1–8, Bikpela i makim Edward Partridge long kontrolim ol dispela samting ol o wanwan man i lukautim; 9–12, Ol Seint i mas wokim ol samting wantaim trupela pasin na ol bai kisim wankain pasin; 13–15, Ol i mas gat wanpela stoa haus bilong bisop na long stretim ol samting aninit long lo bilong Bikpela; 16–20, Ohio i mas kamap wanpela ples bilong bung long liklik taim.
Seksen 52
1–2, Bikpela i makim narapela konferens bihain long kamap long Missouri; 3–8, Ol makim bilong ol wanpela kain elda long raun wantaim i bin kamap; 9–11, Ol elda bai mas tisim ol samting ol aposol na ol profet i bin raitim; 12–21, Ol dispela lain husat i kisim lait i kam long Spirit bai bringim i kamap ol kaikai bilong hamamas na gutpela save; 22–44, Bikpela i makim sampela elda long go aut long autim toktok long gospel taim ol i wok long raun i go long Missouri long konferens.
Seksen 53
1–3, Singaut na makim bilong Sidney Gilbert insait long Sios em long kisim odinesen olsem wanpela elda; 4–7, Em bai wok tu olsem wanpela wokman bilong bisop.
Seksen 54
1–6, Ol Seint i mas holim pas dispela gospel kavanen long kisim marimari bilong God; 7–10, Ol i mas wet isi long taim bilong pen.
Seksen 55
1–3, Bikpela i makim na singautim William W. Phelps long baptais, na long kisim odinesen olsem wanpela elda, na long autim toktok bilong gospel; 4, Na tu em i mas raitim ol buk bilong ol pikinini long ol skul bilong Sios; 5–6, Em i mas raun i go long Missouri, dispela hap em i bai mekim wok bilong Bikpela.
Seksen 56
1–2, Ol Seint i mas kisim diwai kros bilong ol yet na bihainim Bikpela long kisim salvesen; 3–13, Bikpela i save tokim na i save stopim, na ol lain husat i sakim tok Bikpela bai rausim i go; 14–17, Tok lukaut i go long ol rits lain husat i no laik long halivim ol turangu lain, na tok lukaut i go long ol dispela turangu lain husat bel bilong ol i no buruk; 18–20, Blesim yupela ol turangu lain husat bel bilong yupela i piua, long wanem ol bai kisim dispela ples graun olsem samting papa i givim pikinini.
Seksen 57
1–3, Independence, Missouri, em ples bilong Siti bilong Saion na dispela temple; 4–7, Ol Seints bai baim ol graun na kisim gutpela samting long dispela hap; 8–16, Sidney Gilbert bai kamapim wanpela stoa, William W. Phelps bai kamap olsem wanpela printa, na Oliver Cowdery i bai stretim ol samting bilong raitim na autim.
Seksen 58
1–5, Ol dispela lain husat i strong long taim bilong bikpela pen bai kisim kraun bilong glori; 6–12, Ol seint i mas redi long marit bilong Pikinini Sipsip na kaikai bilong Bikpela; 13–18, Ol bisop bai kamap jas long Isrel; 19–23, Ol seint i mas bihainim ol lo bilong dispela graun; 24–29, Manmeri i mas yusim laik bilong ol yet long mekim kamap gutpela pasin; 30–33, Bikpela i save tokim na i save stopim; 34–43, Long tanim bel, ol manmeri i mas tok sori na autim ol sin bilong ol; 44–58, Ol seint i mas baim ol hap graun bilong ol na bung long Missouri; 59–65, Dispela gospel i mas go aut long olgeta wanwan manmeri.
Seksen 59
1–4, Ol Seint husat i stap wantaim feit insait long Zion bai kisim blesing; 5–8, Ol i mas lavim na sevim Bikpela na holim pas ol komanmen bilong Em; 9–19, Taim ol i luk save long de bilong Bikpela olsem em i holi de, ol Seint bai kisim blesing long sait bilong samting bilong graun na long sait bilong spirit; 20–24, Bikpela i promisim ol stretpela lain pis long dispela wol na long laip oltaim oltaim long taim bihain.
Seksen 60
1–9, Ol elda bai autim toktok bilong gospel long kongrigesen bilong ol lain nogut; 10–14, Ol i mas noken westim nating taim bilong ol, na tu noken haitim talen bilong ol insait long graun; 15–17, Na ol i ken wasim lek bilong ol olsem wanpela testimoni agensim ol lain husat i no laikim dispela gospel.
Seksen 61
1–12, Bikpela i tokaut pinis long planti bagarap bai kamap antap long ol wara; 13–22, Jon i bin tok nogutim pinis ol dispela wara, na satan i save ron antap long ol dispela wara; 23–29, Sampela i gat pawa long bosim ol wara; 30–35, Ol elda i mas raun tupela tupela na autim toktok long gospel; 36–39, Ol i mas redi long kam bilong Pikinini Man bilong Man.
Seksen 62
1–3, Ol testimoni i gat rekot bilong ol long heven; 4–9, Ol elda bai mas raun na autim toktok bilong gospel long save bilong ol yet na olsem Spirit i soim ol.
Seksen 63
1–6, Taim bilong bikpela kros bilong God bai kam antap long ol nogut lain; 7–12, Ol sain bai kamap long feit bilong ol manmeri; 13–19, Husat man i lukluk long wanpela meri bilong aigris i bihainim em i bin bagarapim marit long pamuk pasin wantaim em pinis long bel bilong em bai tok nogat long feit bilong em na Bikpela bai tromoim em i go long raunwara paia; 20, Ol lain stap wantaim feit bai kisim ples bilong ol long dispela ples graun em i senis; 21, Olgeta stori long ol samting bin kamap long Maunten bilong Senis bilong Jisas i no kamaut yet; 22–23, Ol lain bilong harim tok bai kisim save long ol trupela samting bilong God dispela i hait yet bilong kingdom bilong heven; 24–31, Ol memba bilong sios mas baim graun long Zion; 32–35, Bikpela i tokaut long pait na ol lain nogut kilim ol lain nogut; 36–48, Ol Seint i mas bung i go long Zion na givim mani long kamapim en; 49–54, Bikpela i promisim blesing long ol lain husat i stap wantaim feit long Nambatu Kam bilong Em, long taim bilong Kirap bek, na insait long taim bilong Milenium; 55–58, Dispela em i taim bilong tok lukaut; 59–66, Ol lain nogat atoriti yusim nating nem bilong Bikpela.
Seksen 64
1–11, Bikpela i tokim ol seint long fogivim wanpela narapela, nogut bikpela sin moa yet i bai stap bek wantaim ol; 12–22, Ol bai bringim ol lain husat i tanim bel long ai bilong Sios; 23–25, Manmeri husat i peim taiting bilong ol bai no inap paia long kam bilong Bikpela; 26–32, Ol Seint i kisim tok lukaut long pasin bilong dinau; 33–36, Ol bikhet lain bai raus long Zion; 37–40, Sios bai jasim ol nesen; 41–43, Zion bai kamap gut moa yet.
Seksen 65
1–2, Bikpela i promisim ol ki bilong kingdom bilong God long ol manmeri bilong dispela ples graun, na as bilong dispela gospel bai win; 3–6, Milenium kingdom bilong heven bai kam na joinim kingdom bilong God long dispela ples graun.
Seksen 66
1–4, Dispela oltaim oltaim kavanen em i olgeta toktok bilong gospel; 5–8, Ol elda i mas autim toktok bilong gospel, tokaut, na stretim tok gut wantaim ol manmeri; 9–13, Long minista na sev wantaim feit bai strongim ples bilong yumi wanwan long laip oltaim oltaim.
Seksen 67
1–3, Bikpela i save harim beten bilong ol na was long ol elda bilong Em; 4–9, Em i salensim man i gat bikpela save stret long kamapim samting em i gutpela moa yet long ol liklik stret revelesen bilong Em; 10–14, Spirit bai senisim ol elda husat i gat feit na bai ol i lukim pes bilong God.
Seksen 68
1–5, Ol tok bilong ol elda bai stap olsem skripsa taim Holi Gos i kirapim bel bilong ol; 6–12, Ol Elda i mas autim toktok bilong dispela gospel na baptais, na ol dispela sain bai bihainim ol dispela lain husat i bilip; 13–24, Ol nambawan bon namel long ol pikinini man bilong Aron bai inap sev olsem ol Het Bisop (olsem bai, ol i holim ki bilong presidensi olsem wanpela bisop) aninit long direksen bilong Nambawan Presidensi; 25–28, Ol Papamama i kisim strongpela toktok long tisim ol pikinini bilong ol long dispela gospel; 29–35, Ol Seint i mas onaim Sabat, wok hat moa olgeta taim, na beten.
Seksen 69
1–2, John Whitmer i mas go wantaim Oliver Cowdery long Missouri; 3–8, Tu em i mas autim toktok bilong gospel na long bungim, rekotim, na raitim ol samting bilong histori.
Seksen 70
1–5, Bikpela i makim ol man bilong lukautim ol samting long putim aut ol dispela revelesen; 6–13, Ol dispela lain husat i wok hat long ol samting bilong spirit ol inap long pe bilong ol; 14–18, Ol Seint i mas wankain long ol samting bilong graun.
Seksen 71
1–4, Bikpela i salim Joseph Smith na Sidney Rigdon long go na tokaut long gospel; 5–11, Bai ol birua bilong ol Seint i paul long toktok.
Seksen 72
1–8, Ol elda bai givim ripot long duti bilong ol i go long bisop; 9–15, Bisop i ronim stoahaus na lukautim ol turangu na ol lain i gat nid; 16–26, Ol bisop bai konfemim stap stret bilong ol elda.
Seksen 73
1–2, Ol elda i mas go het yet long autim toktok; 3–6, Joseph Smith na Sidney Rigdon mas go het long tanim tok long Baibel inap em i pinis.
Seksen 74
1–5, Pol i tokim Sios long taim bilong em long noken holim pas lo bilong Moses; 6–7, Ol liklik pikinini ol i holi na kamap holi thru long Atonmen.
Seksen 75
1–5, Ol elda husat stap wantaim feit na husat i autim toktok bilong gospel bai kisim laip oltaim oltaim; 6–12, Beten long kisim Spirit bilong Bel Isi, husat i save tisim olgeta samting; 13–22, Ol elda bai sindaun long jasim ol dispela lain husat i no laikim dispela tok bilong ol; 23–36, Ol famili bilong ol misinari bai kisim halivim long Sios.
Seksen 76
1–4, Bikpela em i God; 5–10, Ol trupela samting bilong God dispela i hait yet bilong dispela kingdom bai soim aut long olgeta husat i stap wantaim feit; 11–17, Olgeta manmeri bai kam ausait long dispela kirap bek bilong ol stretpela lain na lain i no stretpela; 18–24, Ol lain bilong planti wol ol i pikinini man na pikinini meri long Atonmen bilong Jisas Krais; 25–29, Wanpela ensel bilong God i pundaun na kamap satan; 30–49, Ol pikinini man bilong satan pilim pen bilong kot i bikpela moa bilong oltaim oltaim; olgeta narapela lain kisim sampela hap bilong salvesen; 50–70, Glori na pe bilong ol lain husat bai kamap olsem God insait long selesel kingdom Bikpela i mekim klia long hia; 71–80, Ol dispela lain husat bai kisim terestrel kingdom Bikpela i mekim klia long hia; 81–113, Stap bilong ol dispela lain insait long telesel, terestrel, na selesel glori Bikpela i tok klia long ol; 114–119, Ol lain husat i stap wantaim feit bai inap long lukim na save gut long ol trupela samting bilong God dispela i hait yet bilong kingdom bilong God long pawa bilong Holi Spirit.
Seksen 77
1–4, Ol animal i gat spirit na bai stap long oltaim hamamas; 5–7, Dispela graun i gat dispela kain stap bilong en long 7,000 yia; 8–10, Sampela ensel bringim kambek gospel na minista long ples graun; 11, Siling bilong ol 144,000; 12–14, Krais bai kam long stat bilong dispela seven tausen yia; 15, Tupela profet bai sanap i kam long nesen bilong ol Ju.
Seksen 78
1–4, Ol Seint i mas stretim na kamapim wanpela stoa haus; 5–12, Yusim ol samting wantaim bikpela save bai lidim ol i go long salvesen; 13–14, Sios i mas sanap em yet na i no long pawa bilong dispela ples graun; 15–16, Maikel (Adam) i sev aninit long dareksen bilong Em Husat i Holi (Krais); 17–22, Blesim ol lain husat i stap wantaim feit, long wanem ol i bai kisim olgeta samting.
Seksen 79
1–4, Bikpela i singautim Jared Carter long autim toktok bilong gospel long halivim bilong Spirit bilong Bel Isi.
Seksen 80
1–5, Bikpela i singautim Stephen Burnett na Eden Smith long autim toktok long wanem hap ples ol i makim long laik bilong ol yet.
Seksen 81
1–2, Ol ki bilong dispela kingdom bai dispela Nambawan Presidensi olgeta taim i holim; 3–7, Sapos Frederick G. Williams i stap wantaim feit long ministri bilong em, em bai gat laip oltaim oltaim.
Seksen 82
1–4, Long husat man mi givim planti, mi bai askim em long planti; 5–7, Tudak i bosim dispela wol; 8–13, Bikpela i pasim em yet long lukluk long yumi taim yumi wokim wanem samting Em i askim long en; 14–18, Zion i mas kamap bikpela moa long luknais na pasin holi; 19–24, Olgeta wanwan man i mas lukluk long painim gutpela bilong narapela man.
Seksen 83
1–4, Ol meri na ol pikinini i gat rait long askim ol man bilong ol na ol papa bilong ol long givim ol sapot; 5–6, Ol meri husat man bilong ol i dai pinis na ol pikinini nogat papamama i gat rait long askim Sios long givim ol sapot.
Seksen 84
1–5, Nupela Jerusalem na temple Sios bai wokim long Missouri; 6–17, Dispela lain bilong prishud long Moses i go long Adam Bikpela i givim; 18–25, Bikpela moa prishud i holim ki bilong save; 26–32, Liklik prishud i holim ki bilong wok bilong ol ensel na wok redi bilong gospel; 33–44, Ol man kisim laip oltaim oltaim long dispela tok promis na kavanen bilong dispela prishud; 45–53, Spirit bilong Krais i givim lait long ol man, na wol i stap long sin; 54–61, Ol Seint i mas tokaut long ol dispela samting ol i bin kisim; 62–76, Ol i bai autim toktok long gospel na ol sain bai bihainim; 77–91, Ol elda bai go aut na noken kisim hanpaus o bek wantaim moa klos, na Bikpela bai lukautim ol long ol nid bilong ol; 92–97, O bikpela sik na samting nogut i wetim ol dispela lain husat i no laikim dispela gospel; 98–102, Bikpela i givim nupela singsing bilong ridemsen long Saion; 103–110, Larim olgeta wanwan man i wokim wok long opis bilong em yet na wok long singaut bilong em yet; 111–120, Ol wokman bilong Bikpela bai tokaut sting samting bilong stap nating olgeta bilong ol las de.
Seksen 85
1–5, Long Zion ol Seint bai kisim ol graun samting i kam long ol samting ol narapela seint i givim wantaim bel; 6–12, Wanpela i bikpela na strongpela bai givim ol Seint long graun samting long Zion.
Seksen 86
1–7, Bikpela i givim mining bilong dispela tokpiksa bilong wit na rabis pipia; 8–11, Em i tok klia long ol prishud blesing long ol lain husat inap long kisim ol samting aninit long lo bilong God.
Seksen 87
1–4, Tokaut bilong war namel long ol Stet long not na ol Stet long Saut; 5–8, Bikpela taim nogut bai pundaum antap long ol lain bilong dispela ples graun.
Seksen 88
1–5, Ol seint husat i bihainim tru bai kisim dispela Spirit bilong Bel Isi, dispela promis bilong laip oltaim oltaim; 6–13, Lait bilong Krais i bosim na lukautim olgeta samting; 14–16, Kirap bek i kam long ridemsen; 17–31, Pasin bilong harim tok long lo bilong selesel, teresel, o telesel i redim ol man long ol dispela wanwan kingdom na glori; 32–35, Ol lain husat i stap long pasin bilong sin bai stap doti yet; 36–41, Olgeta kingdom i stap aninit long lukaut bilong ol lo; 42–45, God i bin givim wanpela lo long olgeta samting; 46–50, Man bai save tu long God; 51–61, Tokpiksa bilong man i salim ol wokman bilong em i go long gaden na go visitim ol wanwan; 62–73, Kam klostu long Bikpela, na yupela bai lukim pes bilong Em; 74–80, Mekim holi yupela yet na tisim wanpela narapela long doktrin bilong kingdom; 81–85, Olgeta wanwan man husat i bin kisim tok lukaut i mas tok lukaut long ol narapela man; 86–94, Ol sain, na ol samting bai kuk i kamap olsem wara wantaim hat i hatpela tru, na ol ensel bai redim wei long kam bilong Bikpela; 95–102, Ol biugel bilong ol ensel bai singautim ol daiman long kamaut long oda bilong ol; 103–116, Ol biugel bilong ol ensel bai tokaut long kambek gen bilong dispela gospel, pundaun bilong Babilon, na dispela pait bilong bikpela God; 117–126, Lukluk long painim skul, kamapim wanpela haus bilong God (wanpela temple), na putim klos bilong pasim yupela yet long siariti; 127–141, Dispela oda bilong dispela Skul bilong ol Profet Bikpela i tok klia long en nau, na tu dispela odinens bilong wasim ol lek.
Seksen 89
1–9, Long kisim wain, ol strongpela dring, tapak, na ol hatpela dring i tambu; 10–17, Ol sayor, prut, mit, na pikinini bilong wit na ol sampela narapela kain God i odenim bilong ol manmeri na ol animal long yusim; 18–21, Pasin bilong harim tok long ol gospela lo, wantaim dispela Word of Wisdom, bai bringim ol blesing bilong dispela ples graun and blesing bilong ol spirit samting.
Seksen 90
1–5, Ol ki bilong dispela kingdom Bikpela i givim long Joseph Smith na long em i go long Sios; 6–7, Sidney Rigdon na Frederick G. Williams bai sev insait long dispela Nambawan Presidensi; 8–11, Autim toktok long dispela gospel bai go long nesen bilong Isrel, go long Jentail, na go long ol Ju, olgeta wanwan man long harim long tokples bilong ol yet; 12–18, Joseph Smith na ol kaunsela bilong em i mas putim dispela Sios long oda; 19–37, Bikpela i kaunselim sampela lain long wokabaut stret na sev long kingdom bilong Em.
Seksen 91
1–3, Planti bilong dispela Apokrifa ol i tanim tok ol en stret tasol i gat planti narakain tok long ol han bilong ol man em i no tru; 4–6, Em i gutpela bilong ol dispela lain husat i kisim lait long Spirit.
Seksen 92
1–2, Bikpela i givim wanpela komanmen long hau long kamap memba long dispela united order.
Seksen 93
1–5, Olgeta husat i stap wantaim feit bai lukim Bikpela; 6–18, Jon i bin witnes olsem Pikinini Man bilong God i bin go long marimari i go long marimari inap Em i bin kisim olgeta long glori bilong Papa; 19–20, Ol man husat i stap wantaim feit, na go long marimari i go long marimari, bai kisim tu long olgeta bilong Em; 21–22, Ol dispela lain husat ol pikinini long Krais em ol Sios bilong Nambawan bon; 23–28, Krais i kisim olgeta bilong toktru, na man long pasin bilong harim tok bai inap tu; 29–32, Man i bin stap wantaim God long stat; 33–35, Ol samting ol i bilong oltaim oltaim, na man inap long kisim olgeta hamamas tru long dispela Kirap bek; 36–37, Glori bilong God em i save; 38–40, Ol pikinini i nogat rong bilong ol long ai bilong God bikos long ridemsen bilong Krais; 41–53, Bikpela i odaim ol lida brata long putim ol famili bilong ol long oda.
Seksen 94
1–9, Bikpela i givim wanpela komanmen long mekim wanpela haus bilong wok bilong dispela Presidensi; 10–12, Ol i bai mekim tu wanpela haus bilong printim ol wok; 13–17, Bikpela i makim sampela hap graun na samting.
Seksen 95
1–6, Bikpela i korosim ol Seint long taim ol i no mekim haus bilong Bikpela; 7–10, Bikpela i laik long yusim haus bilong Em long givim blesing bilong Spirit long ol pipol bilong em i kam long antap; 11–17, Ol Sios lida bai dediketim dispela haus olsem wanpela ples bilong lotu na bilong skul bilong ol Aposol.
Seksen 96
1, Dispela Kirtland Stek bilong Zion ol memba bilong Sios i mas mekim kamap strong; 2–5, Bisop i bai tilim ol dispela samting bilong ol Seint; 6–9, John Johnson i mas kamap wanpela memba bilong dispela yunaitet oda.
Seksen 97
1–2, Planti long ol Seint long Zion (Jackson County, Missouri) kisim blesing long pasin bilong stap wantaim feit bilong ol; 3–5, Bikpela i tok tenkyu long Parley P. Pratt long ol wok bilong em insait long dispela skul long Zion; 6–9, Ol dispela lain husat i holimpasim ol kavanen bilong ol Bikpela i hamamas long ol; 10–17, Ol memba bilong Sios bai mekim wanpela haus long Zion insait long em ol dispela piua long bel bai lukim God; 18–21, Saion em i dispela piua long bel; 22–28, Saion bai ronowe long mekim save bilong Bikpela sapos em i stap wantaim feit.
Seksen 98
1–3, Dispela ol taim bilong hevi bilong ol Seint i bai bilong gutpela bilong ol; 4–8, Ol Seint i mas kamap poroman bilong dispela konstitusen lo bilong dispela graun; 9–10, Ol trupela, i gat gutpela save, na gutpela man i mas kisim sapot long gavman bilong dispela ples graun; 11–15, Ol dispela lain husat i givim laip bilong ol long wok bilong Bikpela bai kisim laip oltaim oltaim; 16–18, Tok no laik long pait na tok aut long pis; 19–22, Bikpela i hatim ol Seint long Kirtland na tok strong long ol long tanim bel; 23–32, Bikpela i soim aut ol lo bilong Em bilong bosim dispela hevi na taim bilong hevi i bin kamap long ol pipol bilong Em; 33–38, Pait em i orait tasol taim Bikpela i tok strong long en; 39–48, Ol Seint mas fogivim ol birua bilong ol, husat sapos ol i tanim bel, bai ronowe tu long pe nogut bilong Bikpela.
Seksen 99
1–8, Bikpela i singautim John Murdock long tokaut long gospel, na ol dispela lain husat i kisim em i kisim Bikpela na bai i kisim marimari.
Seksen 100
1–4, Joseph na Sidney bai autim toktok long gospel bilong salvesen bilong ol sol; 5–8, Bikpela bai givim tupela long dispela aua stret wanem samting tupela i bai tok; 9–12, Sidney bai kamap olsem wanpela mausman na Joseph olsem wanpela reveleita na strong long testimoni; 13–17, Bikpela bai kirapim wanpela piua pipol, na ol lain bilong harim tok em bai seivim ol.
Seksen 101
1–8, Bikpela i korosim ol Seint na ol raskol lain i givim pen long ol Seint bikos long ol pasin bilong brukim lo bilong ol; 9–15, Bel nogut i gat paia bilong Bikpela bai pundaun antap long ol nesen, tasol Em bai bungim ol pipol bilong Em na givim ol bel isi; 16–21, Bikpela bai kamapim Zion na ol stek bilong em; 22–31, Bikpela i tok stret long hau laip i bai stap long taim bilong Milenium; 32–42, Bikpela bai blesim na givim pe long ol Seint long dispela taim; 43–62, Dispela tokpiksa bilong bikman na ol oliv diwai makim ol trabel na ridemsen bihain tru bilong Zion; 63–75, Ol Seint i mas go het wantaim ol bung wantaim bilong ol; 76–80, Bikpela i kamapim Konstitusen bilong United States; 81–101, Ol Seint i mas askim wantaim laik stret long kompensesen bilong ol hevi, olsem long tokpiksa bilong wanpela meri na giaman jas.
Seksen 102
1–8, Bikpela i bin makim wanpela hai kaunsil long stretim ol impoten samting hat dispela i kamap insait long dispela Sios; 9–18, Dispela seksen i kamapim ol wei bilong harim na stretim ol problem; 19–23, Presiden bilong dispela kausil bai givim disisen; 24–34, Dispela seksen i kamapim wei bilong stretim ol apil.
Seksen 103
1–4, Wai na Bikpela i bin larim ol Seint long Jackson County long ol narapela long givim hevi long ol; 5–10, Ol Seint bai win tru sapos ol i holimpasim ol komanmen; 11–20, Ridemsen bilong Zion bai kam long pawa, na Bikpela bai go pastaim long ol pipol bilong Em; 21–28, Ol Seint i mas bung long Zion, na ol dispela lain husat i putim go daun ol laip bilong ol bai painim gen; 29–40, Bikpela i singautim sampela brata long ogenaisim Camp bilong Zion na go long Zion; Bikpela i promisim ol win bilong pait sapos ol i stap wantaim feit.
Seksen 104
1–10, Ol Seint husat i mekim rong long united order bai ol i kisim pe nogut; 11–16, Bikpela i save givim ol samting long ol Seint bilong Em long wei bilong em yet; 17–18, Gospel lo i save soim lukaut bilong ol turangu lain; 19–46, Ol samting ol wanwan brata bai lukautim na ol blesing Bikpela bai givim long ol; 47–53, Dispela united order long Kirtland na dispela oda long Zion bai tupela i wok wanwan; 54–66, Dispela haus mani bilong Bikpela em i bilong printim ol skripsa; 67–77, Dispela ples bilong putim mani samting bilong united order em i bilong wokim ol samting wantaim tok orait bilong olgeta; 78–86, Ol dispela lain bilong united order i mas baim olgeta dinau bilong ol, na Bikpela bai seivim ol long kalabus bilong dinau.
Seksen 105
1–5, Yupela bai kamapim Zion wantaim pasin bilong bihainim selesel lo; 6–13, Ridemsen bilong Zion Bikpela i stopim pastaim long liklik taim; 14–19, Bikpela bai pait long ol pait bilong Zion; 20–26, Ol Seint i mas gat gutpela save na i no paitim bros bilong wokim bikpela wok taim ol i bung; 27–30, Ol memba bilong sios i mas baim ol graun long Jackson na ol county i stap klostu; 31–34, Ol elda i mas kisim wanpela endaumen long haus bilong Bikpela long Kirtland; 35–37, Ol Seint husat Bikpela i singautim na makim ol bai i kamap holi; 38–41, Ol Seint bai litimapim wanpela simbol bilong bel isi i go long wol.
Seksen 106
1–3, Bikpela i singautim Warren A. Cowdery olsem wanpela ofisa bilong dispela hap husat i stap long lukautim samting; 4–5, Nambatu Kam bilong Bikpela bai no inap long kamap long ol pikinini bilong lait olsem wanpela stilman; 6–8, Ol bikpela blesing bai kam bihain long taim yumi givim gutpela sevis long Sios.
Seksen 107
1–6, I gat tupela prishud: Melkisedek na Eronik; 7–12, Ol dispela lain husat i holim dispela Melkisedek Prishud i gat pawa long sanap long olgeta opis long dispela Sios; 13–17, Bisoprik i bosim ol samting bilong Eronik Prishud, dispela bilong lukautim ol odinens yumi inap lukim wantaim ai; 18–20, Melkisedek Prishud i holim ol ki bilong olgeta blesing bilong spirit; Eronik Prishud i holim ol ki bilong ministering bilong ol ensel; 21–38, Nambawan Presidensi, ol Twelpela, na ol Seventi i bung wantaim long mekim kamap kwarom bilong lukautim ol samting, husat em i wok bilong ol long bung wantaim long mekim disisen wantaim stretpela pasin; 39–52, Oda bilong patriak i bin kamap long Adam kam daun long Noah; 53–57, Ol Seint bilong bipo i bin bung long Adam-ondi-Ahman, na Bikpela i bin kamap long ol; 58–67, Ol Twelpela bai putim stret ol ofisa bilong Sios long oda; 68–76, Ol Bisop bai wok olsem ol jas bilong olgeta samting long Isrel; 77–84, Nambawan Presidensi na ol Twelpela i bung wantaim long holim bikpela kot stret insait long dispela Sios; 85–100, Ol Prishud presiden i bosim ol wanwan kwarom bilong ol.
Seksen 108
1–3, Lyman Sherman kisim fogivnes long ol sin bilong em; 4–5, Em bai go wantaim ol elda husat i lidim Sios; 6–8, Bikpela i singautim em long autim toktok bilong gospel na strongim ol brata bilong em.
Seksen 109
1–5, Dispela Kirtland Temple ol memba bilong sios i bin mekim olsem wanpela ples bilong Pikinini bilong Man long kam long lukim ol; 6–21, Dispela bai kamap olsem haus bilong beten, pasin bilong lusim kaikai, feit, lainim samting, glori, na oda, na haus bilong God; 22–33, Larim ol dispela lain husat i no tanim bel husat i agensim ol pipol bilong Bikpela bai paul long toktok; 34–42, Larim ol Seint go het wantaim pawa long bungim ol stretpela lain long Zion; 43–53, Larim Bikpela bai seivim ol Seint long ol samting nogut tru we bai kapsait antap long ol nogut lain long ol dispela las de; 54–58, Larim ol nesen na ol pipol na ol sios bai redi long dispela gospel; 59–67, Larim Bikpela kisim bek ol Ju, ol Lamanait, na olgeta Isrel; 68–80, Larim ol Seint kisim kraun bilong glori na ona na kisim salvesen bilong oltaim oltaim.
Seksen 110
1–10, Bikpela Jehova i bin soim em yet long glori na kisim Kirtland Temple olsem haus bilong Em; 11–12, Moses na Elias bin wanwan soim tupela yet na givim ol ki na ol dispelsesen bilong ol; 13–16, Ilaija i kam bek gen na givim dispela ki bilong dispensesen bilong em olsem Malakai i bin promis.
Seksen 111
1–5, Bikpela i save lukluk long ol nid bilong samting bilong graun bilong ol wokman bilong Em; 6–11, Em bai soim marimari wantaim Zion na stretim olgeta samting long gutpela bilong ol wokman bilong Em.
Seksen 112
1–10, Dispela Twelpela i mas salim dispela gospel na kirapim dispela tok lukaut i go long olgeta nesen na pipol; 11–15, Ol i mas kisim diwai kros bilong ol, bihainim Jisas, na givim kaikai long ol sipsip bilong Em; 16–20, Ol dispela lain husat i kisim Nambawan Presidensi i kisim Bikpela; 21–29, Tudak i karamapim dispela ples graun, na ol dispela lain tasol husat i bilip na i baptais bai kisim salvesen; 30–34, Dispela Nambawan Presidensi na dispela Twelpela i holim ki bilong dispela dispensesen bilong dispela ol taim bilong pulap.
Seksen 113
1–6, As Diwai bilong Jesi, dispela han diwai i kam long en, na dispela rop bilong diwai bilong Jesi Bikpela i soim; 7–10, Ol hap lain bilong Zion husat i stap nambaut i gat rait long dispela prishud na Aisea i singautim ol long kam bek long Bikpela.
Seksen 114
1–2, Ol Sios posisin ol dispela lain husat i no stap wantaim feit i holim bai go long ol narapela.
Seksen 115
1–4, Bikpela i givim nem long sios bilong Em Sios bilong Jisas Krais bilong ol Seint long Las de; 5–6, Zion na ol stek bilong em, em ol ples bilong banis na hait bilong ol Seint; 7–16, Bikpela i tok strong long ol Seint long mekim wanpela haus bilong Bikpela long Far West; 17–19, Joseph Smith i holim ol ki bilong kingdom bilong God long dispela ples graun.
Seksen 116
Seksen 117
1–9, Ol wokman bilong Bikpela i mas noken mangalim ol samting bilong graun, long wanem “wanem samting em ol samting bilong graun long Bikpela?”; 10–16, Ol i mas lusim ol liklik tingting bilong sol, na ol sakripais bilong ol bai kamap holi long Bikpela.
Seksen 118
1–3, Bikpela bai lukautim ol famili bilong ol Twelpela; 4–6, We i nogat ol man long ol Twelpela, Bikpela bai makim.
Seksen 119
1–5, Ol Seint i mas baim ol samting antap moa long ol i nidim na bihain givim, olsem taiting, wanpela ten long interes bilong ol long wanwan yia; 6–7, Dispela samting bai mekim ples Zion i kamap holi.
Seksen 120
Seksen 121
1–6, Profet i krai go long Bikpela bilong ol karim pen bilong ol Seint; 7–10, Bikpela i gvim toktok bilong bel isi long em; 11–17, Ol dispela lain husat i kirapim giaman krai bilong pasin bilong brukim lo agensim ol pipol bilong Bikpela bai kisim tok nogut antap long ol; 18–25, Bai ol i nogat privilis long prishud na Bikpela bai kotim ol; 26–32, Revelesem i pulap long glori bai i go long dispela lain husat i stap strong nogut tru wantaim feit; 33–40, Olsem na Bikpela i singautim planti tasol em i makim liklik lain; 41–46, Ol man i mas yusim dispela prishud long stretpela pasin tasol.
Seksen 122
1–4, Ol arere bilong dispela ples graun bai askim long nem bilong Joseph Smith; 5–7, Olgeta birua na pilim pen bilong em bai givim em ekspiriens na i bilong gutpela bilong em; 8–9, Pikinini Man bilong Man i bin go daun aninit long olgeta dispela samting.
Seksen 123
1–6, Ol Seint i mas bungim na raitim wanpela stori bilong ol pilim pen na hevi bilong ol; 7–10, Dispela wankain spirit em i kamapim ol giaman prinsipol, dispela tu i lid i go long hevi bilong ol Seint; 11–17, Planti lain namel long olgeta kainkain sios bai kisim yet dispela toktru.
Seksen 124
1–14, Bikpela i tok strong long Joseph Smith long mekim wanpela strongpela tokaut bilong gospel i go long presiden bilong United States, ol gavana, na ol hetman bilong olgeta nesen; 15–21, Hyrum Smith, David W. Patten, Joseph Smith Snr., na ol narapela namel long ol dispela i stap laip na ol i dai pinis i kisim blesing long stretpela pasin na ol gutpela pasin bilong ol; 22–28, Bikpela i tok strong long ol Seint long mekim tupela wantaim, wanpela haus bilong lukautim ol ausait manmeri na wanpela temple long Nauvoo; 29–36, Ol baptisim bilong ol lain husat i dai pinis bai kamap long ol temple; 37–44, Ol pipol bilong Bikpela olgeta taim i save mekim ol temple bilong wokim ol holi odinens; 45–55, Bikpela i larim ol Seint long noken mekim dispela temple long Jackson County bikos long bikpela pen ol i kisim long ol birua bilong ol; 56–83, Bikpela i givim dareksen bilong wokim dispela Nauvoo Haus; 84–96, Bikpela i singautim Hyrum Smith long kamap wanpela patriak, long kisim ol ki, na long sanap long ples bilong Oliver Cowdery; 97–122, Bikpela i kaunselim William Law na ol narapela long ol wok bilong ol; 123–145, Bikpela i makim ol Bosman na ol lokol ofisa, wantaim tu ol wok bilong ol na ol kwarom we bai ol i stap long en.
Seksen 125
1–4, Ol Seint i mas mekim ol siti na bung i go long ol stek bilong Zion.
Seksen 126
1–3, Bikpela i tok tenk yu long Brigham Young long ol wok bilong em na Bikpela i rilisim em long ol raun bilong em i go long ol narapela ples bihain long dispela taim.
Seksen 127
1–4, Joseph Smith i hamamas long taim bilong pilim hevi na ol bikpela pen; 5–12, Ol memba bilong sios i mas raitim ol rekot bilong ol baptisim bilong ol lain i dai pinis.
Seksen 128
1–5, Ol lokol na ol jenerol lain bilong lukautim ol rekot i mas konfemim olsem i tru olsem ol baptisim bilong ol dispela lain husat i dai pinis i bin kamap; 6–9, Ol rekot bilong ol, ol i pasim na rekotim long ples graun na long heven; 10–14, Baptisimol font em i bihainim mak bilong matmat; 15–17, Ilaija i bin bringim kambek pawa bilong baptisim bilong ol lain husat i dai pinis; 18–21, Olgeta long ol dispela ki, ol pawa, na ol atoriti bilong ol dispensesen bilong bipo i bin kambek; 22–25, Gutpela nius na nius i pulap long glori Joseph Smith i autim bilong ol lain i stap laip na ol lain i dai pinis.

Printim

Putim wantaim ol hailait na ol andalain

Sain in long yusim

Putim wantaim ol futnouts